Pranwan Ladaw Laban ( XIV ) A, 2023

Pranwan Ladaw Laban ( XIV ) A, 2023

( Karai Kasang a Mungga )

Mahte 11:28-30 hta hkri ba la nna lit li gun ai ni yawng hte e ngai kaw wa marit ngai nan hte hpe ban sa shangun na made ai, nye a kangdang hpe hpai mu nye a lam sharin la mu dai rai yang nanhte a myit masin ban sa ai hkrum na malit dai. Kaning rai nme law nye a kangdang hpai loi ai hte nye a lit mung tsang nga lit ai nga nna tsun da nga ai .

Hkristu hta tsawra hkungga ai nu wa hpu nau ni ndai laban gaw Prawan ladaw hta XIV ngu na laban rai nga ai. . Madu Yesu Hkristu gaw dai ni e, anhte hpe kalang bai saw shaga nga ai. .anhte yawng a kaba dik ai lit gaw hpa baw rai na ta? San Augstine tsun da ai hta masha e gun hpai nga ra ai lit hta na li dik ai lit gaw mara ngu na n kaja ai lam rai nga ai nga nna tsun da nga ai. . Dai majaw daini e Madu gaw Ngai hpang de sa marit ngai nanhte hpe ban sa shangun na made ai ngu nna shaga nga ai re.

.Madu gaw anhte hpe gara hku ban sa shangun na ta? Gara hku raw shaprai ya na ta nga yang. ..mara raw sakramentu kumla chyeju hku nna mara ni hpe hkyem jaw ya let anhte a myit hpe jasan seng ya ai hte sim sa lam jaw ya na rai nga ai. ..Jau ni kaw sa raw ai mara shagu gaw mara sa raw hkam la ai wa a matu karai kasang kaja wa raw dat hkyem sa kau ya ai re majaw kap taw nga ai mara ni gaw raw shatsai kau ya hkrum nga ai. ..wenyi hpe si shangun ai chye mara kaba hpe hkum tsun kaji ai mara shagu pi masha a myit hpe grai ba shangun nga ai re. .lit li shangun nga ai re. Dai majaw daini e madu gaw myit mada lam mat na ram jam jau nga ai ni hte myit htum nga ai ni hpe Karai Kasang ngu ai hpe tam na matu dai karai kasang hpang de nhtang wa na matu Madu Yesu gaw saw shaga taw nga ai. ..tsawra hkungga ai nu wa hpu bau ni Karai Kasang hpe anhte a prat hta hkan tam nga ga Karai Kasang hpe ntam ai masha gaw tinang nang a lam yan hta sha jahtum tai mat na re. Mahte 11:29-30 nye a kandang hpe hpai mu nye a lam sharin la mu dai rai yang nanhte a myit masin ban sa ai hkrum na malit dai.

Kaning rai nme law nye a kandang gaw hpai loi ai hte nye a lit mung tsang nga li ai. Lit Kandang gaw nchye hpai ai.. hpai ai hkrang shut ai nga yang grai li ai rai nga ai. Hpai na matu mung yak ai. .ga shadawn anhte lit hpe baw gun ai shaloi baw shut sa i yang jahkring bai baw ra ai galaw ra ai hpai gun npyaw ai dai zawn sha rai nga ai. .daini e Madu gaw shi a kandang hpai mu da nye a lam sharin la mu da nga nna tsun da nga ai. .kaja wa nan madu a kandang gaw atsang awang si mani ai kandang rai nga ai. .anhte a kandang rai yang gaw gumrawng gum tawng ai lam ni hte baw da ai kandang rai nga ai. Madu gaw shi hta mara n nga ai raitim shinggyim masha ni hpe hkye hkrang la ai lam hta shinggyim masha ni a mara gumrawng gumtawng lam ting kyeng lam ndai zawn kandang ni hpe shi a shagrit shanem ai myit kaba hte kandang hpe gun hpai la ai a majaw madu yesu hkrum sha lai wa sai nni nhkri lam shimali hpe myit sawn dat yu ai shaloi mu mada nga ai dai hta shi a hkum hkrang ni hpe anu gayat zingri zingrat di ai lam grai rai nna hkrum sha lai wa tim shinggyim masha ni a ntsa myit daw myit hten ai lam nnga ai sha n-ga shi hpe mara galaw ai hte sak ai ni hpe pi tsawra myit kaba hte mara raw hkyem sa jaw ya lai wa ai. .rai nga ai. Anhte shinggyim masha ni gaw tinang hkum nan galaw ai mara a majaw myit pyaw lam n nga ai sha n-ga aput angun ai hte hkawm sa nga ga ai re. Daini e madu gaw shi a kandang rai nga myit sumnung myit gyip ai hte myit shagrit shanem ai myit hte lit kandang ni hpe hpai na matu saw shaga nga ai. .dai majaw san pra ai Augstine tsun ai hta kandang gaw lit n re da pyen lu na matu sinkaw re nga nna tsun da ai ..tsaw ai bum de lung ai mawdaw langai nga yang hpa rai mung nlawm yang atsawm rI lung na matu yak ai zawn rai ni bai mara bang nna lung ra ai zawn rai nga ai. . Nye a kandang gaw hpai loi ai ngu ai madu a ga hpe Greek ga hku ka da ai hta well fitting. .hkrak sup re ai nga nna ka da nga ai. .daini na ten hta yak hkak jam jau lam ni hpe tara lam ni hte gun hpai lu na matu ngai karai kasang hte hkrak sup rai hkra pawng hpawm mu ngai a tara lam ni hte hkrak garai nrai shi sa i nga yang bungli n awng dang lu na re..nye a kandang tsang ai ngu ai ndai madu a mungga hta gaw kam ai hku nga kam ai hku sa ai kam ai hku hkan tara lam hpe hkan sadik mu ngu nna tsun mayu ai nrai nga ai. .lit ngu ai hta tara lam shadik ai hpe gaw tsun mayu ai rai nga ai. .tara lam hpe shadik nan mung shadik ra nga ga ai. .mara ngu ai lit gaw karai kasang a lit n rai nga ai anhte a mara ngu kandang gaw li nga ai re Karai Kasang jaw wa ai kangdang chyawm gaw tsawra myit hte gun hpai ra ai kandang rai nga ai. .dai majaw tsawra myit hte hpai shangun ai lit kandang hpe kaja wa tsawra myit hte hpai ai nga yang tsang na gaw teng sha re. . tsawra myit hte hpai ai lam hte seng nna ga shadawn langai tsun ga nga yang Num shama langai shi a kanau hpe ba da ai mu nna marai langai shi hpe nang na a kanau hpe ba ai da n mahtin a ni ngu nna san dat ai shaloi dai num sha ma gaw n mahtin ai law nye kanau she re mi ngu nna bai htan dat ai da.. dai gaw

tsawra ai myit hte galaw da ai majaw rai nga ai. Tsawra myit gaw kandang lit ni hpe shatsang ya ai. .hkam jan lu shangun ai. .. Tsawra ai nu wa hpu nau ni anhte a prat gaw Madu Yesu hte lani hte lani grau grau nna ni htep wa sa i nga yang anhte shani shanang yeng seng nga ra ai mayak manghkang lam ni gaw lachyum grai nga nga ai hpe mu lu wa na re. .hpyen wa hpe mara nmu wa ai sha n-ga gung lau hkrum ai lam ni hpe kam sham lam a matu n -gun atsam ngu nna mu mada lu wa na re bai udang ngu nna nmu wa ai sha madu hte bung wa lu na matu tinang a prat hpe jasan jaseng la na matu ahkaw ahkang langai hku nna mu mada wa lu ai. .lit kandang ni hpe mung tsang dum wa ai ..

San Pra ai Francis desiel tsun ai hta lagat ni gaw lagat n tsin hpe lu na matu nga yang hka ai malu masha ni hpe sha nna sak hkrung ma ai nga nna tsun da nga ai. .dai zawn sha anhte mung mai kaja ai apu asi ni lu na matu galaw shakut nga ai ten yak hkak jam jau lam ni hpe hkrum katut ra na re ..dai majaw anhte mung du pru wa na myit tsang pu ai jam jau ai dingbai dingna lam ndai lam ni a matu jin jin rai hkyen lajang da ra ga ai. Bai yak hkak lam ni hpe gaw kadai mung n kam hkrum ai raitim apu asi kaja ni hpe gaw anhte ra chye nga ai. .apu asi kaja ngu ai hpe lu na matu gaw shakut shaja nna sha lu nga ai. .myan ga malai nga ai hte maren asak latsa n nga lu tim mahkang gaw latsa n -ga hkrum katut ra na re nga nna tsun da ai zawn anhte a prat hta e myit ru tsang pu lam ni yawn hpa lam ni hpe galoi mung hkrum sha nga na sha re. .kalang marang loi ai hku galaw lu tim kalang marang gaw grai bai yak ai hku galaw ra nga ga ai re. .madu hte galoi mung htep lahti nga ga ..dai zawn shi hte rau rai sa i nga yang lam shagu hpe awng dang tawt lai lu na re manghkang ni kade kaba ai mi rai rai kaji ai mi rai rai mu mada ai hku hkap la let karai kasang a lata hta ap da ai nga yang lit kandang ni gaw tsang dum wa na teng sha re.

Akyu hpyi saga oh hpan madu karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai. Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw pranwan ladaw hta. .....shimali........... ngu na lanban rai nga ai

Hti Ang Ai Ja Chyum Mungga Ni Gaw –

Chyum Mungga Daw ( I )  - Zec 9 : 9 -10

Chyum Mungga Daw ( I I ) -Room 8 : 9. 11-13

Kabu Gara Shiga – Mt 11 : 25-30

 Ndai jachyum mungga ni hpe hti nna, myit sumru yu let, hpawt ni na nawku daw jau lamang ni hpe woi nga ga law.