Pranwan Ladaw Laban ( XI ) B Shaning

Hkristu hta tsawra hkungga ai nu wa hpu nau ni ndai laban gaw shani B pran wan ladaw shi langai rai nga ai..

Russian laika ka sara ninghkring kaba Loe Tolstoy hku nna Tsawra myit nga ai shara hta Karai kasang nga ai..ngu ai gabaw hte maumwi kadun ka lai wa ai lam hpe tsun dan mayu ai....dai gaw mare kahtawng langai mi hta martin ngu ai grai myit su ai hte dinghpring dingman ai masha a lam rai nga ai..dai wa gaw.lana mi na ten hta Luka a kabu gara shiga hpe hpaw hti nga ai ten dai hta lawm ai Hpareshe wa Simon kawn Madu Yesu hpe shi a nta de saw shaga lai wa ai raitim hkungga lara ai lam n nga lai wa ai lam rai nga ai..dai hpe mu hti nna martin mung...lama na madu yesu ngai kaw sa wa ai rai yang ngai mung Simon zawn rai ang na kun ngu nna myit aru yu nna shi gaw chyum laika buk hpe pat nna yupra de shang yup nga ai shaloi shi nsen langai mi hpe na dat ai Martin ngu nna shaga ai nsen rai nga ai..shaloi shi yup hprang wa nna... kadai rai ngu nna tsun san let shi mung rawt nna chying hka hpaw yu yang kadai hpe mung n mu rai nna chying hka bai pat nna shi a yup ra de bai wa yup mat ai...shi yup ai hoang  kalang bai Martin Martin ngu nna bai shaga let hpawt de lam ntsa yu nga u ngai sa wa na re ngu nna tsun ai nsen hpe na lu ai.. lam rai nga ai..

Kaja mung hpang jahpawt jau jau rawt nna akyu hpyi ai hte chyinghka hku wat kawn azi yu nga yang shana e shi hpe tsun da ai madu hkawm sa wa na hpe ala dingda  nga ai..shi dai zawn ala nga yang bai myit lu ai gaw ngai mana byin ai lam gaw kaja wa gaw re i n re i nga nna bai myit ung ang nga ai..dai shani gaw shi a bungli hpe tawn da nna chyinghka hkuwat kaw nna matut mada yu nga ai hpe galaw lai wa ai..ai zawn shi yu nga yang matsan mayan rai asak kaba ai hpyen la usa hpe shi mu hkrup dat ai..dai gaw.lam ntsa na mahkup sai wan ni a lapran e tsap nga ai rai nga ai.shaloi Martin gaw dai dingla hpe yu matsan dum nna shi a nta nhku de saw shaga la nna malu masha ni hte hka hpimlum ni hpe daw jaw ai lam galaw lai wa ai..de a hpang mung matsan mayan rai ai mayan nu hpe bai mu ai..dai yan hpe mung shawng na hte maren bai galaw daw jaw lai wa ai..dai zawn daw jaw hkrum ai ten ma a kanu gaw ya na zawn matsan dum lama la ai majaw chyeju kaba dik sai ngu tsun lai wa ai..

kaja wa nan dai shani martin ngu ai wa mu nna daw jau lai wa ai gaw madu yesu kawn dai chyinghka hkuwat shawng de sa dat ai lam rai nga ai..

dai shana maga de bai rai yang gaw num langai a katawng na nam si langai hkrat mat ai hpe ma langai mi sa hta la nna hprawng lagat mat ai shaloi dai num mung bai hkan nna dai ma hpe lu rim la nna kayat taw ai shaloi martin le pru nna nam si hpe ka ang brang garan ya nna shanhte lahkawng a lapran e sim sa lam hpe galaw dat ya ai..shana nsin sin wa sai re majaw nawng na hte maren chyum laika hti rai nga yang  shawng shana na yup mang shingran hpe bai myit dum dat ai..dai zawn dum nga ai ten shi hpang de hkawm sa wa ai lagaw nsen hpe na tim shi gaw n le yu ai sha nta kata na mahtang kadai bai rai na kun ngu nna.martin gaw angun tsun nga yang. ngai rai nngai ngu nna shinggan de na nsen hpe na dat ai...dai ngut ai hpang ma yan nu a nsen zawn ngai rai nngai nga nna tsun ai  hpe bai na dat ai..hpang jahtum num langai hte Ma langai a nsen hte bung ai ngai rai nngai nga tsun nna kalang lata mat mat ai..

Martin mung shi a myit hta kabu pyaw let chyum mungga hpe bai matut hti nga ai shaloi bai mu hti dat ai chyum daw gaw ngai hpang gara yang nang ngai hpe lu hpa jaw ai...ngai kaw si yang sha hpa jaw ai..ngai manam tai yang nang ngai hpe hkalum la ndai..shaloi  martin gaw shi a yup mang shingran nga ai lam hpe dum chye dat ai..kaja wa daini shani ting madu yesu ngai kaw sa du ai shaloi ngai shi hpe atsawm hkalum la lu dat ai.ngu ai. lam rai nga ai..

 karai kasang hpe anhte gaw galoi mung ntak da ai nmyit mada da ai shara ni hta hkrum katut chye nga ai lam hpe mung shadum ya nga ai..anhte shadu chye ai gaw karai kasang shi hkum nan grai hkrik hkam ai hku anhte kaw du sa wa na hpe shadu da chye nga ai..kaja wa rai yang  karai kasang gaw mau hpa hku nna anhte ni n tak da ai yu maya masha yu maya lam ni hku nna du sa chye nga ai lam rai nga ai.. ga shadawn matsan mayan hku.. yak hkak ai masha ni hku du sa chye ai lam ni rai nga ai..

ndai bat na kabu gara shiga hta chying hkrang tum kaji a lam hpe tsun da ai hpe na lu ai...ndai chyinghkrang tum hku nna anhte hpe lam masum shadum sharin ya nga ai...chyinghkrang tum gaw yu maya tum langai sha gaw rai nga ai..

raitim shi hta kaba ai atsam nga ai..anhte a prat hta e yu maya mabyin lam ni kawn anhte hpe n lu hkalem ging nga ai .tsun mayu ai gaw karai kasang hpe anhte a shani shagu na yu maya magam bungli ni hta hkrum mai nga ai..lahta e tsun lai wa sai martin a mabyin zawn ra kadawn nga ai masha ni hpe yu maya tsawra ra myit madun lai wa nna madu yesu hpe mu lai wa ai zawn rai nga ai..

lahkawng hta gawng kya ai ten hta n gun lu la ai lam rai nga ai..

chying hkrang tum gaw kaji ai tum langai raitim shi hta nan grai kaba ai atsam marai nga ai rai nga ai..ja chyum mungga hta dai tum gaw tu kaba wa nna ntsa balen u ni pi hkring sa lu ai lam rai nga ai..

Mk a kabu gara shiga gaw roma hta e zingri zingrat hkrum nga ai hkristan hpung masha ni hpe n gun jaw da ai lam re hpe mu lu ai..Nero hkawhkam kawn hkristan ni hpe shingte masat tawn da nna wan nat sat ai zingri zingrat lam galaw ai hte laduk lasing re ai lam hpe galaw lai wa ai..rai nga ai..dai zawn zingri hkrum nga ai hkristan ni gaw  roma hta kachyi mi sha rai nga ai. dai zawn zingri hkrum ai a majaw shanhte hta shim lum lam n nga ai hte hkrit tsang ai lam ni hpe hkrum sha ai..mk a kabu gara shiga hta shanhte gaw chyinghkrang tum zawn kaji nga tim .gawng kya tim..ntai nmai raitim shanhte myit kraw kata hta Madu yesu ngu ai hpun tu kaba wa na matu atsam marai nga ai..dai majaw kaji ai uhpung raitim lani mi na nhtoi hkrik hkam hku bai byin shangun ai.. jam jau yak hkak hkrum nga tim kabu pyaw shangun na re hpa baw majaw ta nga madu yesu gaw shahte hte rau rai nga ai hte Madu a jaw ya ai atsam marai ni a majaw rai nga ai..

anhte ni mung tinang a ngun atsam hpe sha kamhpa nga na malai madu yesu a karum madi shadaw ya ai shaman chyeju hta kam shamyet shanat nna hkawm sa nga ga..2cor 19:9 hta dai rai nna shi gaw nye a chyeju gaw na a matu ram nga ai..masha a gawngkya ai hta nye a n gun atsam hkum tsup nga ai..dai re ai majaw kasa pawlu gaw.. hkristu a n gun atsam gaw nye a ntsa e a up u ga nye a gawng kya ai hta grau nna ngai gumrawng na ra nga nngai nga nna tsun da ai hpe mu lu ai..

masum hku nna gaw chyunghkrang tum gaw kaji tim tu kaba kaba wa ai ten hta shingnip lu jaw ya ai sha n ga ntsa balen u ni pi hkring sa u nga ai..hkristan ngu ai gaw tinang nga ai shara hta mai kaja lam hpe shachyam shabra ra ai nga nna mung shadum ya ai..kaji kaba nseng ai mai kaja lam she rai yang galaw nga na matu madu yesu gaw anhte hpe saw shaga nga ai..Abraham Lincoln kawn ngai gaw mai byin yang tsing du tsing pawt ni hpe baw kau ya ai hte nam pan hpun ni hpe hkai ai masha hku nna e galoi mung adum nga shangun mayu nngai..nga nna tsun lai wa ai..

Akyu hpyi saga oh hpan madu  karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw pranwan ladaw hta. ..shilahkawng ... ngu na lanban rai nga ai hti ang ai ja chyum mungga ni gaw chyum mungga daw langai ..Langai ngu na..Ezekiel a laika 17: 22-24  .chyum mungga daw lahkawng kawrintu hpung masha ni hpang de san paulu shagun dat ai laika lahkawng  5: 6-10 kabu gara shiga Marku 4: 26-34

Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law