PRANWAN LADAW LABAN ( IV ) B SHANING

PRANWAN LADAW LABAN ( IV ) B SHANING

KARAI KASANG A MUNGGA

 

Shaloi Yesu gaw atsin sha nga u shi kaw na pru wa u ngu nna shi hpe daru kau wu ai..dai rai nna dai nseng ai nat gaw shi hpe bu kashun shangun nna, nsen kaba hte jahtau let shi kaw na pru mat wa ai.

 

Mk 1:25-26 Hkristu hta tsawra hkungga ai nu wa hpu nau nawku hpung masha ni n dai Laban gaw B shaning a Mali ngu na Pranwan Ladaw rai nga ai. mabyin langai mi hpe tsun dan mayu ai..moi kalang mi na ten hta hkau na eka law law lu ai wa masha langai mi nga lai wa ai ..shi gaw grai lusu ai daram grai mung maji ai wa rai nga ai..raitim dai hkau na madu wa gaw gau ngwi ngwi rai shi hkum shi sawn sumru nna chye na wa ai hte ngai kaja wa grai maji ai wa she rai nga ai.nga nna dum hprang la lu dat ai...ngai daini kaw nna galai shai lu ai masha bai tai sana nga nna myit daw dan let dai aten kaw na shi shakut hpang wa ai..bai shi gaw hkau na na htu na htai nna nga nga yang shi a htingbu wa na nta hte mam dum wan hkru mat nna hpa mung dai nta madu wa hta n nga mat sai hpe shi mu chye dat ai shaloi shi gaw aw ngai daini e nta kaw wa shan jahkraw da ai hta na kaba grau ai hpe shi naw sa jaw sha na re nga nna hkau na kaw na shi a nta de wa ai dai lam lapran e nat tsa dan gaw shi hpe gung lau hpang wu ai..um wa shan kaba htum shi hpe jaw dat yang nmai na re kachyi mahtang jaw sa na re nga nna e gunglau hkrum wa ai shaloi shi gaw hey nat tsa dan ngai hpe dai hku hkum sa gunglau ngai tawng kaba sha nre yawng hpe jaw kau na nga nna nat tsa dan hpe jahkrit kau dat wu ai..mabyin lam gaw ndai sha rai nga ai..

 

Nu wa hpu nau ni e dai zawn sha re tinang a shut ai lam hpe tinang gaw chye wa nna galai shai sana ngu ai ten hta e matut nna nat tsa dan a gung lau ai hpe bai hkrum chye nga ai a majaw sadi maja nna shakut tawt lai lu hkra Karai Kasang hte pawng ra nga ai.. Tinang prat a matu Karai Kasang a mungga hpe lasum manoi da let tinang a myit hpe sadi sahka maja nna tawt lai lu hkra galaw ai lam mung ahkyak dik rai nga ai. Rai yang Nat Tsa Dan ngu ai gaw kadai ta? Karai Kasang hte Matut ai lam n nga ai wa..Karai Kasang a sharawng awng ai lam hpe ningle ninghkap nna Karai Kasang hte tsan ai de nga ai wa... Karai Kasang hpe shingdu da let nga ai nmu lu ai wenyi ngu na Ngarai mung de du mat ai lamu kasa jahten ngu na ni hte masha ni hpe tsun ai rai nga ai.. Karai Kasang gaw kaja dik ni hpe sha hpan ai..nat tsa dan hku nna hpan ai lam n nga ai..Nat tsa dan ngu ai ni gaw Karai Kasang hpe ninghkap shing jawng ai mara tawt lai ai lamu kasa kahten ngu na ni hte myit yawn myit malai kachyi mi mung n lu ai masha ni hte nat tsa dan a hpang hkan nang nna ngarai mung de du nga ai wenyi ni rai nga ai..

 

2 pet 2: 4 hta kaning rai nme law Karai Kasang gaw yubak galaw kau ai lamu kasa ni hpe pi lahpawt lama n di ai sha ngarai mung de jahkrat kau mu ai rai nna tara dara ai nhtoi du hkra shanhte hpe rim da let chyang htat ai nsin sin ai nhkun hta e rawng da mu ai..Mtt 25:41 hta mung Bai pai maga de nga ai ni hpe dagam dala hkrum ai ni e ngai hte hka wa nna nat gumlau hte shi a salung sala ni a matu lajang da ai nhtum n mat ai wan de shang mu...ngu nna tsun da ai hpe mu lu ai.. Tsawra ai nu wa hpu nau ni lamu kasa jahten ngu na nat tsa dan ni gaw tinang a prat hta htani htana sut gan hpe gin lut kau ra sai re majaw ahkaw ahkang naw lu nga ai.. shinggyim masha ni hpe manawn masham nna Karai Kasang hte ntsan tsan hkra galaw ai tara n hkan sadik hkra ding yang gunglau nga ai ni rai nga ai...dai majaw mung 1pet 5:8 hta tsun shadum da ai gaw Nanhte htauli htaula rai nga mu a maja nga mu nanhte a gumlau wa ngu ai nat gaw kadai wa hpe mahtang mayu kau lu na nga nna shabam ai hkanghkyi zawn ningwan kahkrang hkawm nga ai.. mungkan ga e nga manga n kaja ai lam ni hpe galaw tawt lai ai a apu asi ngu na si ai lam gaw Karai Kasang e hpan ai lam nrai nga ai..mara a shabrai mahtang rai nga ai hpe dum chye nga ga..hpaji ningli 2:24 nat tsa dan a manawn masham ai a majaw si ai lam ngu na gaw mungkan ga de du shang wa sai nga nna tsun da ai hpe mu lu ai.... Shiga madat nu wa hpu nau ni karai kasang hpang de jet ai myit yawn myit malai nna wa ga..Karai Kasang gaw mara dat ya na matu jin jin rai la taw nga ai..

 

Mk 2: 5 hta Sha e.. na a yubak dat kau ya sade ai...tinang gaw gunglau hkrum sai hpe chye dat sai hte galai shai na matu mu dat ai lam nnan rai nga ai..tinang a prat hta du shang wa ai agung alau hpe hpa baw hpan re . ngu ai hpe san jep yu mai nga ai...agung alau gaw lam masum hku nna gunglau chye ai rai nga ai.. langai hta gaw hkum shan ra marin ai lam rai nga ai..kaning re ai hkum shan gunglau lam rai na ta nga yang kanawn mazum tawt lai mayu ai...lu lai sha lai mayu ai..ndai hku na tawt lai wa shangun ai.. Lahkawng hta gaw myit masin hte tawt lai shut hpyit shangun ai..myit hte shut ai lam ngu ai hta gumrawng gumtawng ai..rai dum ai..manawn masham ai..myit magaw ai ndai zawn lam ni hte tawt lai shut kau shangun ai..

 

masum hta gaw Ra marin ai lam ni hte tawt lai shangun ai lam rai nga ai..kaning re ai ra marin lam ni ta nga yang arung arai ni hpe ra marin ai..masu magaw ..lagu lagut wa ai...sharawng awng ai..ndai lam ni hte gunglau hkrum chye nga ga ai re... anhte hku nna tinang a prat sak hkrung lam hta du shang nga ai nat tsa dan hpe mu hkra tam nna kalang lata Madu Yesu a hpung dagu hte gawt shapraw kau na matu galaw shakut ra nga ga ai..1yawhan 3:8 hta yubak galaw ai wa gaw nat kaw na rai nga ai..kaning rai nme law nat gaw shawng npawt kaw nna yubak galaw nga ai. anhte yawng mung Karai Kasang a amu magam lam hpe gun hpai nga ai shara shagu hkan e nat tsa dan gaw Karai Kasang a magam lam hpe mung dai gun hpai nga ai wa hpe mung nat tsa dan gaw galoi ninghkap gunglau nga ai re..Eph 6:12 hta anhte a gasat gala ai gaw asai yan ashan hpe nre ai sha du agyi ni hpe mung ahkang aya lu ai ni hpe munv ndai sin mak nga ai mungkan a hpung dagu rawng ai ni hpe mung sumsing lamu lahta tang e nga ai..nhjru nhkra ai nat a luksuk ni hpe mung gasat gala nga ga ai. anhte a matu mung ndai majan gaw ahpa tang tang sha nrai nga ai..grai nan sadi sahka maja nna karai kasang hte pawng hpawm let gasat ra ai majan rai nga ai..makam masham n nga ai lai jasat ni myit mang ai lam ni shut shai nga ai masa lam ni hpe adawt shamyit ra nga ai lam gaw grai sawng ai majan nan rai nga ai..nat tsa dan ni ngu ai gaw lamu mungdan e majan gasat sum nna yu hkrat wa ai machyi hkrum chyalu lamu kasa jahten ni rai nga ai zawn anhte a myi hte mu lu nna shahte hte gasat nga ai lam mung nrai nga ai..dai majaw Madu Yesu a hpung dagu hpe njai lang ai nga yang hpyen ngu na nat tsa dan ni a wang da ai hpe hkrum sha nga na rai nga ai..

 

Nat tsa dan gaw masha ni hpe lam amyu myu hku nna gunglau ai masha a myit kraw lawang kade shang nna lahta e tsun lai mat sai lam masum ni hpe bang ya nna mara ni galaw nga shangun ai...ndai lam ni hte masha ni hpe gunglau ai lam grai awng dang ai a majaw mung shani gunglau hkrum nga ai mung rai nga ai... kaning re gunglau lam ni mi rai rai madu yesu sha yawng hpe awng dang lu nga ai..anhte maga de na mahtang karai kasang a ntsa hta kam sham manoi manat na sha ahkyak nga ai...hpa majaw ra nga a ta nga yang anhte gaw nkaja re ai hpe chye nga tim gawng kya ai shinggyim masha ni rai nga ai a majaw mara ngu na hpe jahkring hkring sha bai galaw byin ai ni a majaw mung rai nga ai..makam hte hpring ai makam masham ngang kang ngang grin ai hpung masha ni nat tsa dan a gunglau ai lam kaw na lawt lu ai kashu kasha ni rai nga lu u ga akyu hpyi ya dat nngai..

 

Akyu hpyi saga oh hpan madu Karai Kasang e chyeju mahkra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

 

 Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw pranwan ladaw hta. ....sumshi masum.......... ngu na lanban rai nga ai hti ang ai ja chyum mungga ni gaw chyum mungga daw langai ..Langai ngu na..Tara jahprang laika 18 :15 - 20. 19 .chyum mungga daw lahkawng kawrintu hpung masha ni hpang de san paulu shagun dat ai laika langai 7: 32-35 kabu gara shiga Marku 1: 21-28 Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law.

 

Add new comment

15 + 5 =