Pranwan Ladaw Laban  ( II ) Year B, 2024

Pranwan Ladaw Laban  ( 2 ) Year B, 2024

Shaloi shi gaw Yesu hpang de woi wa wu ai..Yesu gaw shi hpe hkap yu nna nang gaw Yawhan a kasha Simun rai nga ndai..nang kehpa ngu ai mying lu na ri n dai ngu wu ai..Kehpa ngu ai a lachyum gaw Petru nga ai rai nga ai..nga nna Yawhan 1 : 42 hta tsun da ai hpe mu lu nga ai..

Hkristu hta tsawra hkungga ai nu wa hpu nau nawku hpung masha ni ndai Laban gaw B shaning a Pranwan Ladaw Lahkawng rai nga ai..ndai bat na la lu na Kabu Gara Shiga hta Kasa Andrew gaw Madu Hkristu hte hku hkau chye ngut ai hpang shi a kahpu rai nga ai Simun hpe anhte Hkye la Madu hpe mu wa saga ai ngu nna wa tsun dan let shi a kahpu hpe dai Madu hpang de shaga woi wa ai shaloi Madu mung shi hpe mu ai hte Petru ngu ai lachyum mying rai nga ai kehpa ngu ai mying nnan hte shi hpe shaga shaiming dat ya ai lam hpe na la lu na rai nga ai.

Kehpa shing nrai..petru ngu ai a lachyum gaw lung rawk ngu ai lachyum rai nga ai..Kehpa ngu ai ga si gaw Aramiad ga rai nga ai..petru ngu ai gaw Greek ga si rai nga ai..lahkawng yan a lachyum gaw maren sha rai nga ai..yawhan a laika hta Simun ngu ai mying ding sa hte petru ngu na mying nnan hpe pawng nna Simun petru nga nna jahkring hkring yawhan a laika hta jai lang ai hpe mu lu nga ai..

Madu yesu a Kasa shi lahkawng a mying jahpan hte seng ai lam hpe Maku Mahte Luka kabu gara shiga hte kasa laika ni hta hti yu yang mu lu nga ai..laklai ai lam langai mi gaw dai kasa shi la hkawng a shawng ngu na mying jahpan shara hta e Simun petru a amying shing teng gaw galoi mung shawng tsun shapraw dan hkrum ai hte laga kasa ni a mying hpe gaw azin ayang rai nna madun shapraw dan ai lam nau n nga ai hpe mung mu lu nga ai..hpa majaw ya na zawn shawng shara hta tawn da nna tsun a ta nga yang Simun petru gaw kasa ni yawng a daju kasa kaba rai nga ai a majaw mung rai nga ai..Mtt 16 : 18-19 hta nang hpe ngai tsun de ga nang petru rai nga ndai hte dai lunghkrung ntsa e nye a hpung hpe ngai de da na we ai rai nna katsan ga na chyinghka ni dai hpe dang kau lu na n rai..sumsing lamu na mungdan a sumsaw ngai nang hpe ap ya na de ai..dinghta ga hta nang gyit da mada gaw sumsing lamu hta mung gyit da ai hkrum na ra ai.dinghta ga hta nang raw maraw gaw sumsing lamu hta mung raw kau hkrum na ra ai ngu nna e simun hpe tsun hkang da wu ai..ndai lam hpe ya hpang e Madu karai kasang gaw shi a nawku hpung hpe gaw de nna e gyit da na ahkang hte raw dat ya na ahkang aya ngu na zaw hpe e jaw ya ai lam rai nga ai..

jachyum mungga ni hpe hkaja hti sumru dat ai shaloi chyum laika ka ai hkrang hte ka da ai lam ni hta e mung dan dawng ai hte hkaja lu ai lam langai gaw Hpan Madu Karai Kasang gaw masha langai ngai hpe ahkyak ai lit magam langai ngai hpe jaw sana nga yang amying shingteng hpe galai ya nna mying nnan hte shaga tsun ai lam galaw ai hpe jachyum mungga hta mu lu ai..

ga shadawn npawt nhpang laika 17 : 5 hta e abram ngu lu na nrai ngai nang hpe masha amyu baw law law a kawa shatai sade ai majaw na a amying abraham ngu na rai nga ai nga nna e mying ningnan hpe galai ya lai wa ai.dai hte maren sha .gen 35: 10 hta e mung yaku rai nga lit dai ya hpang de Israela she ngu na rai rin dai nga nna e mying ningnan shamying ya lai wa ai..hpe mu lu nga ai..ndai bat na kabu gara shiga hta mung Simun hpe petru ngu shing nrai kehpa ngu ai mying nnan hpe shamying jaw ya lai wa ai lam hpe mu lu nga ai..

Madu yesu shi gaw de da ai nawku hpung a baw lunghkrung ngu na npawt nhpang shi rai nga ai..shi madu kawa karai kasang hpang de lung mat wa ai shaloi raitim shi madu gaw matut nna e nawku hpung a baw npawt nhpang lunghkrung shi sha rai nga ai..shi madu gaw n mu lu ai nawku hpung baw lunghkrung rai taw nga ai tim nawku hpung hpe matut nna mu mada lu ai hte yu reng up hkang woi awn nga na matu ningbaw hku nna e kasa kaba petru hpe lata san la nna shi a gawng malai hku nna nawku hpung hpe up hkang nga matu dang tawn da lai wa ai rai nga ai..kasa petru asak aprat gu nna madu a lahpyen hta wun doi mat ai hpang matut nna kanu nawku hpung hpe mu mada lu ai hte yu reng up hkang nga na ningbaw hkringhtawng hpe ban hte ban dagraw yu hkrat wa ai ya du rai yang Wa Sarabyin Lahkawng tsa e krushi kru (266) de du nga sai re..

Rai yang nawku hpung a npawt nhpang baw ngu na lunghkrung wa hpe bai sawk sagawn yu ga nga yang Madu Yesu Hkristu sha rai nga ai hpe mu lu nga ai..1cor 3:11 hta kaning rai nme law gaw de tawn da sai Yesu Hkristu ngu ai npawt nhpang hta kaga kadai mung gaw da lu ai n rai..Eph 2 : 22 -21 kasa ni hte myihtoi ni gaw da ai wahpang npawt hta nanhte de kahtap myit dai..Hkristu Yesu nan dai hta e grau htum ai njut nlung rai nga ai..shi hta e wahpang langai hte langai matut manoi htuk shachyaw sai rai nna dai Madu hta e chyoi pra ai nawku htingnu de kaba wa sai nga nna tsun da ai hpe mu lu nga ai..

hkristu hta tsawra ai nu wa hpu nau ni e kasa ni ntsa n re ai sha gaw gap tawn da ai nawku hpung gaw hkristu madu a nawku hpung n re ai lam hpe asan sha mu lu nga ai..Madu karai kasang gaw nga yawng nga pra mahkra hpe atsaw

nang bai kayin dum yang na nhpu nnau ni hpe shangang shakang ya u ngu wu ai...nga nna tsun da ai hpe mu lu nga ai..

dai majaw ndai kanu nawku hpung ngu na hkristu madu a mungdan kata hta up hkang na ahkang aya hpe Madu shi hkum nan jaw tawn da ya ai nawku hpung rai nga ai..dai majaw mung ndai nawku hpung gaw nat tsa dan jahten sharun na lam a shawng npawt madung langai mung rai nga ai..dai zawn lam nga ai raitim Madu Hkristu galoi mung up hkang nga ai nawku hpung re ai hte madu yesu akyu hpyi ya nga ai nawku hpung mung rai nga ai...nawku hpung masha yawng dai a madu a nawku hpung kata hta sadi dung ai tara shadik ai hte jahtum ngu na aten du hkra Madu hkristu hta sha sak hkrung ai masha ni byin tai nga lu u ga..

Akyu hpyi saga oh hpan madu karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw pranwan ladaw hta. ....sumshi masum.......... ngu na lanban rai nga ai hti ang ai ja chyum mungga ni gaw chyum mungga daw langai ..Langai ngu na..Samuela a laika 3 :3 - 10. 19 .chyum mungga daw lahkawng kawrintu hpung masha ni hpang de san paulu shagun dat ai laika langai 6: 13-15,17-20kabu gara shiga Yawhan 1: 35-42
Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law