PRAN WAN LADAW LABAN -24,A, 2023

sirak laika daw kaba 28:2 hta  htingbu wa a shut ai mara hpe hkyem sa ya u..shaloi nang hpyi nyem yang, na a mara hpe mung hkyem sa ya na re. nga nna tsun da nga ai..

Hkristu hta tsawra hkungga ai nu wa hpu nau nawku hpung masha ni ndai laban gaw pran wan ladaw hta hkunmali ngu na laban rai nga ai.

shawng nnan mabyin lam langai mi hpe tsun dan mayu ai ga sadi ga shaka hte bungli galaw ai masha langai mi gaw sut hpaga hpung kaba langai mi a gum hpraw wan shi hpe hkoi shap la nna n ang n a galaw kau ya nna dai hpaga hpung a lithkam ningbaw wa gaw hka bai nwa yang tara rung de shawk na ngu tsun nna dai hkoi shap da ai wa hpe shawa na hkyen ai ten hta e dai ga shaka hte bungli galaw chye ai wa gaw ndai prat hta  ngai hka n wa lu ni ai htawng hkrat hkam na lam sa nga sai ngu nna myit daw ai hte myit mada lam mat taw nga ai da dai zawn ten hta  hpaga hpung a madu gaw shi hpe mahkrun langai mi hpe bai lajang dat ya ai da ..na a npu e nga ai na a ma nang hpe dolar mun mi maw sha kau mat wa ai hpe nang mara lu raw ya yang na a hka mahkra hpe ngai raw kau ya na ngu nna tsun ai shaloi nnan daw shi myit yu nna mara raw ya na zawn rai tim hpang jahtum gaw shi bai myit la nna ngai hpe ndai daram jam jau jahkrum lai wa nga nna bai myit la ai a majaw ndai zawn ngai hp jam jau hkrum ai wa hpe ngai mara n raw ya lu ai  ngai  mahtang jeyang hkam la kau na re nga nna asum jaw let htawng hkrat hkam kau ai da..mabyin lam gaw n dai sha re

ndai mabyin lam hpe na ai masha shagu gaw ndai wa gaw grai mana ai wa re mara dat dat ya yang ngut sai she re mi ngu nna mara shagun mayu na re..daini e nang ngai mung ndai mabyin hpe na la nna mara shagun mayu na zawn nga na re.

hkristu hta tsawra hkungga ai nu wa hpu nau ni na la lu sai mabyin hta sut hpaga hpung madu gaw  ga shaka hte bungli galaw ai wa hpe lam mahkrun jaw ya ai zawn daini anhte mara lu ai shinggyim masha yawng hpe agung alau lam kaw na lawt pru lu na matu karai kasang gaw  lam mahkrun ni hpe jaw da ya nga ai.

daw langai sirak a laika hta na la lu ai lam hte mahte a kabu gara shiga  hta tsun ai lam gaw bung pre nga ai..dai gaw kaning rai nme law masha ni a shut hpyit ai hpe nanhte raw kau ya myit yang gaw nanhte a shut hpyit ai hpe mung raw kau ya hkrum na myit dai..masha ni a shut hpyit ai hpe nanhte n raw kau ya myit yang gaw nanhte a kawa mung nanhte a shut hpyit ai hpe n raw kau ya na myit dai. nga nna tsun da ai lam rai nga ai.

tinang a n pu na ma a mara hpe n lu raw ya nna ga shaka hte bungli galaw ai wa hkrum sha dat ai mabyin lam gaw mungkan ga a dam ngu na htawng hkrat ai lam sha rai nga ai. raitim daini anhte shinggyim masha ni gaw  mungkan ga hta shada prat bung ai hte nga sa taw nga ai shinggyim masha shada da mara n shagun ai sha mara raw dat ya ai hte htani htana nga rai mung ngu ai  htawng dam  kaw na lawt lu na matu karai kasang jaw ya nga ai lam mahkrun hku na n pru ai sha nga rai mung ngu hkrun lam de mahtang sa taw  nga ai anhte shinggyim masha ni mahtang grau mana nna grau sawng taw nga ai ni n rai na kun? myit sawn shingdaw la mai ai.

 na la lu na mahte a kabu gara shiga hta kasa petru gaw sit sa nna madu e nye a hpunau wa ngai hpe bai shut shut rai yang ngai kade lang shi a mara hpe raw kau ya lu na rai ta? sanit lang du hkra rai na ni ngu nna san ai rai nga ai..dai zawn san ai lam gaw madu yesu gaw petru nang grai myit mai nga ndai nga nna shakawn na ga hpe myit mada ai hte tsun san ai lam mung rai nga ai..

hpa majaw nga yang yuda ni a htung hta e masum lang du hkra sha mara raw ya ra ai rai nga ai. dai htan lai yang matai bai dawp lu ma ai mung rai nga ai..daini kasa petru gaw yuda htung hku nna masum lang htan lai nna sanit lang du hkra i ngu nna shajan tsun san lai wa ai hta madu yesu a mahtai gaw sanit lang du hkra sha nrai sanit shi e htam sanit lang du hkra mai rai nga ai nga nna ngai tsun nngai. madu yesu dai zawn tsun ai lam mung 490 lang sha mara raw ya ra na re ngu ai lam mung nrai nga ai..tsun mayu ai gaw galoi mung mara raw ya hkat ra ai ngu ai hpe tsun mayu ai lam rai nga ai..madu yesu a tara madung gaw love and forgiveness tsawra myit hte mara raw ya ai lam rai nga ai. mara raw ya ai ngu ai mung maga de na wa a nga ai lam hpe hkap la ai lam rai nga ai..

bai anhte gaw masha wa a mara hpe raw dat ya ai zawn Karai Kasang mung anhte a mara hpe raw dat ya na re ai hpe  tsun da nga ai..

tsun tawn da ai ga shadawn gaw na la lu na kabu gara  shiga hta e kaja dik ga shadawn langai mi hku nna mung shang lawm nga ai re. hpa najaw ta nga yang ndai ga shadawn gaw anhte ni hpe akyu lu shangun ai sharin ginlam ni hpe jaw ya nna ta tut hkan galaw lu na matu sharin achyin ya ai ga shadawn langai mi mung rai nga ai. matut nna lam lahkawng hpe wa jau hte rau yu yu ga langai hta

Karai Kasang gaw nga manga mara hka hpe raw dat ya na lam ngu ai rai nga ai.. ndai lam hpe rau jawm myit sumru yu  ga..

karai kasang gaw anhte shinggyim masha ni hpe hpa nnga ai kaw na hpan da ai rai nga ai anhte yawng gaw madu a hpan da hkrum ai ni rai nga ai hte shi a shing nip npu na masha ni anhte tai wa ai..anhte gaw kaning re ai ten ni hta rai tim kaning re ai lam ni hta mi du taw tim anhte yawng gaw karai kasang a shangun ma ni rai nga ai hte madu a amu magam gun hpai nga ai ni rai nga ai..

chyum laika hta lawm ai ga shadawn hte maren madu gaw hka kap jahpan hpe la nna yu ai shaloi lap mun mi kap ai masha hpe shi a shawng de shaga shangun dat wu ai. bungli madu gaw dai mayam wa hpe shi hta kap nga ai hka hpe hpyi wu ai..shaloi dai mayam wa gaw 

shi a law la ai hka hpe bai wa lu na lam mung shi hta nnga ai..dai majaw matsan dum na matu shagrit shanyem ai hte gum dagup let hkrap myi prwi hte shi a bungli madu hpang de hpyi shawn wu ai majaw dai mayam wa a hka hpe raw dat hkyem sa jaw kau ya ai rai nga ai.. lam mi hku nna

dai mayam wa a galaw ai hkrang gaw anhte a shut hpyit kau sai mara hpe hkyem sa lu la na matu gara hku nna sit shang ra ai ngu ai lam hpe sharin ya nga ai mung rai nga ai..dai zawn myit yawn myit malai ai hte galai shai mayu ai myit hte hpyi nyem ai lam a marang e anhte a matu hkrit na zawn re ai mara dam ni kaw na mara ni hpe yeng seng kau ya lu ai rai nga ai.

raitim anhte hku nna e galaw hkan sa ra ai lam ni gaw nga nga ai..dai gaw anhte tinang hkum tinang Karai Kasang a man hta e kaja wa grit nem ai myit hte anhte tawt lai shut hpyit kau sai mara ni hpe yin la ra ai. bai anhte gaw ga yun kaw na ga yun dai htan lai na anhte hpa mung n rai nga ai. anhte hkum nan hta mung hpa mung n nga ai ni rai nga ga ai hpe myit dum yin la ra ai..

anhte a mara ni hpe makoi magap da ai lam n nga ai sha kaja wa myit yawn myit malai ai hte mara raw sakramentu hpe man man hkam la lu hkra mung shakut ra ai..jet ai myit yawn myit malai let akyu hpyi ai hte lu lai sha lai ai amu magam lam ni hpe koi gam nna mara dam ngu na hka hpe anhte wa ra na rai nga ai.

na la sai kabu gara shiga na bungli madu gaw shi a mayam wa a hpyi nyem tawng ban ai lam a majaw matsan dum lama ai hte shi a dawdan jahkrat da sai lam hpe bai dawm la nna hka hpe shaprai kau ya hkrum ai hte  nta de myit angwi hte wa wa lu ai zawn anhte a Hpan Madu Karai Kasang gaw tsawra matsan dum lama chye ai krai kasang rai nga ai. shi hpang de jet ai myit yawn myit malai hte hpyi nem tawng ban sit sa ai hpe shi mu dat ai na dat ai hte gade law la nga ai mara ni hpe rai tim anhte hpe langai pi n ngam hkra raw shatsai kau ya na rai nga ai. dai majaw Karai Kasang a tsawra myit gaw kade kaba la nga a hka ngu ai hpe anhte mu lu ai ..dai hpan madu hpe anhte a prat ting hta chyeju dum nawku shakawn nga ga .. shi a mying ning sang htani htana a nga nga u ga law..

lam lahakwng hku na anhte hpe sharin ya ai lam gaw

anhte hkum nan mung masha wa a hka ngu na mara hpe raw dat ya ra ai lam rai nga ai.

na la lu sai jachyum mungga hta mayam wa a madu gaw shi hpe matsan dum nna dat dat ya wu ai hte shi a hka mung raw kau ya hkrum ai rai nga ai..dai zawn raw kau ya hkrum nna wa wa ai mayam wa gaw pru sa wa nna shi hta e peksan latsa sha kap ai shi a npu na mayam manang langai mi hpe bai mu hkrum dat ai shaloi shi hpe dun la ai hte shi a du hpe gra chyit di nna nye hka ya wa ya e ngu nna tsun ai lam rai nga ai.

shaloi dai mayam wa mung mi na dai nhkru ai mayam wa tsun ai zawn sha lahput hput di let ngai hpe matsan dum la e law ngai nang hpe wa na de ai ngu nna hpyi nem ai rai nga ai ..raitim dai nhkru ai mayam wa gaw dai lam hpe n hkap la ai sha n ga..mayam manang wa hpe hka wa  ngut ai aten du hkra htawng hta e jahkrat da ai lam hpe galaw lai wa ai rai nga ai..

dai majaw daini e madu yesu gaw nhkru ai mayam wa a law la ai hka hte shi a mayam manang  wa a hka kap hkat ai lam grai shai hkat nga ai hpe anhte hpe  mu mada shangun nga ai dai gaw gum hpraw lap mun mi hte lap latsa kap ai wa a grai shai hkat nga ai zawn Karai Kasang hpe shut hpyit ai mara hku nna yu ga nga yang mung grai sawng nga ai.

mara hpe grai law hkra tawt lai shut hpyit nga ai raitim anhte hpe karai kasang gaw shi a shingdaw nlu ai tsawra matsan dum lama ai myit hte anhte a mara ni hpe raw dat hkyem sa jaw ya ai. anhte ni mahtang atsawm n sawn n myit yu ai sha kaba la ai shi a chyeju ni hpe n gin htang ai sha n ga anhte hpe shut hpyit ai kahpu kanau ni a mara ni hpe pi n lu raw dat ya nga ai.

anhte gaw shanhte a ntsa e matsan dum lama ai n nga ai nhkam sharang lu ai matai bai dawp lu na matu sha shakut taw nga chye ai. dai rai yang  anhte gaw anhte hpe shut ai mara ni hpe anhte raw kau ya ai zawn anhte a mara hpe mung  raw kau ya rit ngu nna anhte man man  madu a akyu hpyi ga hpe tsun nna karai kasang hpe masu taw nga ai ni hte bung nga ai.

dai majaw ndai ga shadawn hku nna daini e  anhte hta akyu chyeju law law byin pru na matu Madu Yesu a mungga hte shadum ya nga ai hpe myit dum la nga ga.

nanhte gaw tinang nang a myit kraw kata na myit hte tinang a kahpu kanau ni a mara hpe n dat ya ai rai yang sumsing lamu e nga ai nanhte a wa mung dai hte maren nanhte hpe jeyang na lam re hpe  na la lu sai mahte a kabu gara shi hku nna shadum ya nga ai..

Akyu hpyi saga oh hpan madu  karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw pranwan ladaw hta. ....hkunlahkawng.......... ngu na lanban rai nga ai hti ang ai ja chyum mungga ni gaw chyum mungga daw langai ....sirak a laika 27:30. 28:1-7 daw lahkawng Roma hpung masha ni hpang de san paulu shagun dat ai laika  14:7-9 kabu gara shiga Mahte 18:21-35 ..Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law