PASKA LADAW LABAN ( V ) B SHANING 2024

PASKA LADAW LABAN ( V)

Ngai gaw tsabyi ru madung rai nga nngai, nanhte gaw lakung lakying ni rai nga myit dai..ngai hta noi nga nna ngai mung dai wa hta noi nga ai rai yang gaw, dai wa gaw asi law law si wa lu ai..kaning rai nme law ngai hte hka jang nahte hpa mung n galaw lu myit dai...nga nna Yawhan 15:5 hta tsun da ai hpe mu lu ai..ndai Jachyum Mungga hpe mahta nna tsun ga nga yang Madu Yesu gaw shi hkum nan npawt rai nga ai hte shi a Sape ni hpe gaw lakung lakying ni hku nna shingdaw tsun da ai hpe mu lu nga ai..

Laga tsabyi hpun ni hte n bung ai sha, shi gaw tsabyi ru madung rai nga ai lam tsun da nga ai. Yawhan 15:1-2 hta ngai gaw tengman ai tsabyi ru rai nga nngai..nye Wa gaw tsabyi sun madu rai nga ai..ngai hta asi n si ai  lakung lakying shagu hpe gaw shi krum kau wu ai..asi grau si u ga nga tsan kau ya wu ai..

tsawra ai nu hpu nau ni san Thomas Aquinas hkaw tsun lai wa ai lam langai gaw (religion ) nawku hpung ngu ai lam hte seng nna lachyum shaleng tsun da ai lam rai nga ai..Religion ngu ai gasi gaw latin gasi rai nga ai religio ngu gasi kaw na yu hkrat wa ai  rai nga ai...lachycm gaw gyit hkang ai..  hkaja ai ..sharin la ai ..shagrau hkungga ai....pawng hpawm ai lam ngu ai lachyum hpan masum shang lawm nga ai re..nawku hpung hpe hkaja u..jaw ai shut ai hpe hkaja u..nang hkum nan lata ai lam.hpe galaw u.. tara lam hpe hkan shadik u.. Karai Kasang hte pawng hpawm nga u.. tsun mayu ai gaw karai kasang hpan da hkrum ai anhte shinggyim masha ni gaw Karai Kasang a shanip n pu e prat hpe shangut shakre yang she masha tai ai lam lachyum rawng akyu pru na rai nga ai..dai majaw nawku hpung ngu ai gaw Karai Kasang hte wanglu wanglang pawng hpawm ai..bai Karai Kasang a nhtoi shanip npu e tinang a prat hpe sawn dinglik rai let lam mahkra htan karai kasang hpe shawng lata la dat ai lam rai nga ai..anhte a prat hpe Karai Kasang hte langai sha hku kahkyin gumdin da ai nga yang hkam la lu na akyu  gaw myit ngwi sim sa ai lam rai nga ai..myit simsa ai lam n nga ai wa gaw Karai Kasang hte tsan nga ai wa ngu na e mai tsun nga ai..

Matut nna e Madu yesu a tsun shana ai lam hpe Yawhan 15: 9-11 hta Wa gaw ngai hpe tsawra ai zawn ngai mung nanhte hpe tsawra made ai..nye a tsawra ai hta maju jung nga mu ngai gaw nye wa a ga matsun hkan shatup nna shi a tsawra ai hta maju jung nga nngai zawn nanhte mung nye a ga matsun hkan shatup nga myit yang gaw nye a tsawra ai hta maju jung nga myit dai..Nye a kabu gara ai myit nanhte hta rawng nga na hte nanhte a kabu gara ai gaw hpring tup wa na matu ga ndai nanhte hpe tsun da made ai..nga nna tsun da ai hpe mu lu ai.. bai nna e ngai hte hka jang nanhte hpa mung n galaw lu myit dai...nga nna yawhan 15:5 tsun da nga ai..

Tsawra ai nu wa hpu nau ni hkristan ni a prat hta e Madu Yesu gaw shanu shabyin na shara n lu ai.. dai hkristan masha ni a prat hta madu yesu n nga ai nga yang dai masha wa a prat gaw lachyum n pru ai prat hte bung nga na gaw teng sha rai nga ai..anhte marai hkum ngau shagu a prat hta e Madu Yesu hpe shing du da nna masha a nyan marai ni hte sha garai rai nna shakut nga ai rai tim awng dang lam n nga ai..asi n si ai prat hte hkrum katut mat na re.

Madu Yesu si mat ai hpang kasa ni a nnan prut pru wa ai makrung ngu na hpe daw kau ya hkrum ai zawn rai ai hte moi shanhte madu yesu hte n hkrum shi yang shahte galaw sha lai wa ai nga hkan sha ai magam bungli hpe bai wa galaw mat ma ai.yawhan 21: hta kasa Petru Thoma Nahtanael laga sape ni  shana ting nga hkan tim langai mi mung n lu ai lam rai nga ai..jahpawt daw e si ai kaw na bai hkrung rawt wa ai madu yesu gaw hka hkyin gau e hkumhkrang hte nawng shadan dan nna hkali a hkra maga de singawn hpe jahkrat u ngu nna tsun ai lam a majaw jahkrat ai shaloi law la ai nga hpe rim magawn la lu ai nga majaw singawn hpe pi garawt n gin mat ai lam re hpe na chye lu ai..shaloi e madu yesu hpe masum lang tup nyet kau lai wa ai yawna a kasha simun hpe ..ngai hpe tsawra ai i nga nna masum lang tup bai san lai wa ai shaloi madu e tsawra nngai.nga nna htan tsun lai wa ai rai nga ai..shaloi madu yesu mung nye a sagu kaji kaba mahkra hpe yu gawn lajang nga u ngu nna bungli.lit shatsam lai wa ai rai nga ai..ndai mabyin lam gaw kasa ni a matu kaba la ai mahkrum madup rai nga ai..

shinggyim prat hta e madu yesu n lawm ai sha tinang a atsam marai langai sha hte shakut ai raitim  kasa ni shana tup nga hkan shakut tim langai mi pi n lu ai zawn anhte ni mung hkrat sum ai lam hte yeng seng hkrum ra na sha rai nga ai..dai majaw anhte a prat hta e sasana galaw ai ten hta apu asi law law si lu na matu madu yesu gaw n nga n mai ra nan ra ai wa rai nga ai..yawhan 15:16 hta nanhte ngai hpe lata la.myit dai nrai ngai she nanhte hpe lata la made ai rai nna nanhte gaw pru sa nna asi si na hte nanhte a asi grin nga u ga ngu nna mung nye a amying hte Wa kaw nanhte hpyi mahpyi lu la mu ga ngu nna mung ngai nanhte hpe san da masade ai...nga nna tsun da nga ai..

Tsawra ai nu wa hpu nau ni anhte a prat hta e apu asi ni grau nna si na matu madu yesu gaw tau nau hkaw tsun tawn da ai lam nga ai dai gaw yawhan 15: 2 hta  .ngai hta asi n si ai  lakung lakying shagu hpe gaw shi krum kau wu ai..asi grau si u ga nga tsan kau ya wu ai..dai zawn jasan kau ai lam galaw shagu machyi hkrum ai lam ngu ai gaw nga nga ai..dai majaw yak hkak jam jau lam mahkra hpe madu yesu a ntsa hta sak jaw ap nawng da let madu yesu a matu gun hpai ai nga yang anhte a prat hta kaja ai apu asi ni hpe grau grau nna mung si lu na rai nga ai..ya na zawn langai hte langai tsawra hkungga hkat let rau machyi hkam nna shada da ap nawng dawjau hkat ai nga yang she jet ai sabyi ru madung rai nga ai madu yesu kawn lwi hkrat nga ai asak hka hpawt ngu na hpe hkam la lu ai hte  shi asak hkrung nga ai hta shang lawm lu nga shangun ai re..karai kasang a tsawra myit atsam gaw kabu hpa lam ngu ai asak hka nu tai wa lu na matu shada da tsawra hkungga lara hkat ai lam nga ra ai..tinang hkum machyi hkam nna sak jaw ap nawng ai lam gaw karai kasang hpung shingkang hpe shadan shadawng dan ai hte apu asi ni hpe si lu na rai nga ai..madu karai kasang Mk 4:24 hta tsun hkang da ai hte maren nanhte hteng ya ai dang hte nanhte hpe bai hteng ya na marin dai ngu nna tsun da ai lam hpe  mu lu ai..

kawa karai kasang mung madu yesu a asak nawng jau ya ai..si ai kaw na bai hkrung rawt wa ai lam ngu na hta asak bai matut lu nga ai..masha shagu a prat hta e madu yesu a hpung shingkang apu asi ni si wa lu na matu shi a hpung dagu hpe jaw ya ai lam hta kabu gara nga ai..

Heriel frok tsun lai wa ai lam langai gaw shi america dan kaw du hkawm sa ai ai shaloi nam si hpung lakung she daw na ram nam si noi nga ai  hpung lamgai hpe mu ai da dai ..lakung ni ndaw mat na matu shadaw ni hte madi shadaw tawn da ya ai hpe mu mung ai da..shi gaw dai zawn mu hkrup nna mau n ma rai mat ai majaw shi a manang wa hkai sun sara hpe san yu ai..sara wa gaw dai nam si nhpang de sa yu u grau nna pawt daw de yu yu u ngu nna tsun dat ai..shaloi shi sa yu ai shaloi nam si hpun pawt grup grup hpe kahtem ahka  da ai hpe mu dat ai..dai shaloi shi manang wa kawn bai kahtep sanglang dan ai gaw manang wa e kaba lawan ai hpun gaw malawng maga asi n shi ai sha hpun kaba maga de mahtang n gun shadat mat wa ai re..dai majaw hpun kaba wa ai de nau n gun ndat na matu dai hpun a pawt grup grup hpe kahtam ya ra ai rai nga ai..hpa majaw re ai gaw ngai n chye tsun dan ai. nga nna tsun lai wa ai mabyin lam rai nga ai..dai nam si hpun gaw shaning shagu she noi abya nna gaw si ya nga ai...tsun dan lai wa ai..

Tsawra ai nu wa hpu nau tengman ai sabyi ru madung rai nga madu yesu a marang e sha masha yawng mayawng gaw karai kasang hte bai matut mahkai lu ai ngu ai mungga jaw tsun shadum ai lam rai nga ai..Madu yesu hta n jung n noi nna anhte ni kawn karai kasang seng nga na ngu ai gaw nmai byin nga ai..

chyoi pra hkum sacramentu chyeju kumla rai nga ai..shi a hkum hte sai hpe jaw sha ai madu yesu hta n jung n noi nga nna anhte shinggyim masha ni gaw chyeju asak ngu na sak hkrung ai lam n nga lu ai zawn kaja ai lam ngu na apu asi ni hpe si lu na matu mung n mai byin nga ai.

dai majaw anhte lusha gam let  akyu hpyi ai hte madu yesu hta asak hkrung nga ai rai yang kaja ai apu asi law law hpe si lu wa nna makau grup yin ni hpe lam kaja madun dan lu ai kaja ai sasana galaw ai masha ni tai wa na rai nga ai..yak hkrak ai lam ni hpe mung tinang a kaja ai apu asi ni pu si wa lu na matu ap nawng sak jaw wa lu na rai nga ai..karai a mungga hpe hti sumru nna tinang hte ni htep nga ai masha hpe ap nawng daw jaw let madu yesu hta sak hkrung hkawm sa ai  nga yang lam shagu hpe tsawra myit hte galaw tawt lai lu na re..madu yesu hte n matup sai nga yang prat a mahtai gaw tam yak mat na re..sabyi hpun lakung laking ni gaw sabyin ru madung hta matut jung noi nga ai zawn madu yesu hte matut nga ai nga yang anhte shimggyim masha ni a sak hkrung ai hte apu asi law law si wa ai.. galu kaba wa ai rai nga ai..karai kasang yawng hpe shaman ya u ga...

 

Akyu hpyi saga oh hpan madu  karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw shaning B a paska ladaw manga rai nga ai.. . ..hti ang ai ja chyum mungga ni gaw chyum mungga daw langai ..Langai ngu na..Kasa  laika 9 : 26-31 .chyum mungga daw lahkawng 1 yawhan laika   3: 18-24 kabu gara shiga yawhan 15: 1-8

Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law

 

Add new comment

6 + 0 =