PASKA LADAW LABAN ( IV ) B SHANING 2024

PASKA LADAW LABAN ( IV )

Hkristu hta tsawra hkungga ai nu wa hpu nau ni ndai laban gaw Shaning B a paska ladaw laban mali rai nga ai..

Ngai gaw Sagu rem wa kaja rai nngai..nga nna Yawhan 10:11 hta tsun da nga ai..Tsawra ai nu wa hpu nau ni Karai Kasang gaw shi langai sha kaja ai sagu rem wa rai nga ai..kaja ai sagu rem wa ngu ai gaw shi a sagu ni hpe tsit lali ai udat shara de woi sa ai dai shara hta rem dat da ai hpyen amyu myu a lata na makawp maga ya ai sagu ni a matu tinang a asak hpe nawng ya ai..rai nga ai..

Dai majaw Sagu rem wa kaja rai nga ai anhte a Karai Kasang gaw lak lai ai hku na shi a sagu hpung hpe Kasa Petru a lata hta ap jaw da lai wa ai hpe Mtt 16: 18-19 hta Nang hpe ngai tsun de ga nang Petru rai ndai dai luhkrung ntsa e nye a hpung hpe ngai de da na we ai rai nna katsan ga na chyinghka ni dai hpe dang kau lu na nrai..sumsing lamu na mungdan a sumsaw ni ngai nang hpe ap ya na de ai rai nna dinghta ga e nang gyit da mada gaw sumsing lamu e mung gyit da ai hkrum na ra ai dinghta ga e nang raw maraw gaw sumsing lamu e mung raw kau hkrum na ra ai ngu nna shi hpe htan wu ai...ngu nna tsun da hpe mu lu nga ai..

Ya na zawn kaja ai sagu rem wa hku nna hkam la da ai lam hte seng nna Madu Yesu gaw si ai kaw na bai hkrung rawt wa ai hpang kaja ai sagu rem wa rai nga ai Madu Yesu hku nna shi a kasa Petru hte rau shi a hkinghtawng hpe dagraw hkam la ai Wa Sarabyin ni ban hte ban hpe lak lai ai hku bai ap jaw dang tawn da ai hpe mu lu nga ai..yawhan 21: 15-17 hta e ndai ni hta nang ngai hpe grau tsawra n ni? Petru..Rai sa, Madu e ngai nang hpe tsawra nga ndai hpe nang chye nga ndai..ngu nna htan tsun ai shaloi yesu gaw nye a sagu kasha sagu kaba ni hpe bau nga u..ngu nna masum lang tup shangang san lai wa ai hpe mu lu ai..

Nye a sagu kasha ni ngu ai hta yu maya shi a hpung masha ni hpe tsun ai sagu kaba ni hpe jaw sha u  ngu ai gaw nawku hpung hpe yu reng up hkang ai lam hta shang lawm lit la nga ai..saradaw.. jau..deacon ni hpe tsun mayu ai rai nga ai..dai majaw nawku hpung hpe woi awn nga ai Wa Sarabyin gaw Karai Kasang hpe kam sham ai hpung masha ni hte rau...rai nga ma nga saradaw jau deacon ni yawng hpe woi awn nna nawku hpung hpe yu reng up hkang ai lam hpe lit la galaw ra nga ai..dai majaw kasa Petru hte rau shi a hkinghtawng hpe dagraw hkam la ai ni nawku hpung woi Wa Sarabyin ni ban hte ban a ahkaw ahkang gaw majoi hkungga let masat masa galaw ai lam n re ai sha nawku hpung ting hpe yu reng up hkang na matu rai nga ai..ndai lit magam gaw nawku hpung kata hta e tsaw dik htum ai ahkaw ahkang hte tsaw dik ai lam mung rai nga ai..ndai zawn kaba la ai lit magam hpe gun hpai taw nga ai Wa Sarabyin hku nna nawku hpung kata hta mung nawku hpung shinggan de mung agung alau dingbai dingna hkum sum hpa hpe hkrum katut let nga ra ai..ngaira chyinghka ni n dang lu na ngu ai Madu Yesu a ga sadi hte rau madu akyu hpyi ya ai a majaw nawku hpung gaw htenza mat ai lam  kalang mi mung nnga lai wa ai..lk 22:31-32

Madu Yesu a hpang jahtum na daw sha poi hta e kasa Petru hpe hkang da lai wa ai lam hpe mu lu ai..

Madu Yesu a malai hku nna nawku hpung hpe jaw sha yu reng up hkang lai wa sai Nawku hpung woi ningbaw Wa Sarabyin ni gaw shanhte a tingkyeng hpung dagu hte up hkang lai wa ai lam gaw n rai nga ai..n mu mada lu ai Anhte Baw rai nga ai..Madu Yesu a atsam hpung dagu ahkaw ahkang.. tsawra myit ni hte sha up hkang lai wa ai rai nga ai..nawku hpung kata hta nga taw ai sagu hpung masha shagu mung nawku hpung woi Wa Sarabyin a atsam hpung dagu kata hta sak hkrung nga ai lam n rai nga ai..nawku hpung a n mu lu ai baw rai nga ai Madu Yesu a atsam hpung dagu hte tsawra myit ngu ai asak kata hta e sak hkrung nga ai ni rai nga ai..

Daini e anhte yawng gaw Madu Yesu kawn ndai nawku hpung hpe gaw de da ai a majaw ndai nawku hpung kata hta e sadi dung ai hte sak jaw ap nawng ra nga ai..bai nna e .ga ningtsa e Karai Kasang dang tawn da ai masha a majaw nre ai kasa petru a majaw mung nrai nga ai..Madu Yesu a majaw sha rai nga ai..Karai Kasang a kumhpa shaman chyeju gaw madu lata dang tawn da ai Sagu rem ni kawn na yu hkrat wa ai raitim Karai Kasang kaw na sha rai nga ai..

nye a sagu kasha kaba ni hpe  jaw sha u ..Tsawra ai nu wa hpu nau ni Kasa Petru kawn hpang nna hkinghtawng dagraw hkam la sai Wa Sarabyin ni kawn tinang a sagu hpung masha yawng hpe kaning re ai lusha ni hte jaw sha nna up hkang lai wa ma ai kun..kasa Petru kawn wa sarabyin ni ban hte ban galoi mung jaw sha lai wa ai lusha hpan masum.nga ai..

langai hta e Madu Ysu nhtoi malishi ya zaibru jang mali hta e tara shadik akyu hpyi nga ai ten tsa dan gunglau ai lam hpe madu yesu bai nhtang tsun dat ai malu masha lam rai nga ai..Mtt 4: 4 hta.... shi mahtang htan nna masha gaw muk hte sha hkrung nga lu na nrai Karai Kasang a n gup hta na pru ai mungga hte mu g hkrung nga lu na ra ai..nga nna ka da ai hpe mu lu ai..

karai kasang a mungga malu masha lam rai nga ai..

lahkawng hta e shi a kasa ni hpe shi hkum nan sha lai wa ai shi a malu masha hpe sha na matu tsun hkang da lai wa ai lam rai nga ai..yawhan 4:34 Ngai e shangun dat ai wa a myit hku hkan galaw na hte shi a magam bungli shangut lu na gaw nye a shahpa rai nga li ai..nga nna tsun da nga ai..

Karai Kasang sharawng awng ai lam hte shi a tara lam hpe hkan nang hkan sa  ai malu masha hpe tsun ai lam rai nga ai..

masum hta e Madu yesu Muk tawng manga hte nga lahkawng hpe shi a hpung dagu hte shalaw jahtam ya nna shawa masha hpe jaw sha lai wa nna madu yesu tsun lai wa ai lam rai nga ai..yawhan 6:54 hta nye a shan sha nna nye a asai lu ai wa gaw htani htana asak lu la nu ai dai wa hpe mung hpang jahtum na nhtoi hta ngai sharawt la na we ai...

masum ngu na malu masha gaw Chyoi pra hkum sacramentu ngu na shi a hkum.hte sai rai nga ai..dai majaw sagu rem wa kasa petru kawn hkinghtawng dagraw hkam la lai wa ai Wa Sarabyin ni ban hte ban karai kasang a mungga malu masha..shi a ra sharawng awng ai hte maren nga sa ai tara lam ngu na malu masha hte chyoi pra hkum sacramentu malu masha ni rai nga ai... shi a sagu hpung masha ni hpe jaw sha ai lam hpe galaw nna yu reng up hkang nga ai rai nga ai..

Tsawra ai nu wa hpu nau ni madu yesu gaw kaja ai sagu rem wa rai nga ai lam hpe yawhan 10:4 hta yu dat ga nga yang ngai gaw kaja ai sagu rem wa rai nga ai sagu ni gaw nye a nsen hpe chye ma ai hte ngai mung shanhte hpe chye nga ai zawn shanhte mung nye a hpang hkan nang ma ai..anhte a prat hta e shaga la hkrum ai a madung ngu na lam gaw kaja ai sagu rem wa a nsen hpe galoi mung sadi maja rai let madat mara nga nna karai kasang hte hku hkau mahkri shawn ai lam hta lani hte lani grau grau nna rawt jat wa na matu rai nga ai..bai nna e anhte yawng gaw sagu rem wa hpe chye ra ai zawn shi hte hkau chyap nga na matu mung ra nga ai..Tsun mayu ai gaw de a matu grai shakut shaja ra ai lam rai nga ai..kaja ai sagu rem wa karai kasang gaw shi a sagu ni hpe jaw sha yu reng up.hkang nga na matu shi a kasa kaba ni hte dai kasa ni a hkringhtawng hpe matut dagraw hkam la ai masha ni hpe shi a gawng malai hku nna dang tawn da lai wa ai...rai nga ai..yeremi 3:15 hta

tsun da ai hpe mu lu ai...

Karai Kasang gaw shi a sagu hpung masha ni hpe kachyi mi.mung kabai tawn da ai lam n nga ai sha shi a sagu rem ngu na ni hpe galoi mung dang tawn da ya nna langai sha hte kahkyin gumdin nga shangun nna woi wan na re hpe ga sadi jaw da ai lam rai nga ai...yawhan 11:16 hpe hti yu yang mung ndai zawn kada ai hpe mu lu ai dai gaw Karai Kasang a ra sharawng ai lam hpe mu nga ai..Karai Kasang shi a sagu hpung masha ni hka bra nga ai hpe kachyi mung nra sharawng nga ai hpe asan sha mu lu nga ai..yawha 10:

Madu Yesu gaw shi a kasa ni hpe mungkan jut shara shagu de garai n dat dat shi yang madu yesu shi a kasa ni hte rau nga ya nna sharin achyin ya lai wa ai rai nga ai..dai majaw mungkan pinra ntsa de sasana magam garai n galaw shi yang Madu yesu a lagaw nhpang hta dung rai let  prat hpe nnan hpang ai lam galaw anhte ra nga ai..kaning re ai magam lam hta mi magam gun gun tinang a prat gaw san seng ai lam n nga sa i nga yang kri nrawng ai hpun  nsam ngu prat hpe lachyum shaleng tsun nga ai hte bung  nga ai.

tsawra ai nu wa hpu nau ni anhte ni sadi ra na lam gaw anhte yawng hpe san seng chyoi pra ngu na de du na matu karai kasang shaga nga ai lam rai nga ai..ngut nna e tinang a shaga la hkrum ai lam hku nna tinang ang ai magam lam hta madat mara rai kangka sadi dung let jai lang hkam gwi na matu sha rai nga ai..tinang hte rau ta gindung nga ai masha ni a prat ngu ai shara hta tinang hkum shang yu  nna hkam sha yu rai let tinang a myit masin hta pru wa ai hkam sha ai lam gaw masha wa hpe tau chye ya wa ai lam a mahtai rai taw nga na ra ai..ngut nna e karai kasang ngai hpe hpa galaw shangun mayu taw nga ai kun gara hku galaw shangun mayu ai kun ngu ai ga san hpe tinang hkum san jep yu nga ga..shaloi nang ngai mu na teng sha rai nga ai..

Akyu hpyi saga oh hpan madu  karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw shaning B a paska ladaw mali rai nga ai.. . ..hti ang ai ja chyum mungga ni gaw chyum mungga daw langai ..Langai ngu na..Kasa laika 4 :8 - 12 .chyum mungga daw lahkawng 1 yawhan  laika   3: 1-2 kabu gara shiga yawhan 10: 11-18

Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law

 

Add new comment

5 + 2 =