PASKA LADAW LABAN ( III ) B SHANING, 2024

PASKA LADAW LABAN ( III )

Lk 24:39-40 hta Ngai nan rai nga nngai nye a lata hte lagaw hpe yu yu mu ngai hpe masawp yu mi ..minla ngu ai gaw.ngai hpe nanhte mu ai zawn ashan hte nrut nra rawng nga ai n rai..ngu shanhte hpe tsun nhtawm shi a lagaw lata ni shanhte hpe madun dan wu ai...

Tsawra hkungga ai nu wa hpu nau ni ndai laban gaw Shaning B a Masum ngu na Paska Ladaw rai nga ai..

Na la lu na Chyum Mungga Daw Langai Kasa Laika hta Kasa Petru tsun ai lam gaw...Kasa Laika 3:15 hta asak madu hpe sat kau myit dai Karai Kasang chyawm gaw chyasi ni hta na shi hpe jahkrung sharawt la nu ai..anhte mung dai lam a sakse ni rai nga ga ai nga nna tsun da ai hpe mu lu ai..

Kabu Gara shiga hta gaw madu yesu gaw si ai kaw na bai hkrung rawt wa ai hpang shi a kasa kaba ni hpe shi hkum shi sa shadan shadawng dan ai ten shanhte a Madu ngu nna n shadu ai sha minla nat ngu nna e shadu lai wa ma ai re..Lk 24:38-40 hta Nanhte hpa rai myit ungang myit ta? hpa majaw nanhte a kraw hta le le waw waw myit nga myit ta..ngai nan rai nga nngai nye lata hte lagaw hpe yu yu mu ngai hpe masawp yu mi...minla ngu ai gaw.ngai hpe nanhte mu ai zawn ashan hte nrut nra rawng nga ai n rai..ngu shanhte hpe tsun nhtawn shi a lagaw lata ni shanhte hpe madun dan wu ai...

dai zawn madun ngut ai hpang sape ni kawn daw jaw ai nga daw mi hte lagat shat mai hpe shanhte a shawng e sha dan lai wa ai mung rai nga ai..

Tsawra ai Nu wa hpu nau ni daini e si ai kaw na bai hkrung rawt wa ai madu yesu gaw hkrit nna e ntsa gawk ngu na hta hpawm chyawm nga ai shi a kasa ni ka ang de sa du nna hkum shadan shadawng dan lai wa ai lam hta e..hkristan ni a makam lam mali hpe mu lu ai..langai hta si ai hpang e bai hkrung rawt ai lam ngu ai nga ai lam rai nga ai..si ai kaw na bai hkrung rawt wa ai Madu yesu gaw majoi shadan dan ai lam n rai nga ai..minla zawn mung nrai nga ai..shingran yup mang zawn mung nrai nga ai..shadu ai lam zawn mung nrai nga ai..kaja wa nan hkum hkrang hte nawng si ai kaw na bai hkrung rawt wa ai madu rai nga ai..kaja wa nan asak si hkam asak nawng jau lai wa ai madu yesu gaw si ai kaw na kaja nan bai hkrung rawt wa ai..Nawku hpung gaw masha ni myit ai mang ai lam shadu ai lam ni a ntsa e gaw gap tawn da ai tara lam gaw nrai nga ai..npawt n ngang ai ntsa e gaw de da ai mung nrai nga ai..Nawku hpung a tara lam hte Nawku hpung gaw mabyin lam kaja nan rai nga ai si ai lam ngu na hpe yeng seng tawt lai nna shi a hpung shingkang hte si ai kaw na kaja wa nan bai hkrung rawt wa ai Madu yesu hta npawt gaw de da let gawgap da ai lam rai nga ai..

lahkawng ngu na hta gaw udang a ahkyak ai lam rai nga ai..nga manga chyum mungga ni a tau nau htawn tsun tawn da ai lam gaw laga gaw nrai nga ai udang lam sha rai nga ai..udang hpe hpai nan hpai ra ai nga nna karai kasang kawn ja gyi rai nna shanawng ya nga ai lam gaw n re ai zawn udang ngu ai hte n hpai ai rai yang n mai ai a majaw hkyak hkyak rai udang lam ngu ai hte hpran ya taw ai lam mung nrai nga ai..udang gaw Madu Yesu a masing mahkyen lam kaba hta lawm taw nga ai karai kasang a sharawng awng ai lam langai mahtang rai nga ai..aten ladaw langai hta e ndai mungkan ntsa e nga ai shinggyim masha ni hku nna udang a marang e karai kasang a kaba la ai tsawra myit hpe hkam sha lu na matu sha rai nga ai.

Masum ngu na hta masha shagu gun hpai ra na magam bungli hte hkan nang hkan shadik ra na tara lam  rai nga ai..

masha yawng hpang de sa nna masha shagu myit malai lu wa na matu saw shaga nna karai kasang mara raw hkyem sa jaw ai lam hpe masha shagu hkam la lu na matu sasana magam lam hta shanglawm shakut shaja ra nga ai..

Kanu nawku hpung gaw ntsa gawk ngu na hta hkrit let hpawng nna sha nga nga na hpe n ra sharawng ai .dai majaw.mungkan jut shara shagu de Madu hkum nan shi a sape ni hpe dat dat lai wa ai..hkrit nna hpawng nga ai shara gaw mungkan shara shagu de chyam wa shara la nga sai re..myit yawn myit kaja nna hkrum katut lai wa ai nhtoi ni htum mat sai rai nga ai..

Ya ndai ahkying aten gaw myit yawng kaji nga ni hpang de Kabu gara shiga hpe du hkra gun sa ya ra ai aten ladaw mung rai nga ai..

Mali ngu na hta gaw Matsun ai ahkang aya a ning-ip lam rai nga ai..Tsawdik htum ai Karai Kasang kaw ahkaw ahkang ngu na n du ding yang kasa kaba ni gaw Yerusalem  hta e ala dingda lai wa ai..

Tsawra ai nu wa hpu nau ni anhte hkristan hpung masha ni hku nna tinang a prat hta e aten jahtum shalai ai zawn myit galu kalang rai hpaji rawng ai hku lat kau ra ai ten ni lam yan ni hte hkrum katut nga ai..grai galaw mayu shagu galaw dat ai.. kam ai hku rai gaw n mai ai..myit galu nna aten la ra ai ten mung naw nga ai..aten la nna hkyen lajang ai lam n nga nna galaw dat ai magam.bungli shagu ngu na ni gaw malawng maga hkrat sum.ai lam hte yeng seng hkrum ai law ai..karai kasang a matu aten jaw nna bungli galaw lu na matu sasana magam hpe hkrang shala lu na matu karai kasang a matsun ahkaw ahkang hpe aten hpe ala dingda ra nga ai..myit zim nna lat dat ai lam gaw aten jahtum taw nga ai lam n rai nna e bungli hpe sharawng shara rai masan sa ai hte galaw lu na matu aten la nna n gun hpe ban la nga ai lam madaw rai nga ai..

Tsawra ai nu wa hpu nau ni Kanu nawku hpung gaw sasana galaw nga ai nawku hpung rai nga ai a majaw nawku hpung kata hta e shang lawm.nga ai masha shagu ..ngu na kaji kaba lusu matsan yawng gaw sasana magam hpe gun hpai  nga ai ni rai nga ai a majaw tinang a tsun shaga ai kyang lailen ni hte aten shagu lam shagu hta sasana magam hpe gun hpai shang lawm  na mung ra nga ai..ya na zawn sasana magam gun hpai ai ten hta e Tsawra myit ngu na gaw n nga n mai lam langai rai nga ai..Tsawra myit nga sa i nga yang kadai mi hpa tsun yang tsun u ga..  kam ai hku galaw ai lam ni n nga wa ai sha lam shagu hta  myit galu hkam sharang nna e nga sa ai hte n byin byin hkra kaja dik hku galaw nna e grai sawng ai aten ni hta pi gara hku ladat hte kaja dik byin wa lu na matu galaw sa wa na ngu ai gaw tsawra myit hte shakut sak hkrung nna e masha wa a ntsa hta myit tau ya ai hte kanawn mazum madat mara ya lu ai rai nga ai..

Tsawra ai nu wa hpu nau ni anhte marai hkum ngau shagu mung tinang ang ai magam bungli ni hte tinang du hkawm.sa ai shara ni.. hkrum katut ai masha shagu hte kanawn mazum wa ai ten tinang hpe shaga la hkrum ai shaga la da ai lam ni ...tsun mayu ai gaw ramma nga yang ramma kundinghku prat nga yang kundinghku prat  Jau Mama prat.hpung. magam gun hpai prat ndai zawn ni hku nna tinang ang shara hta lit magam ni hpe kang kang ka ka sadi dung ai hte kaja dik byin tai lu na matu magam gun hpai ai lam gaw kaja dik sasana magam lam hpe gun nga ai  mung rai nga ai..Bai anhte a makau grup yin ni hta nga ai ni a ntsa e tawn da nga ai ga sadi Tsawra myit ni a marang e myit salum hta ningma machyi hkrum ai lam ni mu mada ai hkum hkrang ni hta machyi hkrum ai lam ni.. pu ba ai lam ni gaw anhte a mu mada lu nga ai tsawra myit a hkrang nsam ni mung rai nga ai

Akyu hpyi saga oh hpan madu  karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw shaning B a paska ladaw masum rai nga ai.. . ..hti ang ai ja chyum mungga ni gaw chyum mungga daw langai ..Langai ngu na..Kasa laika 3 :13 - 15 17-19, .chyum mungga daw lahkawng  1 yawhan a laika   2: 1-5 kabu gara shiga Luka 24: 35-48

Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law