Madu Yesu Sumsing Lamu De Lung Wa Ai Poi

Hkristu hta tsaw ra ai nu wa hpu nau ni e, ndai laban gaw (7) ngu na Paska ladaw laban rai nna, Madu Yesu Sumsing Lamu De Lung Wa Ai poi n’htoi rai nga ai.

Bai hkrung rawt sai Madu Yesu, Kasa ni a lapran shanhte hpe matsun ga ni jaw da, shaman ga tsun da ngut ai hpang, sumsing lamu de angwi apyaw sha lung wa ai

Dai hpang Sumsing Chyinghka hku shang nna, Kawa Karai Kasang e hkap la ai hpe Lamu Kasa ni shakawn shagrau nga ma ai

Chyum Liaka hta tsun ai hte maren, ndai mabyin gaw kaja wa sha byim lai wa ai rai nga ai, Wenyi shadut ya ai a marang e, Nawku hpung ndai  poi hpe shawng gawde da ai lam gaw ( 1 ) Kawa Karai Kasang, shinggyim masha ni hpe hkye la ai a mu a majaw Yesu hpe shakawn let chyeju kumhpa jaw ya na matu rai nga ai, ( 2 ) Hkristan masha ni Yesu Madu sharawng awng ai hkye hkrang la magam hpe matut gun hpai na matu rai nga ai, Makam Masham ga gaw, anhte Hkristan ni a makam masham daju rai nga ai, Kasa ni kaw na Yu hkrat wa ai makam masham rai nga ai dai makam masham ga hte Yesu Madu sumsing lamu de lung wa ai hpe mung kam sham ga ai ngu anhte hkam la ai hpe tsun ai

 

Hti Ang Ai Ja Chyum Laika Ni -

Chyum Mungga Daw ( I ) Ks 1: 1-11

Chyum Mungga Daw ( II ) Eph 1: 17-23

Kabu Gara Shiga -Mt 28: 16-20

Ndai Ja Chyum Mungga Ni Hpe Hti Nna, Nawku Dawjau Lamang Ni Hpe Woi Awn Nga Ga

 

#homily

#Ascension

#rvakachinservice

Add new comment

15 + 4 =