LU SHA GAM LADAW LABAN ( 1) B Shaning, 2024

LU SHA GAM LADAW LABAN ( 1)

( Karai Kasang a Mungga ) B Shaning, 2024

 

 Hkristu hta tsawra hkungga ai shiga madat nu wa hpu nau ni ndai Laban gaw nawku hpung kawn masat da ai Shaning B a LU SHA GAM LADAW LABAN ( 1 )  rai nga ai. mabyin langai hpe shawng tsun dan mayu ai Moi kalang mi e tsawm shayi shingjawng poi langai hta shang lawm shingjawng ai tsawm shayi lu num sha ma langai hpe ga san san ai lam rai nga ai..lama na nang la langai hpe tinang a madu wa hku nna lata ra na nga yang ...byin ai masha hpe lata na i...lusu ai masha hpe mahtang lata na i ...daru magam ahkang aya lu ai wa hpe mahtang lata na i..nga nna gasan san san dat ai shaloi dai num sha ma  gaw ngai gaw byin ai masha hpe mahtang lata la na nngai..ngu nna tsun lai wa ai.. hpa majaw nga yang byin ai masha nga yang ja gum hpraw lusu mai ai zawn daru magam ahkang aya hpe mung mai lu nga ai..masha yawng a hkungga lara ai lam hpe mung lu la mai nga ai..nga nna htai ya lai wa ai rai nga ai..dai zawn shi atsawm rai htai tsun lu ai a majaw mung amat law law lu mat ai mabyin lam rai nga ai..

 

Shiga madat nu wa hpu nau ni anhte hku nna myit yu hpa lam gaw kaja wa sha dai zawn byin ai masha gaw shi a madu jan ngu na hpe kaja wa gaw myit pyaw kabu shangun lu na i lama dai zawn yawng hpe chye dum byin dum ai lam hte sha rai sa i nga yang Madu Yesu gaw shi a nawku hpung a matu hpaji n chye ai masha nkau mi hpe shi a kasa kaba ni hku nna hpa majaw dang da lai wa a ta ..nga nna e san shara tai wa ai..bai madu yesu gaw ma kaji hpe hpunda hku madi madun nna mungga ni hpe hpa majaw hkaw lai wa ai kun ...Mtt 18: 3 hta nanhte ngai teng teng tsun made ai gaw nanhte myit n kayin nna ma kaji zawn ntai myit yang gaw sumsing lamu a mungdan hta nanhte n shang lu na myit dai..

 

Tsawra ai Nu Wa Hpu Nau ni myit pyaw lam a matu ja sut gan ni gaw anhte a matu madung rai nga ai nga yang Madu Yesu gaw hpa majaw matsan ai kun dinghku hta e sa shangai hkam la ai kun..lak sama galaw ai Joseph hpe shi a bau maka kawa hku nna hpa majaw dang lai wa ai..Madu shi hkum nan hkawhkam langai ngai hpe mai lata la mai nga ninglen hpa najaw n lata la lai wa ai..dai hte maren Nu Maria hpe mung dai zawn sha rai nga ai..hpa majaw madu a kanu tai na matu lata la ai.. tsawra ai nu wa hpu nau ni awng dang lam a matu daru magam ahkang aya gaw ahkyak ai nga yang Madu Yesu shangai wa sai ngu ai hpe htawn shana ai shiga hpe hpa majaw kaji htum ni rai nga ai sagu rem ni kaw shawng sa du shiga jaw lai wa ai..hpi 2: 6-7 shi gaw karai kasang a ahpraw nsam hta pra nga timung jarai kasang htevmaren rai nga na shingjawng kashun ai hku n nawn ai sha.. tinang dau shagawm kau nna mayam a ahpraw nsam dagraw let shinggyim masha hte bung hkra tai wa ai.. hkawhkam 3: 5, 9 hta Karai Kasang gaw shana e yup mang hta shawlumon kaw dan pru nna ngai kaw lama ma hpyi rit ngai jaw na ngu tsun lai wa ai shaloi..shawlumon gaw gam kaja na matu.. hkam kaja na matu ahkang aya ni tsaw na matu.. shi nhpyi ai..shi hpyi dat ai lam gaw na a mayam wa ngai na a myu a matu kaja ai hte n kaja ai hpe chye ginhka lu nna chye jeyang lu na hpaji byeng-ya rawng ai myit jaw e law karai kasang e nga nna hpyi ai lam rai nga ai.. Karai Kasang gaw shawlumon hkawhkam a hpyi ai akyu lam hpe myit dik ai lam mu mada ai..daw kaji 11 -14 ni hta hti yang mu lu nga ai.. Htauli htaula re ai masha rai na matu hpaji chye n ra ai hpa majaw nkau mi hpaji ni grai chye dum wa ai hte gawng dum wa ai ..myit ni tsaw wa nna e karai kasang nga ai ngu hpe pi nhten ai myit ni rawng wa ma ai..sadi sahka chye ai masha gaw karai kasang a tara lam ni hpe hkan shadik let shi a hpang e hkan nang hkawm sa nga ai re.jet ai hpaji rawng ai masha ni byin na matu gaw karai karai hpe tsawra hkrit hkungga ai lam a ntsa e mahta nna sak hkrung nga ai lam rai nga ai..karai kasang gaw mai kaja lam ma hkra a npawt rai nga ai..dai majaw galaw hkawm sa ai lam shagu hta tengman ai lam ni hte ka up nga ai rai nga ai..ndai lam gaw shi madu hpe kashu kasha ni gaw kawa hpe tsawra nna e madat mara mayu ai myit sharawng rawng shangun ai zawn karai kasang a tara lam ni hpe sharawng shara rai madat mara mayu ai myit hpe byin pru shangun ai rai nga ai....

 

Ga Shagawp 9: 10 hta Karai Kasang hpe hkrit hkungga ai myit gaw hpaji byeng-ya a npawt rai nga ai..chyoi pra ai wa hpe chye chyap ai myit gaw zai byeng-ya rai nga ai.. tsawra ai nu wa hpu nau ni karai kasang gaw shawlumon hkawhkam hpe tsun hkang da lai wa ai zawn hpyi mayu ai lam ni hpyi mu ngu nna tsun yang anhte ni hpa hpe hpyi na kun.?.. ra sharawng ai lam ni hpe sha hpyi na kun? ra kadawn ai lam ni hpe sha hpyi na i..tinang a tingkyeng ra ai lam ni hpe hpyi na i..shing nrai karai kasang myit ra ai hte maren sha rai wa u ga ngu nna hpyi na kun? ginding hkrang hpaji hkringmang langai a tsun ai lam hta hpisipi pang lai hta na zinglawng kaji langai hta ja hte bung ai u hka ja ngu na ni hte hpring nna e nga ai...mahkrum madup n nga ai masha nkau mi gaw dai zinglawng hta du ai shaloi mu ai hte awng sai ga rai nga ai nga nna e ja htu hpang ma ai dai zawn dai masha ni htu ai ...

 

Htu magang sungmagang rai nna hpang jahtum gaw zai bru re ai a majaw kaput nna si hkrum mat ai lam tsun dan da ai hpe mu lu ai..u hka ja hpe ja ajet shadu nna byin hkrum sha mat ai lam rai nga ai..dai majaw htoi nsam mu shagu ja hkum shadu nga nna myen ga malai mung nga nga ai.. tsawra nu wa hpu bau ni e anhte shinggyim prat ngu ai gaw sadi shahka ai myit n nga nna ru mau ru kaw kabye shingtawt lai hkrup nna le mahkrun n mu ai masha ni hte bung nga ai..bai nna dum chye ra ai gaw anhte shinggyim masha ni hpe myit ndaw daw hkra byin shangun lam mahkrun ni grai nga nga ai ngu ai lam rai nga ai..dai majaw anhte hkum ngau shagu tinang jaw dum nna e hkawm taw nga ai hkrun lam hpe galoi mung jep yu nga ra ai.. anhte a matu Madu hkum nan mung gara hku hkawm sa ra ai ngu ai lam ni hpe mung jaw da ya nga ai..

 

Mtt 6:33 hta nahte chyawm gaw shing a mungdan hte shi a dinghpring ai lam shawng tam nga mu shaloi dai nlang nanhte hpe kahtap jaw na matin dai... tsawra ai nu wa hpu nau ni ya na zawn nawku hpung hku nna masat da ya nga ai ndai lu sha gam ladaw hta mi rai rai laga ten ni hta mi rai rai anhte yawng gaw tinang a prat hpe atsawm sha sawn dinglik san jep yu let galai shai lu hkra shakut ra nga ai..Madu Yesu shi hkum nan hkrun hkraw ai zai bru jangbnali e nhtoi mali shi ya lu sha gam akyu hpyi lai wa ai zawn ndai ku sha gam ladaw hta anhte hkan nang hkan sa ra ai lam ni hpe hkan shadik na ahkyak nga ai..karai kasang a sharawng awng ai lam hpe hkan shadik na kun.. nat tsa dan a lam hpe hkan nang nna mara ni hpe gakaw nga na kun..tinang galaw shut ai mara ngu na maza ni hpe tinang hkum nan mung jasan jaseng la ra ai lit nga ai..sawn sumru lam n nga myit yawn myit malai ai lam n nga ai wa a prat gaw asak hkrung na n ging ai prat rai nga ai nga nna e tsun da nga ai..bai tinang a prat hta kaja ai n kaja ai lam ni hpe atsawm sawn dinglik nna sharai let grau kaja ai hte sak hkrung hkawm sa na mung ahkyak nga ai..

 

daini e Madu Yesu a tsun hkang da ai lam gaw myit malai lu nna kabu gara shiga hpe hkam la nga mu ngu ai lam rai nga ai..ndai gaw npawt nhpang ngu na lam mahkrun mung rai nga ai..myit malai lu ai lam n nga nna gaw karai kasang a mungga hpe kam sham nga ai raitim hkan shadik n lu ai..myit malai lu ai hpang she asak rawng ai kam sham lam byin wa ai rai nga ai. nkaja ai lam mara ngu na ni hpe koi gam nna karai kasang hpang de nhtang wa na ten mung rai nga ai..tinang a atsam marai.. ja sut gan ni hpe ra kadawn ai hpe gam garan ya ai lam ni galaw ai lam gaw grau nna e mai kaja nga ai..ndai zawn mai kaja ai lam ni hpe galaw nna tinang a mying kaba la na matu n kau mi gaw naw galaw la chye nga ai..dai zawn lam n byin hkra mung sadi ra ai..anhte gaw karai kasang a arawng shadang lu na matu sha rai ra nga ai.. tsawra ai nu wa hpu nau ni kahtawlik nawku hpung a chyum hpaji ninghking rai nga ai San pra masha Jerome gaw shaning hkun manga ning ting madu yesu shangai ai dum su lawng hta sa du shanu nga lai wa ai rai nga ai..dai zawn wa nga ai lani mi na nhtoi hta e shi gaw ma yesu kaw akyu hpyi ai lam galaw lai wa ai gaw ma yesu karai kasang e nang ngai hpe hkye la na matu zingri zingrat lam amyu myu hpe hkam la lai wa ya ndai na a shangun ma ngai gara hku na nye a prat hpe galai shai lu hkra galaw lu na ta..nga nna akyu hpyi nga ai ten Jerome sha e Na a madu ngai hpe nang hpa mahtang jaw lu nga nta nga nna bai san dat hpe shi a na hta na la dat ai

 

shaloi shi gaw nye a prat tinang hta akyu man man hpyi nna nye a astam marai mahkra nang madu a lata hta ap jaw tawn da na nngai Madu e.. nga nna e bai htan tsun lai wa ai..sha e Nye a matu nang galaw wa ai hpe ngai chye nngai raitim Nye a matu nang hpa hpe naw sak jaw ya lu na a ta..nga nna bai kahatp nna san dat ai..shaloi shi gaw ngai hta nga ai sut gan mahkra hpe matsan ai masha ni hpe garan jaw kau na madu e nga nna bai htan tsun lai wa ai..madu gaw ya na zawn nang ngai hpe dai hku galaw yang na a madu ngai hpe jaw ai lam rai nga ndai bai nna e karai ksang tsun dat ai lam gaw shi hpe matut nna hpa hpe naw sak jaw lu na a ta nga nna e bai san dat ai..shaloi shi gaw myit grai kahpra ai hte Madu Karai Kasang e ngai hta nga manga mahkra hpe sak jaw ap nawng ya nngai kaning re ai lam ni naw ngai hta ra nga a ta nga nna tang shawn dat ai shaloi karai kasang gaw Jerome nang gaw na a mara ni hpe ap jaw na matu hpa majaw naw tawn da nga nta nga nna tsun shadum ai hte na a mara ngai hpe ap jaw u ngai na a madu dai shaprai kau ya na de ai ngu nna tsun dat ai shaloi kalang lata myit yawn myit malai nna hkrap myi prwi hte ngai hta nga managa mahkra jaw nngai bai nang madu hte seng ai lam hpe mung jaw ya rit o madu e ..nga nna kyu hpyi lai wa ai..anhte yawng mung tinang a mara ni hpe karai kasang a lata hta ap jaw let ndai lu sha gam ladaw hpe atsawm rai hkan shadik lu myit ga ...yawng a ntsa karai kasang shaman ya u ga..

 

Akyu hpyi saga oh hpan madu karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak

hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

 

 Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw pranwan ladaw hta. ....sumshi masum.......... ngu na lanban rai nga ai hti ang ai ja chyum mungga ni gaw chyum mungga daw langai ..Langai ngu na..npawt nhpang laika 9 :8 - 15 .chyum mungga daw lahkawng langai petru a laika 3 : 18-22 kabu gara shiga Marku 1: 12-15 Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law

 

Add new comment

10 + 0 =