Lu Sha Ga Ladaw Laban ( II ) B Shaning, 2024

Lu Sha Ga Ladaw Laban ( II )

( Karai Kasang a Mungga ) B Shaning, 2024

Tsawra hkungga ai shiga madat nu wa hpu nau ni san pra ai masha Jau John Vianney tsun lai wa ai ga hkum mi gaw ngai ya na zawn Jau prat hku nna magam gun hpai ai lam hta yak hkak jam jau lam ni hkrum sha ra na re ai  hpe ngai tau hkrau nna chye ai rai yang ngai Jau shatai sacramentu ngu ai hpe hkam la na n re nga nna tsun lai wa ai.... lam hku nna grai jaw teng ai lam rai nga ai. wa jau mung ya she jau nnan tai hpang ai nga tim tinang hkum nan jau langai hku gun hpai hpang ai jau prat hta pyaw ai ten yak ai hkak ai lam ngu na dwi hkri sau hka nam  ni hpe hkam sha lu hpang ai hte sasana magam hpe gun hpai hpang nga ai zawn nam chyim ni hpe mung hkam sha lu ai..

nu wa hpu nau ni ndai bat na Mk a kabu gara shiga hta Madu yesu shi a  kasa ni hta na kasa petru.. yaku hte yawhan ngu na kasa marai masum hpe Tabaw bum ntsa de woi lung nna shanhte a man e hpung shingkang shadan shadawng nna ahpraw nsam galai ai lam rai nga ai....

dai zawn ahpraw nsam galai nga ai ten moi na ji woi jiwa yan rai nga ai..Mosses hte myi htoi Elia ni hte hkrum lai wa ai mung rai nga ai..bai nna dai shara hta ndai wa ngai tsawra ai nye a kasha rai nga ai..nga nna sumwi ntsa kaw ngoi pru wa ai nsen hpe na la lu ai lam tsun da ai hpe mung mu lu ai...

bum ntsa na bai yu wa ai lam hte seng nna gara hku hkan nang hkan sa ra na ngu ai hpe Mk 9:9 hta gim htim da ai hpe mu lu ai..ndai lam hte mahta nna san Gregory tsun ai lam gaw tabaw bum ntsa e madu yesu ahpraw nsam galai ai lam a madung yaw shada ai gaw shi a kasa kaba ni a prat kaw na udang hte seng ai lam a majaw kaya kahpa lam  n byin hkra ngu ai yaw shada lam mahtang rai nga ai..nga nna tsun lai wa ai..tabaw bum ntsa hta hpung shingkang hte ya na zawn ahpraw nsam galai ai lam gaw dai kasa ni a prat hta e malap kau n lu ai mahkrum madup hpe hkrum katut ai mabyin lam langai mung rai nga ai..ndai mabyin lam gaw madu yesu a nni nhkri hkrum sha ai lam ...sak jaw ap nawng ai lam ni rai nga ai..bai shanhte myit yawn hkrum nga ai ten ladaw hta e prat hpe dwi ai lam hte bai jaw ya dat  ai..madu a dwi ai wenyi lagat jahku ngu na hpe jaw ya ai zawn bai rai nga ai..

kasa petru gaw ndai lam hpe mu lai wa nna shi a nawku hpung masha ni hpe mungga jaw hkaw tsun ai lam gaw 2 pet 1:17-18 shi gaw kawa karai kasang kaw na arawng sadang hte hpung shingkang hpe lu la wi ai shaloi daru magam hpung shingkang kaw na ning nga ai nsen shi kaw danpru nna ndai wa gaw ngai sharawng awng nga ai ngai tsawra ai ngai sha rai nga li ai.. dai chyoi pra ai bum ntsa e shi hte rau nga nga ai shaloi e dai nsen sumsing lamu de ba shi kaw danpru ai gaw anhte nan na lu saga ai. nga nna tsun da ai hpe mu lu ai..

ndai gaw kasa petru shi a prat hta malap kau n lu ai lam rai nga ai..madu yesu gaw shi a hpang hkan nang nga ai kashu kasha ni a matu ndai zawn lam galoi mung galaw ya nga ai..dai majaw  yak hkak jam jau lam hkrum ai ten hta e shawng de matut hkawm sa lu na matu n-gun atsam rai nga ai bai n gun jaw shalan shabran ya ai lam hpe jaw ya dat ai lam hte mung bung nga ai..myit mada lam hpe shangang ya ai..Mk 9: 5 hta rabai e nang e sum masum na a matu langai mi mawshe a matu langai mi elia a matu langai mi anhte gap ga ..ngu nna tang shawn tsun dat ai lam rai nga ai..

shiga madat nu wa hpu nau ni Myen Ga malai nga ai zawn masha gaw asak latsa n nga lu tim manghkang latsa n-ga ai hpe hparan ra ai nga..jaw teng nga ai.latsa n-ga ai manghkang ni hpe madu yesu hte shi a mungga rau yeng seng hparan chye na nga yang manghkang ngu nna e n mu mat sai sha grau nna tinang a atsam ni hpe mahtang shangang shakang rawt jat ya ai lam ni hku nna mu wa na re..gung lau ai lam ni hku n mu wa ai sha makam masham hpe chyam nga ai ngu nna mahtang mu mada wa lu ai..masha a prat hta e tinang a tingkyeng myit ni hpe shale kau nna karai kasang hpe shara jaw dat na nga yang karai kasang a mungga hte hpring nga na re majaw prat hta e mang hkang ngu ai n nga sai ngu nna mung mai tsun sai..du pru wa ai mayak mang hkang ni gaw tinang hpe mahtang grau nna atsam ni hpe jaw ya ai lam tai wa ai..nga nna 2cor 5:2 hta kaning rai nme law ndai sum hta anhte madai nga ga ai rai nna sumsing lamu na anhte a hkum hkrang nta hpe dagraw lu ndawt nga ga ai...

shinggyim masha ni a htani htana nga shara gaw ndai dinghta mungkan ga n rai nga ai htawm hpang prat ngu na sumsing mungdan mahatng rai nga ai ..dai majaw hkrun lam hkawm masha lanagi zawn rai nga ai shinggyim masha ni hku nna pyaw i ten ni hpe hkrum sha ai zawn yak hkak ai ten ni hte mung hkrum sha na gaw teng sha rai nga ai.raitim anhte hku na hpang jahtum na bandung ngu na hpe myit hta bang da let.. myit galu hkam sharang ai hte hkawm sa ai nga yang n awng dang na lam hpa ntsang ra ai..

Nu wa hpu nau ni tabaw bum ntsa hta kawa karai kasang a ndai wa gaw ngai tsaw ra ai kasha rai nga ai .shi a nsen hpe madat mara mu ngu nna tsun ai nsen hpe na la nna myi hpaw yu dat ai shaloi Mk9:8 akajawng sha kayin yu yang yesu hta kaga shanhte kadai hpe mung nmu ma ai..

ndai lam gaw prat ban shagu aten ladaw shagu lam amyu myu hta nga nga ai shinggyim masha yawng hpe karai kasang shi a tara mungga jaw let tsun shadum ai lam rai nga ai..madu yesu a nsen gaw shi a mungsung hkumhkrang rai nga ai nawku hpung a sharin shaga ai lam ni rai nga ai..sadi dung madat mara ra ai lam rai nga ai..myi bai hpaw yu ai shaloi nhtoi gala ai lam n nga nna madu yesu hpe bai mu lu dat ai  lam gaw anhte yawng a shani shagu na man man sak hkrung lam.. yu maya sak hkrung nga ai prat ni hta Madu yesu hpe n mu mu hkra tam na matu hte tinang a magam bungli ni hta karai kasang hpe tam mu na matu... bai tinang hte nihtep nga ai ni a lapran hta e karai kasang hpe mu tam hkra galaw ai... bai akyu hpyi ai ten hta raitim karai kasang hpe nmu mu hkra tam ra nga ai lam ni rai nga ai..

karai kasang a mungga hte maren bai tsun shaga chye ra nga ai..mara raw ai shaloi mung madu yesu hpe mu hkra tam ra ai..grau nna gaw chyoi pra  hkum chyeju kumla npu e shanu nga ai Madu hpe mu mada nawku lu na ahkyak nga ai..nawng e gaw Madu yesu gaw shi hkum shi lak san shadan dan ai lam hpe n galaw ai..dai majaw anhte yawng gaw yu maya bungli hta raitim shani shagu shi hpe tam mu ai nga yang makam hten na lam n nga sai..

tabaw bum ntsa e kasa petru yaku yawhan ni a man e ahpraw nsam galai ai Madu Yesu gaw anhte yawng a ka-ang e shanu shungbyi nga ai ngu ai lam hpe mung hkap la kam sham nga ga..

tsawra ai nu wa hpu nau ni ndai lu sha gam ladaw ting hta karai kasang gaw anhte hte rau nga nga ai ngu ai lam hpe bawnu myit masin hta galoi mung n dum n chye n bang da ai nga yang anhte a prat gaw galai shai ai lam n nga ai..myit kup ai lam n nga ai..karai shamat nna tara n shadik ai prat sha rai nga ai..

ndai lu sha gam ladaw ting e aten lu yang lu ai zawn lu sha gam nna akyu hpyi ai hte  mai kaja ai magam bungli ni hpe galaw gun hpai na ra nga ai..tsun mayu ai gaw akyu hpyi ga ni hte hpyi ra ai..ga shadawn oh madu matsan dum rit oh madu garum la rit.. makawp maga ya rit...ngu ai zawn re ai akyu hpyi ga si kadun ni hpe mung man man hpyi na mung ra nga ai...nawng na hta grau nna Karai Kasang hte pawng hpawm lu hkra shakut ra ai..

tsawra ai nu wa hpu nau ni tabaw bum ntsa e Madu Yesu ahpraw nsam galai ai zawn anhte yawng mung Madu Yesu hpe anhte a shani shagu na prat  hta e hkungga ai hte shi madu hpe bu sumraw nna madu yesu a karai  prat ngu na hta shalawm wa lu na ahkaw ahkang lu la let shi a mungsung lam ngu na  hkum hkrang kata hta  tinang nang a ahpraw nsam hte shanglawm galai shai na mung ra nga ai..tabaw bum ntsa e madu yesu ahpraw nsam galai ai lam gaw anhte shinggyim masha yawng a prat shagu hta galai shai na nsam hpe shingran jaw ya ai lam rai nga ai..dai majaw shani shagu  na anhte a sak hkrung lam hta chyoi pra wenyi karai kasang a lam woi ya ai npu e atsawm rai hkan nang hkan sa nna e shi madu a hpring zup ai htani htana asak hpe madu la lu na ni rai nga ai..

ndai prat hta e asak hkrung nga ai laman karai kasang hpe myi man chyaw n mu lu ai raitim shi a shaga nsen ngu na hpe na la lu ai  gaw rai nga ai..ndai prat hpe shingran yup mang hte gawgap ra ai lam nre ai sha makam masham hte hkawm sa ra ai prat mahtang rai nga ai..madu a nsen hpe madat mara let hkan nang hkan sa lu ai kashu kashai byin tai lu u ga..yawng hpe jarai kasang shaman ya u ga..

Akyu hpyi saga oh hpan madu  karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw shaning B a lusha gam ladaw lahkawng  rai nga ai hti ang ai ja chyum mungga ni gaw chyum mungga daw langai ..Langai ngu na..npawt nhpang laika 22 :1 - 2, 9-13, 15-18 chyum mungga daw lahkawng Roma hpung masha ni hpang de san paulu shagun dat ai laika  8: 31 -34 kabu gara shiga Marku 9: 2-10

Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law