KARAI KASANG A MUNGGA - HKRISTU HKAW HKAM POI ( Pranwan Ladaw Laban -34 ) Year A,2023

KARAI KASANG A MUNGGA - HKRISTU HKAW HKAM POI

( Pranwan Ladaw Laban -34 )

Hkristu hta tsawra hkungga ai nu wa hpu nau nawku hpung masha ni ndai laban gaw Pranwan Ladaw hta  ( 34 ) ngu na Laban rai nga ai hte Pranwan Ladaw hta hpang jahtum ngu na laban re ai zawn Hkristu Hkawhkam poi n htoi mung rai nga ai.

 

Daw langai Ezekela a laika hta Madu Karai Kasang gaw Sagu rem wa zawn bra nga ai shagu ni hpe hkan tam shakut mahkawng la ai zawn.. nye a shagu hpe ngai sawk tam na nngai.shara shagu bra ayai mat ai ni hpe bai tam shaw woi la na..hte bai shi hkum nan sagu ni hpe bau ya na..nra daw ai ni hpe ahkyen gayawp ya na hte gawng kya ai sagu ni hpe n gun shaja ya ai...bai. shi gaw tara ai hpe galaw ai wa re majaw sagu hte bainam hpe garan ai ginhka na re lam tsun da ai hpe mu lu nga ai..

 

Daw lahkawng cor 1 15:20-25 hta mung Hkristu gaw si kaw na bai hkrung rawt sai majaw si taw mat sai ni hpe bai jahkrung sharawt la na re lam tsun tawn da ai hpe mu lu nga ai. dai majaw masha yawng gaw adam a marang e si ra ai raitim hkristu a marang e masha yawng mayawng gaw bai hkrung sharawt la lu nga ai..ngu ai lam hpe na la lu na re.. Mahte a kabu gara shiga hta madu gaw hpung shingkang dan hkung let lamu kasa ni hte nawng du sa wa ai shaloi amyu baw shagu gaw shi a man e jahpawng da nna sagu rem wa gaw sagu hte bai nam hpe garan ai zawn dingman ai masha hpe hkra de nding man ai ni hpe pai de maga de di rai nna garan kau na re lam hpe tsun da nga ai..hkra maga na ni hpe sa marit mungdan hpe sa hkam la mu nanhte a matu lajang da ya sai..hpa majw ta nga yang masha ni kaw si hkrum nga ai ni hpe sha hpa jaw ai.. hpang gara nga ai ni hpe ntsin jaw lu ai..matsan mayan ni hpe garum ya ai machyi masha ni hpe sa kawan ai..mai kaja ai hte sak hkrung hkawm sa ai..ndai zawn lam ni a majaw shagrau hkrum ai lam rai nga ai. Leo taw stoil madung da tsun ai lam langai nga ai dai gaw tinang hte ni htep nna nga ai masha ni hpe mu lu ai gaw Karai Kasang hpe mu nga ai lam re nga nna tsun da nga ai.. dai shi tsun da ai ga hpe la kap nna mabyin lam langai bai yu yu ga.. kalang mi hta makam masham grai ngang kang ai dingla langai mi gaw shi a kan bau bungli a matu hkyep din ni hpe chywi sha let nga ai ...dai dingla wa gaw lana mi hta aten grai lak lai ai yup mang langai hpe mu ai da dai yup mang hta e Madu Yesu gaw shi hpe shadan da nna tsun ai gaw ngai hpawt de e na a nta de ngai Madu hkum nan sa dam wa na ngu nna e tsun ai.lam rai nga ai...dai majaw shi gaw yup mang hta tsun da ai ga hpe myit hta dum let hpang jahpawt jau rawt nna chying hka hku wat kaw na shinggan maga de azi yu let lai wa lai sa masha ni hpe yu yu nga ai..dai zawn shi yu taw nga ai shaloi shinggan e grai matsan mayan rai nna ma hpe pawn nna lam kaw dung nga ai Num langai hpe shi mu hkrup dat ai shaloi shi gaw shi a nta nhku de shaga jashawn la nna n gun jaw ga ni tsun rai let shat malu masha ni mung jaw sha rai nna gawn lajang dat ai ..dai hpang shi gaw madu yesu du sa wa na hpe matut nna bai ala nga ai ..shaloi e dingla langai mi mung mahkup saiwan ni a lapran e grai kashung gari ai hte tsap nga ai hpe shi bai mu dat ai.. dai dingla wa hpe mung mi shawng na ma yan nu zawn nta nhku de bai shaga la nna bu hpun palawng ni hpe lum lum jahpun ya nna malu masha ni hpe sha let bai gawn ya dat ai..dai ngut ai hpang e shi matut nna ala ai shana yup tung she du hkra madu sa wa na hpe ala ai rai tim madu hpe shi myi man chyaw rai nmu lu ai..hpang jahtum e shi mung yup mayu wa ai majaw garai nyup shi yang chyum mungga hpe hpaw nna hti dat ai shaloi Mahte a kabu gara 25:40 hpe mu hti dat ai ..shaloi dai hta e dai rai nna hkawhkam wa gaw nanhte hpe ngai teng teng tsun made ga ndai ngai nau ni hta na kaji htum ai wa hpe nanhte galaw ai gaw nanhte ngai hpe galaw manit dai rai nga ai nga nna ka da ai lam rai nga ai..dai hkyep din chywi sha nga ai dingla wa gaw aw daini e Madu Yesu gaw matsan mayan re ai masha hku nna lang hte lang rai ngai kaw du sa wa nga a hka nga nna myit dum hprang la lu ai rai nga ai... nu wa hpu nau ni e nang ngai anhte a kun dinghku kata de matsan mayan yak hkak jam jau ai masha zawn Madu gaw anhte hpang jahkring hkring du sa ai hpe anhte kade lang she shalai kau hkrup sai kun? ngu ai lam hpe ndai mabyin hku nna mung myit dum shangun nga ai..Hkristu Madu hpe masha ni chye wa hkra ngu ai yaw shada lam hte hkaw tsun taw nga ai masha ni tinang a prat hta kaja wa tatut hte hkan galaw nga ai kun ngu nna myit la mai nga ai...

 

Ndai laban e mungkan ting na hpung masha ni gaw myit mang langai sha hte myit hpawm nna Hkristu Hkawhkam a poi nhtoi hpe grai hkrik hkam ai hte galaw nga ga ai re..Madu Yesu gaw nni nhkri hkrum nga ai ten pilatu hkawhkam gaw madu hpe gayat ai hte roma hpyen la ni mung ju gagup hkri la nna baw hta shagup ya let hkyeng ai hpun palawng galu hte madu hpe jahpun ya ai..dai ngut ai hpang Madu a man de sit sa n nna yuda ni hkawhkam asak galu nga nit ga law ngu nna jahprak tsun ai lam ni galaw lai wa ai..dai hta e ndai poi nhtoi hta pilatu hkawhkam hte roma hpyen la ni galaw ai zawn anhte ni nre ai sha tsawra ai hte hkungga lara nawku shakawn ai hku nna anhte a hkawhkam wa rai nga ai Madu Hkristu hpe Nawku let shakawn kung dawn nga ga.. anhte a prat hta karai kasang hkawhkam wa hpe alum.ala hte hkap pang hkalum la nga ga..shakawn kungdawn 24:7 hta hpung shingkang rawng ai hkawhkam wa shang lu u ga..Mare chyinghka ni tinang a baw hpe sharawt mu prat dingsa na chyinghka ni tinang a hkum sharawt mu nga nna tsun da ai ga hte hkalum la ra nga ai.. dai majaw shawng ningnan e Hkristu gaw anhte a hkawhkam teng teng rai nga ai lam hpe myit sumru yu nga ga.. Lamu Kasa Gabriela gaw Maria hpe ga sa shana ai lam hpe Lk 1: 31 -32 shangai wa na shadang sha gaw galu kaba na rai nga ai hte tsaw htum ai wa a kasha ngu hkamla nna shi kawa Dawi a tingyang shi hpe jaw na wu ai..htani htana up nga na hte shi a mungdan mung htum mat ngu ai nga na n rai nga nna tsun da ai hpe mu lu nga ai.. ndai ja chyum mungga hku nna tsun mayu ai hta Hkristu gaw teng teng masha a jet hte karai kasang ajet mung rai nga ai hte nga yawng nga pra hpe hpan ai hpan madu mung rai nga ai..Kawa Karai Kasang gaw shi a kasha a lata hta nga yawng nga pra mahkra hpe ap jaw tawn da ya ai majaw hpan da hkrum sai mahkra hte hkawhkam ni mahkra gaw Madu yesu a shawng hta dingyawng dagup let magam bungli ni hpe galaw gun hpai ra nga ai..Hpa majaw Madu Hkristu gaw hkawhkam ni a Hkawhkam shi rai nga ai.. matut nna Hkristu hkawhkam a mungdan gaw masha ni a wenyi lam hte seng nga ai.. yawhan a laika 18:33,36 hta Pilatu hkawhkam gaw Htingnu kata de Madu Yesu hpe shaga la nna Nang Yuda ni a Hkawhkam rai n ni? ngu nna san ai.. bai Madu Yesu gaw Nye a mungdan Gaw Ndai mungkan ga na nrai li ai ngu nna htan ya lai wa ai lam hpe mu lu ai..dai majaw Madu Yesu a Mungdan gaw Saduke ni myit mada ai zawn ndai mungkan ga hte hkum hkrang lam ni hte seng nga ai n rai nga ai..kaning re ai mungdan ta nga yang mai kaja ai lam ni hpe galaw ai ..san seng san pra ai.. shagrit shanem chye ai..Karai Kasang hpe tsawra Hkrit hkungga chye ai.. shi a ga madat mara ai...ndai zawn sari shadang ni hte mahta nna gaw de da ai mungdan rai nga ai hpe tsun madun dan lai wa ai.. Madu Yesu matsun ai hte maren shi a mungdan masha ni gaw myit masin san seng ai.. myit sumnung shingdi ai..matsan dum lama chye ai.. kaja wa ndai zawn lam nga ai masha ni mung A lu nga ai..dai sha n ga Madu Yesu gaw shi a kasa kaba ni hpe mungkan jut shara shagu de shangun dat ai lam gaw shi a mungdan hpe gaw de gaw gap sa wa na matu madung da let sasana galaw shangun ai lam mung rai nga ai..

 

Anhte ni mung san seng ai myit hte amu magam lam ni hpe galaw shakut nna ndai mungkan a myit ningma ni hpe hkam nna htawm hpang prat ngu na htani htana mungdan hta n htum ai sinli wunli hkam la lu na matu Yesu Hkristu hkawhkam hpe anhte a myit masin hta up hkang shangun da na gaw ra nga ai.. Hpang jahtum hku nna Hkristu Hkawhkam hpe anhte ni hku nna galaw ging ai lit magam nga ai lam rai nga ai..dai gaw shawng ningnan Hkristu Hkawhkam hpe sak se hkam ra ai..anhte gaw kashin kamun chyeju kumla hpe hkam la ai nhtoi shani hta nat tsa dan hte shi a amu mahkra hpe kau da sani ngu nna san ai ten kau da sai nga nna ga sadi jaw ai hte Hkristu Hkawhkam a kasha ni tai na matu kashin kamun hpe hkam la da sai rai nga ai..dai majaw tsa dan a lam ni rai nga ai..n kaja ai lam ni myit tsaw gumrawng ai lam ni mungkan a laikyang n kaja lam mahkra hpe nyet kau na hte Madu a mungga hta manoi nna sak hkrung nga na lam hpe jahkring hkring sadi jaw ya nga ai hpe dum ra nga ai.. lahkawng hku na Hkristu Hkawhkam a lai kyang hpe kasi la ra ai.. majan hta hpyen hkringman hkrak hte tai hpyen ni hpe woi awn ningshawng gasat ai nga Hkawhkam wa hpe yu nna shi a hpyen ma ni gaw hkawhkam wa gasat shamit taw nga ai zawn shanhte mung n hkrit ntsang rai gasat nna hkawhkam wa kawn shakawn shagrau hkrum ai hte gingdan ai lam lu na matu atsam marai hte hkawhkam a hpang hkan nang ra nga ai..dai hte maren ningshawng lam woi let yak hkak jam jau lam amyu myu hpe hkam la lai wa ai dai Hkristu Hkawhkam hpe anhte ni mung gwi hkrim ai myit hte hkan nang let Madu a lailen ni hpe kasi kamang la hkan nang hkan sa na matu mung ra nga ga ai.. masum hta Hkristu Hkawhkam a mungdan a matu sasana magam hpe gun hpai galaw ra nga ai..

 

Madu a mungdan ngu ai nawku hpung a ahkaw ahkang grin nga lu na matu mungkan ting hta Madu a sim sa ai mungdan kaw du wa lu na matu mung anhte a gawng kya ai lam hpe madu a lata hta sak jaw tawn da let garum chyeju hkam la lu na matu mung ra nga ai..grau nna masha amyu yawng gaw Hkristu Hkawhkam a up hkang ai lam hpe hkam la nna sagu lawng langai hta sagu rem wa langai a n pu e myit hkrum myitra let rau jawm hpawng nga lu na matu Karai Kasang kaw nhkring n sa chyeju ni hpe hkam la lu na matu akyu hpyi nga ga..

 

Akyu hpyi saga oh hpan madu karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai. Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw Pranwan Ladaw hta. ....sumshi mali.......... ngu na lanban rai nga ai hte hkristu hkawhkam poi nhtoi mung rai ngavai.. hti ang ai ja chyum mungga ni gaw chyum mungga daw langai ....Ezekela a laika 14 : 11 - 12, 15-17.chyum mungga daw lahkawng korintu hpung masha ni hpang de san paulu shagun dat ai laika langai 15 : 20-26, 28kabu gara shiga Mahte 25:31-46 Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law

 

Add new comment

1 + 18 =