Du Sa Ladaw Laban( 3 ) Year B, 2023

Du Sa Ladaw Laban( 3 ) Year B

Hkristu hta tsawra hkungga ai nu wa hpu nau nawku hpung masha ni ndai laban gaw Du Sa ladaw hta 3 ngu na laban rai nga ai.

Mabyin lam langai shawng tsun dan mayu ai..laning mi na Hkristmas ladaw hta gin wang up Jau hpang de hkristmas hkum hpaw kum hpa grai sa jaw ma ai da.shaloi e .muk galaw ai hting gaw na ma langai gaw muk la sa ya ai..Ja htu bau ban kasha mung ja la sa ya ai..sun galaw ai wa kasha hkai nmai la sa ya ai.. dai hta hpang jahtum e ma langai hpai sa wa ai kum hpa gaw myit shang sha na zawn re ai da...dai ma la sa ai kum hpa makai hpe yu yu nna jau gaw hta let garu yu ai da shaloi ntsin pru ai wa dai shaloi Jau gaw tsabi chyaru ntsin rai na re ngu shadu let shi a lata hte ahtawk la nna mata yu ai shaloi tsabi chyaru namchyim mung nlu shaloi shi gaw nhten wa ai hte dai kum hpa hpe grai garu dat ai shaloi ntsi grau pru wa ai dai majaw shi chye mayu nna dai kum hpa hpe hpaw kau wu ai..dai kum kata hta manu dan nna kaw lakai sawn gwi kasha langai mi hpe mu ai dat.. shaloi shi gaw hkang lawng de alawan lagat mat nna n gup krang wa htu rai sa kashin kau ai

Hkristu hta Tsawra ai Nu Wa Hpu Nau Nawku Hpung masha ni Hkristu Madu shi a shangai nhtoi shani jaw wa ai Hkristmas shangai nhtoi kum hpa hpe chyeju dum shakawn nna masin salum hkting hka ni hpe n hpaw na hkap la taw nga ai nga yang manu gade ram dan ai hpe anhte nchye lu nga ai..jaw ai kum hpa gaw ahpa tang tang gaw n galaw ging nga ai..langai hte langai manu shadan tsawra hkat ra ai ten mahtang rai nga ai..shada galik galai jaw hkat ai kum hpa kata e bang dat ai kum hpa ngu na htan sharawng shara hte jaw ai wa a myit hte ap jaw ya ai lam ni hpe mu mada lu nga ai..daining na kum hpa rai nga ai madu yesu karai kasang gaw kawa karai kasang a mu mada lu shangun ai tsawra myit kaba rai nga ai..mungkan ga a matu jaw ya sai kasha karai kasang a tsawra myit mung mungkan ga a matu madu yesu hpe jaw dat ya ra ai kawa karai kasang a tsawra myit kaba gaw grai hkrik hkam dam lada nga ai..kawa kasai kasang hku na tinang hta jan taw nga ai atsam hpung dagu ni hpe jaw da ya taw nga ai nrai nga ai..shi a prat hte nan rang nna jaw ya ai lam rai nga ai..karai kasang hku na mungkan masha ni a matu arung arai langai ngai hpe garan jaw ya nga ai lam n rai nga ai..tinang hte bung ai shi a kasha yesu hpe jaw ya ai lam rai nga ai..Kawa karai kasang gaw madu yesu hta shi hkum shi sak jaw ya ai re majaw hkristu hpe Emanuel anhte hte rau nga ai madu karai kasang ngu nna arawng aya jaw da ai lam ga shaka nnan hta tsun da ai hpe mu lu nga ai..Mtt 1: 23..hta yu u dai hkawnsek gaw na-um na sin rai wa na rai nna shadang sha shangai na ra ai shi a mying Emanuela ngu nna shamying na ra ai..nga ai..de a lachyum Karai Kasang anhte hte rau rai nga ai ngu lachyum hku nna ka tawn da ai hpe mu lu nga ai..

kasa yawhan mung kasha karai kasang hpe Kawa karai kasang a kaba dik ai tsawra myit rai nga ai nga nna tsun da ai hpe yawhan a laika langai 4: 9 hta Karai Kasang gaw shi a kasha shingtai hpe mungkan ga de shangun dat wu ai rai nna anhte gaw shi a marang e ahkrung nga mali ga.. nga ai rai nna dai gaw anhte hta Karai Jasang a tsawra myit dan pru ai lam rai nga ai..nga nna ka da ai hpe mung mu lu nga ai..

hkristu hta tsawra ai nu wa hpu nau ni anhte na la lu na Yawhan a kabu gara shiga gaw Karai Karai a kaba dik tsawra myit hpe bai htang chye ai ni tai na matu saw shaga ai lam rai nga ai..ndai zawn saw shaga ai lam hpe anhte bai n ginhtang lu ai nga yang madu gaw anhte hte jasam zawn sha naw rai nga na re..Kawa Karai Kasang a kum hpa rai nga ai Madu Hkristu hpe hkam la yu u shaloi nang teng sha hkam sha wa lu na re.. shakawn kungdawn 34: 8 hta Karai Kasang a mai kaja nga ai gaw chyim yu nna chye nga mu shi hta shingbyi nga ai wa gaw a nga ai ngu nna tsun da ai hpe mu lu ai..

kabu gara shiga hta yawhan baptister gaw nanhte nchye ai lam ngu ntsun ai sha nanhte n chye ai wa a lam nga nna madi madun tsun da nga ai..yawhan 1:26-27 hta ngai gaw hka hta baptisma jaw nngai nanhte a ka-ang e nanhte n chye ai wa langai mi tsap nga ai dai wa gaw nye a hpang e du sa wa na rai nga ai shi a hpyep din sumri pyi ngai n raw ging nngai..nga nna tsun da nga ai..
daini yawhan baptister madi madun tsun taw ai hkrikhkam ai wa gaw Kawa Karai Kasang shinggyim masha ni a matu jaw ya ai kum hpa kaba gaw hkyela madu Yesu nan rai nga ai..

yawhan 6:35 hta yesu gaw asak muk gaw ngai rai nga nngai ngai hpang de sa ai wa gaw kawsi hkrum na n rai..ngai hpe kamsham ai wa mung galoi mung hpang kara hkrum na n rai..nga nna ka da ai hpe mu lu ai..dai majaw kasha karai kasang mung mungkan masha ni a matu nhtoi rai nga ai..nhtoi hte seng nna yawha 8: 12 hta ngai gaw mungkan ga a nhtoi rai nga nngai nye a hpang hkan nang ai wa gaw nsin hta n hkawm n sa lu na rai nna asak a nhtoi lu la na ra ai..nga nna tsun da nga ai..madu yesu gaw shinggyim.masha ni kata ngu na de shang lu na matu shang wa na chyinghka hku rai nga ai. yahan 10:9 ngai gaw chyinghka hku rai nga nngai ngai hta shang ai wa gaw hkyehkrang l

yahan 10:9 ngai gaw chyinghka hku rai nga nngai ngai hta shang ai wa gaw hkyehkrang la ai hkrum na wu ai bau shang wa pru wa lu ai hte udat shara mu na wu ai..madu yesu gaw sagu rem wa kaja wa mung rai nga ai.madu yesu shi sagu hpung rai nga ai shinggyim masha ni yawng a matu sagu rem wa kaja rai nga ai.. yawha 10:14 ngai gaw sagu rem wa kaja rai nngai nye wa gaw ngai hpe chye nga ai rai nna ngai mung wa hpe chye nga nngai zawn nye a sagu ni hpe ngai chye nngai..nye a sagu ni mung ngai hpe chye ma ai sagu ni a matu nye a asak ngai nawng ya kau nngai..madu yesu gaw shinggyim masha yawng a asak hte hkrung rawt ai lam a npawt rai nga ai..yawhan 11:25 -26hta ngai gaw bai hkrung rawt ai lam hte asak hkrung lam rai nga nngai..ngai hpe kam sham ai wa gaw si mat timung ahkrung nga na ra ai..

tsawra ai nu wa hpu nau ni kawa karai kasang gaw mungkan shinggyim masha ni yawng a matu jaw ya ai kasha karai kasang gaw karai kasang hpang de du wa lu hkra matsun madun ya ai lam mung shi rai nga ai hte anhte ni hkan shadik ra ai teng man ai lam mung rai nga ai..madu yesu gaw teng man ai hte tara ai lam ni hpe hkan shadik nga ai ni a jahtum e lu la shangun na htani htana asak madu mung rai nga ai..yawhan 14:6 Madu yesu gaw lam gaw ngai rai nga nngai tengman ai hte asak mung ngai rai nga nngai nga hta nna nrai yang kadai mung nye wa kaw n du wa lu ai..
Hkristu hta tsawra ai nu wa hpu nau ni ndai hkristmas hta karai kasang jaw ya na kum hpa gaw madu yesu hpe anhte hkum ngau shagu a prat a matu n mu mu hkra tam nna n lu lu hkra shakut let tinang a prat hte kabu gara hkap tau hka lum la lu hkra hte masha ni hpe sharawng shara rai gara kachyan ya lu ai ni tai nga ga...mungkan hta kaja dik ngu na kum hpa gaw madu hpe lu da ai lam rai nga ai ..tinang hta lu madu da sai madu hpe anhte hku nna bai jaw na lit nga nga ai.. dai majaw ndai hkristmas hta kawa karai kasang a matu jaw ya hkum hpa hku nna kaning re ai ladat hte bai nhtang jaw na kun? kaja dik hku nna bai jaw ai lam gaw karai a matu hte masha yawng a matu tinang gaw ap nawng dawjau ai lam rai nga ai..
mabyin lam langai mi tsun dan mayu ai kalang mi hta atsam marai hte hpying ai hpyen ma langai mi gaw mungdan a matu awng dang ai hte majan law law hpe gasat awng dang lai wa ai majaw yet yet rai shi a mying arawng sadang tsaw wa ai hte shi a ga mung hpyen lam hta grai kang wa ai..hpang jahtum gaw shi hkum nan hpyen du kaba tai wa ai..lani mi hta hpyen la dingsa langai mi gaw dai hpyen du wa hpang de sa nna lam langai mi tang shawn lai wa ai. dai shaloi tang shawn dat ai lam gaw du kaba wa e chyeju hte nye a shangai nhtoi poi shani e ngai hte rau nga ya rit.. ngai gaw asak mung kaba sai daining na nye a shangai nhtoi gaw nye a matu hpang jahtum galaw ai lam mung rai na re..nang du kaba hte rau nga lu ai lam gaw ngai hpe kaba dik kum hpa jaw ai lam re ai zawn myit dik kabu shangun ya ai nga nna tang shawn lai wa ai..shaloi dai du kaba wa bai htan tsun ai gaw ngai n lu sa na re.. ngai galaw ra ai lam ni grai nga ai..raitim shangai nhtoi masat kum.hpa hte masha langai ngai hpe ngai sa lawm dat shangun na ngu nna bai tsun dat ai shaloi hpyen la u sa gaw shi a sin da hpaw malang nna shi a kaba la ai ningma hpe madun let du kaba wa e ngai mung nang hte majan hpe rau sha rai na shang lawm lai wa ai wa rai nngai..majan langai mi hta tai hpyen wa nang du kaba hpe n hkyi hte galun sat maw ai shaloi nang du kaba hpe makawp maga na matu ngai laga masha langai hpe nshangun dat nngai ngai hkum nan she sa hkam ya lai wa ai wa rai nngai..ndai n ma hpe yu yu u ngu nna tsun dat ai.ya na zawn du kaba tai nga lu ai lam mung nye a asak hte rang nna hkye la ai a majaw rai nga ndai..nga nna tsun dat ai..

ndai mabyin hte lakap nna anhte dum hprang la mai gaw madu yesu gaw shi hkum nan udang ntsa e asak hpe nawng jau nna anhte hpe hkye la sai lam rai nga ai.. anhte a prat hpe rang nna du wa na shangai nhtoi hkristmas hta sak jaw lu ai kashu kasha ni byin tai lu hkra shakut nga ai kashu kasha ni rai nga ga yawng hpe karai kasang shaman ya u ga..
Akyu hpyi saga oh hpan madu karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw du sa ladaw hta. ....masum....... ngu na lanban rai nga ai hti ang ai ja chyum mungga ni gaw chyum mungga daw langai ....Esaia laika 61 : 1-2, 10 - 11 chyum mungga daw htesalo ni hpung masha ni hpang san pawlu shagun dat ai laika langai 5 : 16 - 24 kabu gara shiga Yawhan 1 : 6 - 8.19-28
Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law