CHYOI PRA AI TRINITY POI LABAN, B SHANING, 2024

CHYOI PRA AI TRINITY POI LABAN

(Karai Kasang a Mungga, B Shaning, 2024 )

Kaning rai nme law, bai hkrit kang na matu mayam a Wenyi hpe, nanhte hkam la manit dai nrai...Aba Wa e nga nna jahtau chye ai yin la ai kasha a Wenyi hpe she nanhte hkam la manit dai……..Roma 8:15

Hkristu hta tsawra hkungga ai nu wa hpu nau ni ndai Laban gaw, Nawku Hpung kawn masat da ai Holy Trinity ngu ai Marai Masum Atai Langai Karai Kasang a poi nhtoi shani rai nga mali ai…..lam mi hku nna Chyoi Pra ai Trinita gaw, tsawra myit mung rai nga ai.  Anhte Hkristan ni a arawn alai madung mung tsawra myit hta npawt rai nga ai..tsawra myit a lam hpe atsawm chye na sa i nga yang Chyoi Pra ai Trinita a lam hpe chyena na rai nga ai..

Hpa majaw Trinity ngu ai gaw Kawa Kasha Chyoi Pra ai Wenyi ngu ai Marai Masum Atai Langai a tsawra hkungga myit galu ai..jawm galaw ai..ap jaw ai garan kachyan chye ai..uhpung rai nga ai..Trinita Karai Kasang gaw anhte hte rau galoi mung matut mahkai nga ai..re..

Tsawra ai nu wa hpu nau ni e anhte a makau grupyin hpe hkaja dat yu ga nga yang tinang dinghkrai langai sha n mai nga ai hpe mu mada lu ai. dai majaw uhpung hte rau nga ra nga ai..shinggyim masha ni sha n re..du sat yam nga ni pi shi hpan hte hpan rai  uhpung garan chyawm let nga chye ma ai rai nga ai.. dai zawn uhpung hte rau nga chye ai lam gaw gara kaw na hpang wa a ta nga yang... nga manga mahkra hpe hpan ai Karai kasang kaw na rai nga ai..

Karai kasang gaw shi hpan tawn da ai lam shagu hta shi hte shi seng ai lam ni..ra ai lam ni hpe hpan tawn da ya chyalu rai nga ai..shi a atsam marai ngu ai gaw Karai langai ngu na hta Kawa.. Kasha ..Chyoi pra ai wenyi ngu na marai masum atai langai  Karai kasang hta langai sha hku nna ngang ngang kang kang rai kahkin gumdin nga ai lam rai nga ai...

Tsawra ai nu wa hpu nau ni marai masum atai langai ngu ai  karai kasang.. anhte kam sham nawku nga ai karai kasang gaw marai masum hte pawng hpawm nga ai atai langai karai kasang rai nga ai..ndai dogma ngu na kam sham ra ai lam gaw anhte a npawt makam masham mung rai nga ai..bai nna anhte a matu kaba dik ai mungsung lam mung rai nga ai..chyeju hkumsum hpa lwi hkrat ai npawt madung  rai.nga ai zawn.nga manga mungsung kam sham lam ni yawng a madung ngu na makam npawt mung rai nga ai  ..dai gaw Marai masum Atai Langai Karai Kasang kaw na lwi pru wa ai lam ni rai nga ai...

Tsawra ai nu wa hpu nau ni san pra ai masha Patrick gaw kapali myu sha ni hpe tara hkaw tsun taw nga yang mungga madat nga ai hta masha langai mi gaw wa saradaw e nang hkaw tsun taw nga ai mungga gaw marai masum tsun dat Atai langai karai kasang tsun dat rai.. kalang lata langai mung masum mung nga nna tsun taw nga ai dai hpe asan sha rai hkra chye na hkra hkaw tsun dan ya rit wa saradaw e nga nna rawt tsun lai wa ai..shaloi san patrick gaw shanhte dung nga ai makau na tsing du pawt langai baw la nna shawa hpe tsing pawt gade rai nga nna san ai ten hta shawa masha ni mung langai sha rai nga ai nga nna htan tsun lai wa ma ai...rai yang n dai tsing di hta lap kade kap nga ai nga nna bai san ai ten hta masum kap nga ai wa saradaw e nga nna bai tsun lai wa ai..shaloisan patrick gaw dai hte hkrang bung ai raitim tsing du pawt hte gaw nmai shabung tsun nga ai ngu nna e tsun lai wa ai.

Karai kasang hpan tawn da ai gintawng ni hpe yu dat ga nga yang gintawng kaba jahku nga ai dai ni gaw Jan hpe npawt da nna shi hte shi seng ai lam n tsa e gawai hkawm nga ai hte jan hpe machyu nga ma ai..re...gintawng jahku rai nga tim shanhte machyu nga ai jan gaw langai sha nga ai rai nga ai. Tsawra ai nu wa hpu nau ni langai sha nga ai jan hta atsam nsam masum rawng nga ai..jan shingwang... jan nhtoi.... jan kahtet shadang ngu ai lam ni rai nga ai..ndai zawn nbung ai lam gaw jan hta rawng nga tim jan ngu ai langai hta sha rai nga ai hpe mu lu ai..tsawra ai nu wa hpu nau ni shingra tara hte tu matu hkrung mahkrung mahkra gaw jan hpe machyu nna sak hkrung hkawm sa  nga ga ai zawn... wenyi lam yan hta mung marai masum atai langai karai kasang hta npawt gaw de nna sak hkrung hkawm sa nga na matu ra kadawn ai hte hpan da hkrum ai lam ni hta tinang hkum madun dan da ai ga shadawn mungsung lam hpe nchye na tim hkam la lu na matu gawn dan da ai lam rai nga ai..

Mungga hte lakap nna tsun ga nga yang npawt nhpang 1:26 bai karai kasang gaw anhte gaw anhte a hkrang sumla hte anhte a asam hte bung ai shinggyim masha hpe hpan ga..nga nna tsun da ai hpe mu lu ai..

na la lu sai mungga hpe atsawm myit yu ga nga yang  karai kasang ni ngu nna n tsun da ai sha karai kasang gaw... nye a hkrang asam hte maren hpan na ngu n tsun ai sha anhte a hkrang asam hte maren shinggyim masha hpe hpan ga nga nna mahtang tsun da ai lam hpe mu lu ai..Gen..18 hta hti yu yang mamre a wamyi hpun makau e karai kasang gaw Abraham hpe dan pru dan ai shaloi marai masum tsap nna shamu shamawt nga ai rai tim ga tsun ai ten nsen langai sha le pru ai nga nna tsun da ai hpe mu lu ai..

marai masum atai langai karai kasang ngu ai ndai lam hpe kam sham ra ai lam gaw mudu yesu garai n du sa shi ai ga shaka dingsa prat hta atsawm nchye lu ai raitim... gashaka ningnan prat hta madu yesu du sa wa hpang kaw na naw bat ngu na kasha karai kasang asan sha hkaw tsun dan lai wa ai..mtt 3 :16-17 mk 1: 10 lk 3:22 ndai jachyum mungga ni hta e Madu yesu gaw hka hta kashin kamun hkam nna hka na pru wa ai ten lamu hpaw malang wa nna karai kasang a wenyi ura zawn yu hkrat wa ai hte madu yesu a ntsa e pa hkring sa nga ai hpe mu lu nna ndai wa gaw ngai tsawra ai nye a kasha rai nga ai nga nna lamu nna nsen noi kadu pru wa ai..lam rai nga ai..yawn 14:16 15:26 kasa 2:33 eph 2 :18 1pet 1:2 ndai jachyum mungga ni hta marai masum atai langai karai kasang a lam tsun da ai lam mu lu nga ai...2cor 13:13 hta

kasa pawlu gaw marai masum atai langai karai kasang a mying ningsang  hta shaman ya  ai lam hpe mu lu ai..madu yesu sumsing lamu de garai n lung mat wa shi yang kashin kamun jaw ai lam ai galaw ai ten kyu hpyi ga rai nga ai kawa kasha chyoi pra ai wenyi a myingning sang hta ngai nang hpe kashin kau ya nngai... kashin kamun jaw nngai nga nna tsun da ai hpe mu lu ai.. mying ningsang ni hta nga nna n tsun da ai ai lam gaw atai langai karai kasang rai nga ai hpe madun ai lam mung rai nga ai...

Tsawra ai nu wa hpu nau ni hpung dagu nyan marai tsawra myit ni gaw karai kasang hta ngang kang ai hte mungsung lam langai hku kahkyin gumdin nga ai re..myan ga malai nga ai  kara htai shanu yang asak kagu... tara mungga shibyi yang myit simsa ai အမျက် ပေ တဃဖက်တော့ အခက်ပေ​ြ

jau hte rai yang mayak lam hkyem sa lu ai...kawa kasha chyoi pra ai wenyi marai masum atai langai karai kasang hpe galoi mung...

htani htana asak lu na matu karai kasang hpe kam sham manoi ra ai..mtt 7:21

masha wa hpe hkyem sa jaw lu na matu madu yesu hpe kasi la nna shi hpe kam sham manoi ra ai..

mungga ngu ai gaw karai kasang kawn nhtoi jaw shadut ya nna e hkaw tsun ai mungga rai nga ai..madu yesu hpe laga mying hku tsun yang mungga ngu ai rai nga ai...Hkristmas ten du shagu hti ai jachyum mungga hpe yu ga nga yang yawhan 1:14 Dai mungga gaw masha hkum hkrang hpe dagraw la nna chyeju hte tengman ai lam hpring let anhte hta nga nga yu sai ....2cor 5:9 hta..garai n shanu ngs yang raitimung shi a man e sharawng awng ai ni tai u ga anhte myit makun nga ga ai... dai majaw madu yesu hte rau  rai sai nga yang masha wa mara raw ya lu ai.. pawt sin dawng ai lam n nga ai wa rai na re...

sasana magam hpe atsawm gun hpai galaw lu na matu ...mai kaja ai lam law law lu galaw na matu ...chyoi pra ai wemyi karai kasang hpe kam sham manoi na ra nga ai..Jau ngu ai gaw amu magam gun hpai ai ngu lachyum rai nga ai..jau ngu na ni hpe daini du hkra yu reng hkang taw nga ai gaw chyoi pra ai wenyi karai kasang mung rai nga ai..chyoi pra ai wenyi a ka up kahprwi hkrum ai masha shagu gaw mai kaja ai apu asi law law si lu nga ai..dai apu asi ni gaw Gala 5:22-23..hta wenyi a asi chyawm gaw tsawra ai kabu gara ai ngwi pyaw ai..myit galu kaba ai matsan dum ai mai kaja ai...kangka ai myit nem ai hte tinang a myit hpe hkang lu ai ndai lam ni rai nga ai..

marai masum atai lanagai karai kasang rai nga ai...kawa kahsa chyoi pra ai wenyi a shaman ya ai chyeju hkum sum hpa gaw shiga madat nga ai kashu kasha ni  yawng nhpaw nya jaw ya nga u ga.

Akyu hpyi saga oh hpan madu  karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.

Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw chyoi pra ai trinita poi nhtoi rai nga ai hti ang ai ja chyum mungga ni gaw chyum mungga daw langai Langai ngu na..Tara jahprang laika 4:32-34, 39-40 chyum mungga daw lahkawng  Roma laika  8: 14-17 kabu gara shiga Matt 28: 18-20 Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law.