Pranwan Ladaw Laban ( VI ), B Shaning, 2024

Karai Kasang a Mungga

 Pranwan Ladaw Laban ( VI ), B Shaning

 

Hkristu hta tsawra hkungga ai nu wa hpu nau ni ndai laban gaw B shaning a kru ngu na pran wan ladaw rai nga ai.. Mk 1:40 hta manggang kap ai masha langai mi mung shi hpang de sa ai rai nna, lahput hput di let nang hkraw nyang gaw ngai hpe san pra ya lu na rai nga ndai ngu nna hpyi nyem wu ai.. shiga madat nu wa hpu nau ni e ya sha na la lu sai kabu gara shiga hta manggang kap ai wa a kyu hpyi ai lam gaw mara kap nga ai anhte shinggyim masha shagu karai kasang hpang de hpyi nyem ra ai kyu hpyi ga mung rai nga ai..madu nang hkraw nyang gaw san pra kau ya rit .

 

.Madu Yesu mung manggang kap ai wa hpe yu matsan dum ai majaw kalang lata shi hpe shamai shatsai dat ya ai..Ngai hkraw nngai san pra wa u ga nga nna tsun lai wa ai rai nga ai. Madu hkum nan anhte shingyim masha ni a nhpring ntsup gawng yang ai lam ni hpe shamai shatsai ya na matu madu shi hkum nan ra sharawng nga ai re.. Madu du sa wa na hpe shata shaning hku nna nlat ra sai anhte a shani shagu na sak hkrung lam hta manggang kap ai wa hpe shamai shatsai ya lai wa ai Nazareth na Yesu hpe hkrum lu mai nga ai..gara hku na nga yang Madu Yesu hpe ni htep dik rai nga chyoi pra hkum tawn da ai gawk hta sa du hkrum shaga mai ai lam rai nga ai hte chyoi pra hkum hkam la ai a marang e mung masin salum hta chyeju jaw ya nga ai hte shanu shingbyi ya let nga nga ai..bai jet ai myit yawn myit malai ai hte mara raw sacramentu hpe hkam la ai a marang e mung madu gaw nang ngai hta shanu shingbyi nga sai re..gara hku na ta myit masin san seng ai ni gaw karai kasang hpe mu lu ma ai..madu yesu gaw anhte shinggyim masha yawng a matu tsi sara win kaba mung rai nga ai..shi a hpung dagu hte masha shagu a myit wenyi hpe kaup da let Nat tsa dan a lata hta na shalawt ya ai..madu sharin achyin ya ai lam hta e masu ai lam rai dum ai lam gaw grai shawng ai ana kaba rai ai hte masha hpe mara ngu na nsin krung de kanawng bang ai ana zinli kaba rai nga ai..dai majaw madu karai kasang hte anhte shinggyim masha ni lapran hta myit malang ai lam n nga na matu grai ahkyak nga ai..jahpai ai lam n mai nga ai..masu magaw ai lam n mai nga ai hte jaw teng ai hpe hkrak atsawm sha tsun tang madun let Nang hkraw nyang gaw san pra kau ya rit madu e ngu nna anhte kawn mung hpyi nyem ra ai... tsawra ai nu wa hpu nau ni daini e anhte marai hkum shagu dum hprang ra na lam gaw gawng kya nna shut shai chye ai a majaw Madu Yesu hte manggang kap ai masha ni htep ai zawn anhte marai hkum ngau shagu hpe mung shi madu hpang de n du du hkra kanawng sit sa wa na ahkaw ahkang kaba lu nga ai..Madu hpang de sit shang wa ai ten kaw na anhte gaw ra rawng ai lam n nga wa ai sha n-ga ..shi madu a jet ai kasa ni byin tai wa ai..ndai zawn hkap la hkam la let kam sham myit ai hte mara raw sacrementu hpe mung atsawm sha mara raw hkam la ai lam hpe gaw galaw nga ai kun..mara raw sacramentu chyeju kumla hpe man man gaw galaw nga ai kun?

 

Nawku hpung na shawng na kaji kawa ni tsun lai wa ai hta mara hpe manggang nga nna mu mada shaming lai wa ma ai re...mara ngu sai kaw kaji kaba yawng lawm sai mung rai nga ai..kaji ai mara nga yang kaji ai manggang rai nga ai..san pra ai John Vianney hku nna tsun shadum tara mungga jaw ai lam gaw anhte gaw makam myi hte yu yang mara kaba hte hpring nga ai wenyi hpe mu lu ai nga yang si na daram jam jau hkam sha hkrum na re nga nna hkaw tsun lai wa ai.. Karai kasang a tsawra matsan dum lama ai lam gaw anhte a mara ni hpe raw dat hkyem sa ya tim anhte yawng gaw mara lu gawng kya ai masha ni hkrai sha naw rai nga ai.ndai zawn tsun ai lam mung .kaja wa jaw teng nga ai..malap kau nmai ai lam mung rai nga ai..Madu Yesu sha ndai mara ana ahkya ni hpe shamai shatsai ya lu ai Madu rai nga ai..Mt 9:13 kaning rai nme law dinghpring ai ni hpe shaga na nrai yubak kap ai ni hpe shaga na she ngai sa du nngai..ngu nna tsun da nga ai..Madu Yesu shinggyim hkumhkrang hpe sa dagraw hkam la nna ndai mungkan ga de du sa wa ai lam gaw yubak kap ai masha ni hpe hkye mawoi la na matu du sa wa ai a majaw hka hte kashin kamun hkam ai chyeju kumla hpe bai gaw de da ya nna kam sham ai myit hte kashin kamun hpe hkam la ni a matu npawt mara hte nawng tinang gakaw shut kau ai mara ni kaw na shalawt la hkrum nna karai kasang a kashu kasha ni hku byin tai wa shangun ai..karai kasang a kashu kasha prat hku nna tinang hkum bai galaw shut ai lam ni hpe bai jasan jaseng na matu mara raw sacramentu chyeju kumla hpe bai gaw de da ya ai.. Tsawra ai nu wa hpu nau ni mara raw sacramentu chyeju kumla hpe sa du raw hkam la ai ten hta kam sham ai myit kaba hte rai ra ai .bai .chyeju dum mayu ai myit ni hte sa du sit shang na mung ahkyak nga ai..mara raw sacramentu chyeju kumla hpe galaw nga ai Wa Jau hta e Madu a nsen hpe na nna Madu Yesu hpe mu mada nawku lu na matu shakut ra nga ga ai..Mara raw sacramentu chyeju kumla a marang e Madu Karai Kasang gaw anhte yawng hpe manggang ngu na mara hpe kahtawk hkra let jasan jaseng ya nna mara ngu na ana ahkya ni hpe shamai shatsai ya ai..kap taw nga ai mara ni hpe

 

shamai shatsai ya ai..kap taw nga ai mara ni hpe raw kau ya ai sha n-ga mara raw ya nga ai Jau a myit masin wenyi hta shaman chyeju ni hte jahpring ya nna Karai Kasang hta sha sak hkrung nga ai lam hpe nnan bai jaw ya ai..Mara raw sacramentu chyeju kumla hpe hkam la ai a marang e karai kasang hte pawng hpawm lu ai chyeju.. lak san mahkrun hku nna langai zawn sha kahkyin gumdin nga lu ai chyeju ni hpe bai hkam la lu ai..ya na zawn Madu hte pawng hpawm nna sak hkrung nga ai masha ni a sak prat gaw tinang hte ni htep nga ra ai ni a prat hta mung tinang zawn karai kasang hte pawng hpawm wa shangun ya ra ai. tinang a tsun shaga ai lam ni gaw masha wa a(matu tara mungga rai nga ai a majaw sasana galaw ai ni mung rai nga sai re.. tsawra ai nu wa hpu nau ni e manggang kap ai masha a lam hpe mahta nna dum hprang la lu ai zawn hkristu madu hpe myit dum rai let tinang prat a matu matut nna tara mungga ni hpe madat hkam la rai nga ga..manggang kap ai wa hpe madu a hpung dagu hte shamai ya ai lam hta kasi kamang la hpa lam masum nga nga ai.. langai hta e karai makam lam hpe tara tawt lai nga ai ni hpe madu gaw tsun daru nna gawt shapraw kau ai lam kachyi mi mung n galaw ai..manggang kap ai masha ni gaw masha ni hte tsan ai shara hta nga ra ai ..masha ni a nsen hpe na sai hte nsan nseng ai ni re nga nna marawn jahtau ra ai..dai majaw dai manggang kap ai masha ni hta hpyi shawn na lam n lu ai a majaw Madu yesu hte hkrum ai ten Madu nang hkraw nyang gaw ngai hpe san pra ya rit ngu nna tsun ai lam rai nga ai..Madu yesu mung tsawra matsan lama chye ai re ai hte kade mi matsat shabat rai nna manggang ana kap taw mi raitim marawn jahtau ahkre kau ai lam n nga ai sha ngai hkraw nngai nga nna shamai shatsai ya lai wa ai... Nu wa hpu nau ni e anhte Mung Madu Yesu zawn tsawra matsan dum lama chye ai ni myit tau ya chye ai ni byin tai lu na matu ra nga ga ai..yak hkak jam jau hkrum nga ai wa hpe tinang maga de na dangdi lu ai made karum shingtau chye ai masha ni tai na matu ra kadawn nga ai..

 

 Lahkawng hta gaw Madu gaw shi a lata ladawn nna manggang kap ai wa hpe ahtawk hkra ai lam rai nga ai....yuda ni a htung hta dai zawn manggang kap ai masha ni hpe hkra ai wa gaw manggang kap ai wa hte maren nsan seng ai wa hku na masat hkrum ai rai nga ai..raitim mungga hta e madu gaw dai manggang ana kap nga ai wa hpe kahtawt hkra dat ai a marang e shi hta hpa nbyin ai sha n-ga dai manggang kap nga ai masha wa hpe mung jasan kau ya ai rai nga ai.. Madu Yesu a hpang hkan nang nga ai anhte hkristan hpung masha ni kawn na mung tinang hte arau nga ai wa anhte hte shani shana kahtep hkra nna nga ai ni tinang hta na akyu lama ma hkam la lu yang she tinang gaw shi madu a jet ai kasa ni.. rai na rai nga ai..masha wa shut taw ai hpe mu nga tim ntsun sharai ai wa gaw nawku hpung hte shi madu a mying hpe jahten ya hte maren rai nga ai..masha shagu gaw tinang hte arau nga lu ai a marang e akyu lama ma pru lu hkra asak hkrung na matu ra nga ai..masha wa a nkaja ai lam ni hpe chyawm gaw tinang a prat de n du shang shangun hkra. n la ai sha tinang kaw na mahtang kaja ai lam ni hpe masha wa a n kaja ai lam hpe galai shai shangun ai hku mahtang rai ra ai.. Masum hta gaw Shamai shatsai ya ngut ai hpang tinang bai hkan shadik ra ai tara lam ni hpe hkan shadik shangut ai lam rai nga ai.. dai gaw Mk 1:43 hta de a kadai hpe mung ga hkaw mi pyi nang n tsun n ga sadi nga u pru wa nna hkin jawng wa hpe na a hkum madun dan nhtawm shanhte a matu sakse tai u ga..nang san pra ai a matu mawshe tawn da ai hte maren hkungga wa nawng ya u ngu nna tsun dat ai lam hpe mu lu nga ai..

 

Tsawra ai nu wa hpu nau ni e Madu yesu gaw shi hkum nan Karai kasang rai nga tim tara lam ni hpe hkungga lara di nna hkan nang ya nga ai..atsawm sha mung hkan shadik ai.. shi hkum nan ahkun hkangse n bang ra tim jaw bang ai lam hpe galaw ai wa rai nga ai..shi hkum nan nhpring zup tara jawng de shang nna laban nhtoi shani shagu sadu shang lawm aihte jahpring shazup ya ai..raitim .karai hpaji hpe lakap nna n- ang n -a galaw sha nga ai lam hpe gaw shi Madu n ra sharawng nga ai.. daini e madu a kashu kasha anhte ni kawn hkan shadik ra ai lit magam ni hpe mung Madu Karai Kasang zawn shagrit shanem ai myit hte hkan shadik nga na hpe shi madu ra sharawng nga ai.. Madu yesu a tsawra myit kaba hte manggang kap ai wa hpe shamai shatsai ya lai wa ai zawn daini e anhte kashu kasha ni a prat hta mung tinang a tsawra chye ai myit kaba ..akyu hpyi ya ai..karai jaw nyan marai atsam ni hte shakut rai akyu jashawn jai lang ra nga ga ai..yawng hpe karai kasang shaman ya u ga.. Akyu hpyi saga oh hpan madu karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai. Hkristu hta tsawra hkunggga ai kanu kawa tara hkaw sara ni hte nu wa hpu

 

nau ni e ndai laban gaw pranwan ladaw hta. ....sumshi masum.......... ngu na lanban rai nga ai hti ang ai ja chyum mungga ni gaw chyum mungga daw langai ..Langai ngu na..Jaw Jau laika a laika 13 :1 - 2. 45-46 .chyum mungga daw lahkawng kawrintu hpung masha ni hpang de san paulu shagun dat ai laika langai 10: 31-11:1 kabu gara shiga Marku 1: 40-45 Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law

 

 

Add new comment

11 + 2 =