Awng Dang Ai Lam De Sa Ai Lam ( Youth Program )

Anhte ni yawng gaw, tinang hkum nan awng dang na matu, shakut sa na malai, manang wa awng dang lai mat ai hpe sha yu let,  tsun jahpoi chye nga ai ni mung law nga ai re. Dai zawn nga taw ai ni gaw, awng dang ai lam hte naw tsan taw nga na re, awng dang ai lam gaw, prat hta hpang hkrat ai ngu ai nnga ai, n-nan hpang na lam sha, awng dang ai lam de du lu na lam yan masa rai nga ai law. Dai lam gaw nhkan dep lu na daram tsan gang nga ai nre nga ai . N-awng dang shi ai ni gaw, anya taw ai a majaw nrai nga ai, Awng Dang Ai Lam ngu ai chying hka hpe n-akawk ai majaw sha rai nga ai, dai chying hka mung loi loi hte gaw hpaw na nrai nga ai. Myit masin n-gun atsam, nyan marai, atsam ningja ni hte sha lu hpaw na rai nga ai, tinang gaw chying hka hpe kalang pyi n-akawk yu nna gaw, awng dang ai masha nbyim shi ai gaw, mau shara nrai nga ai, dai majaw dai chying hka nhpaw dingsa akawk nga na matu sha madung rai nga ai re. dai hta e.. shawng nnan pan dung ngu ai nga ra ai. Prat magam hta awng dang lam lu na matu, shawng n-nan galaw ra na gaw, pan dung ngu ai lam rai nga ai, yaw shada lam pan dung tawn da na matu, tinang hpa byim mayu ai ngu ai ga san hpe san na mung ra nga ai, dai pan dung gaw ngang gring nna, mai byim masa lam nga ra ai, tinang kaja wa byim mayu ai lam rai ra ai Bai mahkyen lamang plan ngu ai nga ra ai. gara magam bungli raitim, lamang lajang ra chyalu rai nga ai, dai zawn n-galaw ai magam bungli gaw, awng dang na gaw loi yak na re Bai tsawra ai ramma ni, dai pan dung hpang de hkan ai lam ngu ai hta e.. nga hpe lu mayu ai nga hkwi ai wa gaw hka de sa ra na rai nga ai. dai zawn shan lu mayu ai jau gawng mung  ashan lu na matu, mi ngrip hkan yu ra na rai nga ai, dai zawn sha, yaw shada lam pan dung ni awng dang na matu, pan dung a hpang hkan nang ra nga ai, tinang galaw ai magam, tinang myit sawn ai ningmu, tinang a myit ni hpe 100 % 90 ram gaw, tinang a pan dung hte seng ai lam ni rai ra nga ai, dai zawn nrai yang, yaw shada pan dung ni gaw naw tsan gang na rai nga ai ngu n-gun jaw shadum mayu ai law. Bai glaw shakut ai lam ngu ai hta gaw, tsawra ai ramma ni, awng dang ai lam ngu gaw, shangai wa ai kaw na lawm wa ai lam nrai nga ai., tinang hkum nan shakut, gaw sharawt na she lu la mai ai baw rai nga ai. Tinang hkum tinang n-gun lu bang ai daram, awng dang na rai nga ai dai majaw tsawra ai ramma ni, masha shada bung nga taw tim, hpa majaw awng dang ai ni byim mat ai i nga yang, dai masha ni gaw, tinanga hta htam latsa n-ga shakut shaja ai lam ni a majaw rai nga ai, grau nna n-gun dat ai lam shing nrai grau shakut ai lam ni sha, tinang hta grau ningtawn let, awng dang mat ai lam rai nga ga ai re. Bai sawn yu, hka ja shakut ai lam ngu ai hpe bai yu yang, masha law malawng gaw, manang wa hpe jahpoi asawng ai lam galaw chye nga ga ai, sadi da ra na lam yan gaw, madu hkum n-awng dang shi yang gara lam yan kaw mung awng dang shi na nrai nga ai, dai majaw madu hkum nan shawng awng dang na ahkyak la nga ai, madu hkum awng dang na matu, madu hkum a shut ai lam ni shaing nrai ra rawng gawng kya ai lam ni hpe chye na matu san chye yu ai lam ni galaw ra nga ai, dai san jep yu ngut yang, mabyim masa lam yan hpe hkap la yin la chye na mung ra kadawn nga ai, ngai hpa ni naw ra nga ai kun ngu ai lam hkap la ai lam nga yang she, shawng de matut hkawm sa galaw na lam ni adan sha mu mada lu wa nna awng dang ai lam de bai lahkam lu na rai nga  ai law. tinang hkawm sa nga ai pan dung ni de du na matu, hpang hkrat taw nga yang, tinang hta ra rawng ai lam ni nga sai lam gaw teng sha rai nga ai, dai majaw madu hkum hpe bai san jep yu na hkum lagawn, tinang a gawng kya ai lam ni hpe sawk tam nna, dai hpe chye sai hte rau galai shai ra na ngu ai lam yan masa tam ra ai, dai masa lam yan lu sai hte, lu hkra galaw chye na mung ahkrak la nga ai re Bai Aten ngu ai hta e tsawra ai ramma kanau kasha ni, aten ngu ai gaw, manu dan dik ai ngu ai lam yan hpe, kadai myit sawn hpa ji ninghkring ni mung, myit sawn shai taw na nrai nga ai Raitim, aten gaw shi chyu shi gaw manu nnga nga ai, aten hpe gara hku jai lang ai ngu ai ntsa hta sha hkan nna, manu nga ai lam rai nga ai. nang gaw, rau ai ten ni hta, game gasup taw na, beer lu taw nga na, hpai gasup taw na ngu zawn re ni hte ten jahtum taw na, raitim, na a matu gaw, aten gaw akyu nga taw na nrai nga ai, dai zawn ten jahtum ai lam gaw, nang hpe hkrat sum na lam de du shangun na rai nga ai, dai re majaw, nang gaw awng dang ai masha langai byim mayu yang, aten hpe akyu nga nga jai lang chye na matu ra kadawn nga ai, jahtum hku nna tsun ga nga yang, awng dan ai lam gaw, tinang hte ntsan ai shara kaw nga taw ai lam sha rai nga ai awng dang ai lam de sa na lam hta, chye na ai zawn rai na ndum dat ai lam, galaw ai zawn rai nga, hkrak n-galaw byim ai lam ni dai zawn ahkrak la ai lam yan masa nkau ni hpe shadum ya let, ndai bat na ramma lamang hpe naw jahkring sai law.

#youth

#rvakachinservice