Ahkaw Ahkang Chye La U Ga ( Youth Program )

Ahkaw ahkang ngu ai gaw, shara shagu hta nga nga ai. Raitim shi gaw, lwi hkrak nga ai masa lam nga ai. Nang nsai la hkrup ai hte, dai lam gaw, matu yawng hkrat mat na lam sha rai nga ai. Dai majaw ahkaw ahkang ngu n-mu mada chye ai ni, ahkaw ahkang ngu mu mada tim, rim la akyu n-jashawn ai ni hpe lai kau da nna, akyu jashawn chye ai ni a lata hta du mat hkra, lwi yawng mat na sha rai nga ai.Masha law malawng gaw, lwi yawng mat ai wa ai ahkaw ahkang hpe sin da lahtum yawn nga mat chye nna, Masha nkau mi gaw, tat mat wa ai ahkaw ahkang hpe, mau taw n-nga ai sha, bai kalang rim la lu na ahkaw ahkang ni hpe tam chey nga ga ai, Yu maya masha hte, awng dang ai ni a lapran shai mat wa ai lam ni rai nga ai.

Nkau mi gaw, galai shai ai ngu ai lam hpe hkrit nga ma ai. Dingsa hpe sha n-ja let, manoi manat nga ai ni mung rai nga ai. Tinang a madung npawt mabyim masa hta, grit nem yawm mat na hpe hkrit nga ma ai. Galai shai ai lam hta, ahkaw ahkang n-nan ni hpe jum tet da lu na gaw rai kun ngu ai hkrit tsang ai lam ni hte hpring nga ai lam mung rai nga ai. Masha law malawng maga gaw, ndai galai shai ai tara lam hpe ra sharawng nga ga ai. Dai galai shai lam hte lawm wa ai ahkaw ahkang ni hpe sha, jum tet nchye ai ni law nga ai hpe mu mada lu ai, Wan leng jawn ai masha hte bung nga ai, wan leng chying hka kaw na galai shai nga ai shingra tara hpe tsawm sha mu mada lu nga ai hte, hkrum lam htum ai hte gaw, lata hta, hpa langai mung jum tet nlu ai lam zawn rai nga ai. galai shai mu mada lam ma hkra hte ngam taw sai rai nga ai Dai lam ni yawng gaw, galai shai ai mu mada lam ni hpe hkam sha mu mada lu dat tim, tinang a matu akyu jashawn nlu ai ni rai nga ai. Bai tsawra ai ramma kanau kasha ni, ndai galai shai ai lam hpe hkrit nga taw ai ni hte, galai shai lam hpe hkrum katut nga taw tim, ahkaw ahkang ngu aihpe nchye la chye ai ni a, shai hkat ai lam gaw, kaman 0 rai nga ai, lahkwang yan tinang a akyu, makau grupyin a matu, dai ahkaw ahkang ni hpe, nrim maga la chye, gin shalat nchye ai a majaw rai nga ai .  Ya na ten hta gaw, lai wa sai ten ni hpe tau yu taw nga ai ni law nga ai majaw rai nga ai. dai majaw langai hte langai lata layung madi let, hkrun lam ndu hkraw ai lam rai nga ai. anhte yawng a myi man ni hpe shawng de sha gayin dat na nga yang, hpang de gayin maw maw re ai manang wa hpe mung, ta gindun lu na rai yang, labau laika man n-nan hpe galam lu na rai nga ai,bai anhte a shawng lam gam maga galai shai ai lam n-nan hpe gin shalat lu wa na rai nga ai. Labu n-nan laika buk hpe gin shalat lu na matu, anhte nang ngai ni yawng n-gun atsam nga na ra nga ai.anhte masha shagu gaw, super hero nrai nga tim, masha shagu hta, galaw lu ai atsam lama mi gu dek nga chyalu rai nga ga ai, dai atsam marai  gu dek hpe mahkawng dat yang, anhte a ninghtawn, anhte a mung dan gaw rawt jat lam ni lakin nga ai kaw na, rawt kalu kaba wa na gaw teng sha rai nga ai law. langai hte langai kam shamyet lam, kaji mi nga na sha ra nga ga ai, tsun mayu ai gaw, bungli madu langai gaw, tinang hta n-nga ai galaw lu ai atsam, hte magam bungli hta kung kyang ai lam nga ai magam gun ni lata gin dun lu na nga yang, kung kyang ai lam tsaw nga ai magam gun wa mung, ja gum hpraw lu shaw ai magam bungli madu hte jawm pawng galaw lu na nga yang, magam bungli rawt jat lam gaw tsaw wa lu na teng sha rai nga ga ai law.

Lahkawng yan maga gaw, ahkaw ahkang ngu ai hpe mu mada chye na ra ahkyak dik ria nga ai, jawm pawng ai lam a majaw lu la na, akyu hkam sha lam ni sawn yu chye na mung ra nga ai , masha lahkawng  a n-gun hte lu la ai lam hpe langai sha madu mayu ai ting kyang lam nlawm pru na mung ra nga ai. ahkaw ahkang ngua ai gaw, ni nawn ai makau grupyin ni hkan sha nga chye ai lam yan langai mung rai nga ai re, dai hta, mu mada chye na hte, ahkaw ahkang ngu ai gaw, bungli galaw masha zawn bu hpun nna, mayak, ning dat ai lam ni hpe gup let nga ai majaw, masha law malawng nmu mada mat ai lam hte bung mat nga ai re. Ndai lam mung, awng dang taw ai ni hte, hkrat sum mat ai ni a lapran hta na  shai hkat ai lam rai nga ai. dai bungli galaw masha zawn bu hpun lu na hte, ning dat lam ni hpe gup lu wa ai shani gaw, anhte a mung dan asia dan hta, sharaw langai zawn, mung kan hta, shang tsap lu na teng sha rai nga ai, nbung ahpawt ai lam hpe galai shai ya nlu tim, du mayu ai lam de lu lu hkra bung ahpwat lu nga ga ai ni hkrai rai nga ai. dai majaw, anhte ni yawng galai shai lam hte lawm wa ai, dai ahkaw ahkang, bungli galaw  bu hpun palawng hte hpun wa ai ahkaw ahkang ni hpe hkap la chye na matu sha ra nga ga ai ngu shadum ya let.

#youth

#rvakachinservice