Lapyin Atsam ( Hpaji Ningli Hka Ja Ga I Lamang )

Lapyin atsam gaw grai mau hpa lam rai nga ai.Anhte yawng kaga ga rai nna shai ai la lapyin atsam lug a ai.Dai lu ai hta mung law ai,yawm ai naw shai ai.Ndai lam gara hku byin ai kun nchye tsun ai.Hpa majaw masha langai mi loi sha shakut yang mahkawn grai chye mahkawn nhtawm ,kaga langai mi rai jang kade shakut yu tim nsen pyi npru lu ai kun?Hpa rai ramma nkau mi kadai n sharin tim ginsup lam hta grai kung yang,kaga nkau mi nkung kyang hkraw ai rai kun? Hpa majaw masha nkau mi hpji shaku tai hta grai ram yang,kaga nkau mi n ram hkraw ai kun?

Anhte n htai lu ai ga san ndai ni nga ai.Raitim,lapyin atsam hte seng nna anhte chye ai lam nkau mi nga ai.Ga shadawn,dai lapyin atsam hpe madu la ai wa gaw,shi nan galaw la ai nrai,hkap la ai mahtang rai nga ai hpe anhte chye ga ai.Raitim,masha gaw shi lu da ai lapyin atsam hpe jahkum shatsup dat lu ai hpe anhte chye ga ai.

Yawn shara gaw,masha nkau mi shanhte a lapyin atsam a majaw gumrawng ma ai.Shanhte a galu kaba arawng sadang a matu chyu sha dai hpe shanhte jai lang ma ai.Kaga nkau mi rai jang,shanhte lu ai lapyin atsam hpe,lagawn ai majaw,n shapyan dat ma ai.Lapyin ai ndai masha hpan lahkawng gaw maren sha shut ma ai.Shanhte a lapyin atsam gaw kaga masha ni a mai kaja lam hta jai lang na matu,Hpan Madu shanhte hpe jaw ya ai hpe shanhte malap kau nna shanhte hte chyu seng ai zawn rai ma ai.

Anhte yawng ndai zawn shut ai lam galaw na hpe tsang ra ga ai.Anhte shawa masha hpe gang na lapyin atsam n lu hkra raitim,anhte hkum shagu gaw,masha ni a mai kaja ai lam hta jai lang na matu,jaw tawn da ai atsam marai loili sha gaw lu ai hkrai rai ga ai.

Masha nkau mi gaw kaga masha hpe kam hkra galaw lu ai atsam marai rawng ma ai.Shanhte gaw kaga masha hpe myit jasan ya nna myit krem shangun ma ai.Ndai gaw grai kaba ai lapyin atsam rai nga ai.Masha nkau mi gaw tara grai hkan shatup ai hte laklai ai lapyin atsam lu ma ai.Anhte lu ai lapyin ntsam gaw hpa kaning re ai wa mi raitim,dai hpe anhte dum chye nhtawm,galaw sharawt la na hte manaw manang ni hpe ngwi pyaw lam jaw ai hta jai lang na gaw ,anhte a matu grai ahkyak ai lit rai nga mali ai.

Ka shaleng ai - Wa Jau  Paul La Sang La

Lamang tang madun ai – Julia Ja Ing