Myit Mada Lam Tawn Da Ga

Shinggyim Masha langai byim tai wa sai hte maren, Masha marai hkum shagu hta myit mada tawn da ai lam ni nga chyalu rai nga ai. Myit mada lam gaw awng dang lam a npawt mung re. Tinang a prat mung tinang myit mada tawn da ai hku byim wa nga ai. Gashadawn, tinang gaw jau tai na matu Myit  mada tawn da ai hte maren shakut ai rai yang, lani mi hta jau langai byim tai wa na teng sha rai nga ai. Myit mada lam shara nnga ai rai yang masha gaw sak hkrung hkawn sa na matu nmai byim nga ai.Anhte shinggyim masha shagu gaw, myit mada lam myit mada ai myit hte sha asak hkrung taw nga ai ni re. Masha langai tinang a magam bungli awng dang na matu hte ngwi pyaw hkam kaja na matu myit mada nga ai zawn, tinang akshu kasha ni myit su myit kawp let lam shagu hta ning tawn ai kashu kasha ni byim tai wa na matu mung myit mada nga ai. Bawng dung ai masha langai gaw shalawt dat na nhtoi hpe ala nga ai zawn, shawng lam kaw ang ai hpyen la langai mung ngwi pyaw simsa wa na hpe sha myit mada nga na teng sha rai nga ai. Dai zawn sha, anhte shinggyim masha ni gaw grau grau nna, ngwi pyaw hpring zup ai asak aprat gaw de lu na matu myit mada nga ai ni, shakut taw nga ai ni hkrai rai nga ai. Ga shaga dingsa prat hta, Israela amyu masha ni a myit mada shara gaw karai kasang ndat da ai hkanan mung de shang lu na matu hte mayam prat kaw nna, shalawt dat ai hkrum lu na matu rai nga ai.

#crd paul.z (kachyihtu)