Kanu Kawa Ni A Myit Mada Da Ai Lam Hte Ramma Ni A Ban Dung ( 14 March,2019 )

Kanu Kawa Ni A Myit Mada Da Ai Lam Hte Ramma Ni A Ban Dung

           Na N-nu Yan N-wa Hpe Hkungga La Ra Di U ngu ai ga si gaw, tara kanu lam shi hta rawng nga ai tara kanu rai nga ai.Tara Kanu Lam Shi ngu ai gaw an-hte  Kanu Nawku Hpung ni a ahkrak dik ai hta na ahkrak kaba nan mung rai nga ai. Ndai tara kanu lam shi hta kanu kawa ni hpe hkungga na lam hpe yu yu yang an-hte ni shani shagu sak hkrung lam hta, kanu kawa ni hpe hkungga la ra let, bau maka shagrit shanem na lam madung lawm nga ai re. Raitimung ndai prat hta kanu kawa hte kashu kasha ni a tsun shaga ai lam hta katsi katsang rai wa nga ai gaw law wa nga ai. Madung gaw kanu kawa ngu ai ni, shani shagu manap yup rawt ai hte bungli sa, shana jan du yang she wa, Lu, Sha, Yup, ndai zawn re hte sha rai taw nga ai hta, kanu kawa ni hte kashu kasha ni a hkrum zup ai ten ni yawm wa ai hte, kashu kasha ni a matu aten nlu jaw wa nga ai. Kashu kasha ni hte tsan ai hte e gau ngwi ngwi tsun shaga ai lam ni hta mung  mang hkang ni byim wa na yak wa nga ai madang de du wa nga ai re hpe mu mada lu ai. Ya ndai prat hta kanu kawa hte kashu kasha ni a tsun shaga n-htuk wa ai lam gaw kashu kasha ni a shawng lam prat hkrum lam kan bau magam bungli lata ai lam hta, grau na chye byim nga ai hpe mung mu mada lu nga ai. Kanu kawa ni a byim shangun mayu ai myit hte ramma ni a myit lawm ai magam bungli hte nbung pre wa ai ten ni hta nhkrum, nra ai lam ni shang wa ai re. Kanu Kawa ni gaw kashu kasha ni a prat shinglum lam, hkrak madi shadaw ya lu ai pu kan magam bungli hpe sha lata shangun mayu ai. Bai an-hte ramma ni mung tinang myit lawm ai kaw hkan n-na, Awng Dang ai lam hpe la mayu ai, ndai zawn lam lahkawng rai wa ai kaw na e, mang hkang ngu ai byim wa ai. Knu kawa ni mung shan-hte lata ya ai bungli hpe sha prat magam bungli a matu masan sa na re majaw, hkan nang galaw shangun mayu ai. Kashu kasha ni maga mung tinang lata dat ai lam sha jaw ai re ngu myit jasat rawng nga ai. Ndai zawn hta lai tsun shaga ai kaw na mang hkang ni nra ai sha grai kaba wa ai hpang, jahtum hta dum n’ta kaw na pru mat wa ai madang de du hkra byim wa chye nga ai re. Kanu kawa ni a maga hku nga yang mung, kashu kasha ni a matu mai kaja ai magam byim shangun mayu ai re majaw, Ramma ni hku nna mung tinang a yaw shada da ai ban dung du ra na rai nna, byim hkra mung shakut sa ra na re, ban dung n-nga ( Sh ) ban dung mat nga ai ramma langai gaw  Gin hkau gara kaw nga ai nchye ai pang lai hta rap nga ai wa hte bung na re. dai majaw an-hte ramma ni yawng hta ngang gring ai prat a ban dung ngu nan nga ra ai. Tinang lata dat ai magam lam hte kanu kawa ni lata dat ya ai magam lam bung pre taw nga yang gaw hpa mnang hkang n-nga ai, n-bung pre ai lam rai yang gaw mang hkang nga ai, ndai zawn re lam ni byim wa yang gaw mahtai  tam na ra ahkrak kaba nan rai nga ai. Ndai zawn mahtai tam ai lam na, masa lam yan lahkawng hku na myit sawn ra na re, shawng n-nan hku na kanu kawa ni a maga hku na yu yu yang kanu kawa ni ngu ai gaw kashu kasha ni a matu mai kaja ai lam ni sha byim shangun mayu ai, kashu kasha ni lu su nga mu nga mai na lam sha mu mayu nga ai re, dai re majaw shan-hte lata ya ai magam lam hpe hkan nang shakut galaw shangun mayu ai kanu kawa ni  a myit masa hpe yu yang shut ai ngu nmai tsun nga ai raitim kasha kasha ni a maga hku yu ga nga yang mung tinang myit lawm ai magam ni hpe sha galaw yang awng dang na re lam ading kam nga ai hpe mung shut ai ngu nlu tsun nga ai , ndai lam yan lahkawng hpe lam yan langai sha byim hkra  ( Sh ) malawng bung pre wa lu hkra shakut sa ra na re. Laga mai gan mungdan ni a rawt jat kalu kaba wa ai lam gaw mung dan masha ni  tinang myit lawm ai kung kyang ai magam bungli ni lu galaw ai lam ni hta mung seng nga ai. Myit lawm ai hte myit shang sha ai magam bungli gaw awng dang ai lam lu nga ding yang rai nga ai, bai lagngai mi gaw awng dang ai ni a kanu kawa ni gaw tinang kashu kasha hpa myit shang sha nga ai hpe kaji ten kaw na chye hkra shakut tawn da ma ai re. Awng Dang wa hkra mung madi shadaw ya ma ai.Kanu kawa ni a byim shangun mayu ai hpe shawng n-tawn da na, kashu kasha ni a myit lawm ai lam hpe gaw sharawt jaw ma ai. Ndai lam gaw awng dang ai ningpawt nan rai nga ai, ndai lam hku nrai na tinang a kashu kasha ni a myit lawm ai lam hpe ahkrak nla ya na tinang byim shangun mayu ai prat hpe sha shajin shngun ai lam gaw, jaw ai masa nrai nga ai re. Kanu kawa ni hkum nan tinang a kasha ni hpa myit lawm ai hpe chye hkra galaw grin ai zawn, kashu kasha ni mung kanu kawa ni chye hkra bawng ban jahkrum tsun jahta gring nga ai re. Myit gaw lawm nga ai raitim, ban dung n-gring na zawn re yang gaw kanu kawa ni lata ya ai magam hta hkawm sa ra na hpe mung shadum n-gun jaw mayu ai. Tinang myit lawm ai lam hta hkawm na myit da yang gaw awng dang ningtawn hkra gaw shakut ra na re. An-hte ramma ni mung myit gaw lawm tim, ban dung n-nga ai rai  yang kanu kawa ni a ga hpe lale ai lam ni gaw nmai galaw nga ai re. An-hte myen mung a kan bau bungli lata ai lam gaw tsang shi awng amrak masat hte seng ai lam gaw nhkrak nga ai. Kanu kawa ni gaw kashu kasha ni tsawng shi awng amark kaja yang tsi jawng Engineer jawng,  ni la shangun mayu nga ai kaja ta tut sharin hkam shakut ra na gaw kashu kasha ni she rai nga ai hpe dum ra nga ai, ndai dakkasu lung yang she awng dang na re ngu myit nga ai lam ni gaw shut nga ai lam langai re  laga dakkasu lung na awng dang nga ai kashu kasha ni tup she rai nga wa sai re. Kanu kawa ni a arawng satan a matu kashu kasha ni myit nlawm ai lam hpe nmai shatsam ai, hpa mi nga nga kanu kawa ni maga hku nna kashu kasha ni a myit lawm ai lam hpe chye hkra galaw la na, dai myit lawm ai lam hpe byim hkra galaw shakut garan ra na zawn anhte kashu kasha ramma ni mung tinang lata hkawm sa ai prat magam ni hpe kaja awng dang hkra hkawm sa let kanu kawa hte kashu kasha ni a lapran tsun shaga rap ra masan sa ai lam grau sharawt sa wa ga ngu n-gun jaw mayu nngai law

Kanu Kawa Ni A Myit Mada Da Ai Lam Hte Ramma Ni A Ban Dung

           Na N-nu Yan N-wa Hpe Hkungga La Ra Di U ngu ai ga si gaw, tara kanu lam shi hta rawng nga ai tara kanu rai nga ai.Tara Kanu Lam Shi ngu ai gaw an-hte  Kanu Nawku Hpung ni a ahkrak dik ai hta na ahkrak kaba nan mung rai nga ai. Ndai tara kanu lam shi hta kanu kawa ni hpe hkungga na lam hpe yu yu yang an-hte ni shani shagu sak hkrung lam hta, kanu kawa ni hpe hkungga la ra let, bau maka shagrit shanem na lam madung lawm nga ai re. Raitimung ndai prat hta kanu kawa hte kashu kasha ni a tsun shaga ai lam hta katsi katsang rai wa nga ai gaw law wa nga ai. Madung gaw kanu kawa ngu ai ni, shani shagu manap yup rawt ai hte bungli sa, shana jan du yang she wa, Lu, Sha, Yup, ndai zawn re hte sha rai taw nga ai hta, kanu kawa ni hte kashu kasha ni a hkrum zup ai ten ni yawm wa ai hte, kashu kasha ni a matu aten nlu jaw wa nga ai. Kashu kasha ni hte tsan ai hte e gau ngwi ngwi tsun shaga ai lam ni hta mung  mang hkang ni byim wa na yak wa nga ai madang de du wa nga ai re hpe mu mada lu ai. Ya ndai prat hta kanu kawa hte kashu kasha ni a tsun shaga n-htuk wa ai lam gaw kashu kasha ni a shawng lam prat hkrum lam kan bau magam bungli lata ai lam hta, grau na chye byim nga ai hpe mung mu mada lu nga ai. Kanu kawa ni a byim shangun mayu ai myit hte ramma ni a myit lawm ai magam bungli hte nbung pre wa ai ten ni hta nhkrum, nra ai lam ni shang wa ai re. Kanu Kawa ni gaw kashu kasha ni a prat shinglum lam, hkrak madi shadaw ya lu ai pu kan magam bungli hpe sha lata shangun mayu ai. Bai an-hte ramma ni mung tinang myit lawm ai kaw hkan n-na, Awng Dang ai lam hpe la mayu ai, ndai zawn lam lahkawng rai wa ai kaw na e, mang hkang ngu ai byim wa ai. Knu kawa ni mung shan-hte lata ya ai bungli hpe sha prat magam bungli a matu masan sa na re majaw, hkan nang galaw shangun mayu ai. Kashu kasha ni maga mung tinang lata dat ai lam sha jaw ai re ngu myit jasat rawng nga ai. Ndai zawn hta lai tsun shaga ai kaw na mang hkang ni nra ai sha grai kaba wa ai hpang, jahtum hta dum n’ta kaw na pru mat wa ai madang de du hkra byim wa chye nga ai re. Kanu kawa ni a maga hku nga yang mung, kashu kasha ni a matu mai kaja ai magam byim shangun mayu ai re majaw, Ramma ni hku nna mung tinang a yaw shada da ai ban dung du ra na rai nna, byim hkra mung shakut sa ra na re, ban dung n-nga ( Sh ) ban dung mat nga ai ramma langai gaw  Gin hkau gara kaw nga ai nchye ai pang lai hta rap nga ai wa hte bung na re. dai majaw an-hte ramma ni yawng hta ngang gring ai prat a ban dung ngu nan nga ra ai. Tinang lata dat ai magam lam hte kanu kawa ni lata dat ya ai magam lam bung pre taw nga yang gaw hpa mnang hkang n-nga ai, n-bung pre ai lam rai yang gaw mang hkang nga ai, ndai zawn re lam ni byim wa yang gaw mahtai  tam na ra ahkrak kaba nan rai nga ai. Ndai zawn mahtai tam ai lam na, masa lam yan lahkawng hku na myit sawn ra na re, shawng n-nan hku na kanu kawa ni a maga hku na yu yu yang kanu kawa ni ngu ai gaw kashu kasha ni a matu mai kaja ai lam ni sha byim shangun mayu ai, kashu kasha ni lu su nga mu nga mai na lam sha mu mayu nga ai re, dai re majaw shan-hte lata ya ai magam lam hpe hkan nang shakut galaw shangun mayu ai kanu kawa ni  a myit masa hpe yu yang shut ai ngu nmai tsun nga ai raitim kasha kasha ni a maga hku yu ga nga yang mung tinang myit lawm ai magam ni hpe sha galaw yang awng dang na re lam ading kam nga ai hpe mung shut ai ngu nlu tsun nga ai , ndai lam yan lahkawng hpe lam yan langai sha byim hkra  ( Sh ) malawng bung pre wa lu hkra shakut sa ra na re. Laga mai gan mungdan ni a rawt jat kalu kaba wa ai lam gaw mung dan masha ni  tinang myit lawm ai kung kyang ai magam bungli ni lu galaw ai lam ni hta mung seng nga ai. Myit lawm ai hte myit shang sha ai magam bungli gaw awng dang ai lam lu nga ding yang rai nga ai, bai lagngai mi gaw awng dang ai ni a kanu kawa ni gaw tinang kashu kasha hpa myit shang sha nga ai hpe kaji ten kaw na chye hkra shakut tawn da ma ai re. Awng Dang wa hkra mung madi shadaw ya ma ai.Kanu kawa ni a byim shangun mayu ai hpe shawng n-tawn da na, kashu kasha ni a myit lawm ai lam hpe gaw sharawt jaw ma ai. Ndai lam gaw awng dang ai ningpawt nan rai nga ai, ndai lam hku nrai na tinang a kashu kasha ni a myit lawm ai lam hpe ahkrak nla ya na tinang byim shangun mayu ai prat hpe sha shajin shngun ai lam gaw, jaw ai masa nrai nga ai re. Kanu kawa ni hkum nan tinang a kasha ni hpa myit lawm ai hpe chye hkra galaw grin ai zawn, kashu kasha ni mung kanu kawa ni chye hkra bawng ban jahkrum tsun jahta gring nga ai re. Myit gaw lawm nga ai raitim, ban dung n-gring na zawn re yang gaw kanu kawa ni lata ya ai magam hta hkawm sa ra na hpe mung shadum n-gun jaw mayu ai. Tinang myit lawm ai lam hta hkawm na myit da yang gaw awng dang ningtawn hkra gaw shakut ra na re. An-hte ramma ni mung myit gaw lawm tim, ban dung n-nga ai rai  yang kanu kawa ni a ga hpe lale ai lam ni gaw nmai galaw nga ai re. An-hte myen mung a kan bau bungli lata ai lam gaw tsang shi awng amrak masat hte seng ai lam gaw nhkrak nga ai. Kanu kawa ni gaw kashu kasha ni tsawng shi awng amark kaja yang tsi jawng Engineer jawng,  ni la shangun mayu nga ai kaja ta tut sharin hkam shakut ra na gaw kashu kasha ni she rai nga ai hpe dum ra nga ai, ndai dakkasu lung yang she awng dang na re ngu myit nga ai lam ni gaw shut nga ai lam langai re  laga dakkasu lung na awng dang nga ai kashu kasha ni tup she rai nga wa sai re. Kanu kawa ni a arawng satan a matu kashu kasha ni myit nlawm ai lam hpe nmai shatsam ai, hpa mi nga nga kanu kawa ni maga hku nna kashu kasha ni a myit lawm ai lam hpe chye hkra galaw la na, dai myit lawm ai lam hpe byim hkra galaw shakut garan ra na zawn anhte kashu kasha ramma ni mung tinang lata hkawm sa ai prat magam ni hpe kaja awng dang hkra hkawm sa let kanu kawa hte kashu kasha ni a lapran tsun shaga rap ra masan sa ai lam grau sharawt sa wa ga ngu n-gun jaw mayu nngai law