Shinggyim masha gaw, bungli galaw ra ai, ngu ai gaw hpa lachyum rai ta? ( Cathechism )

" Nang Ra Ai Bungli Langai Hpe, Nang Lata U, Dai Rai Jang, Na a Prat Hta, Lani Mi Nang Bungli N galaw Ra Na"

Shinggyim masha gaw, bungli galaw ra ai, ngu ai gaw hpa lachyum rai ta?

Shinggyim masha gaw, bungli galaw lu ai, bungli lu ai, tianang a matu hte kaga masha ni a matu lama ma galaw lu ai gaw, masha yawng a matu, n gun lu hpa rai nga ai, Bungli nlu ai nra ai, gaw masha langai a sari sadang hpe la kau ai re, Bungli hku nna masha gaw shi ra sharawng ai shi a atsam marai ni hpe shagreng nna, sut masa hte htunghking rawt jat na lam hta shang lawm nga ai,

Karai Kasang a masing hta bungli gaw ahkyak kaba rai nga ai Lamu ga hpe uphkang na, makawp maga na hte galaw lu galaw sha na matu, Karai Kasang gaw masha hpe hkang da ai, Bungli gaw tinang a manaw manang ni hpe manu dan ai daw jau lam rai nga ai, grau nna lamu ga hpe ngang grin na hku galaw lu galaw sha nna dai hpe grau atsam rawng hkra galaw ai gaw, shinggyim masha hpe shi hpan madu hte shabung da ai rai nga ai, Magam bungli kaji ni hpe atsawm sha galaw ai wa gaw, bungli galaw masha rai nga ai Yesu hte makyit mahkai nga ai