Ave Maria Akyu hpyi ga jahtum e, "Amen" ngu ai hpe n tsun ra sai kun?

1. Ga San: Ave Maria Akyu hpyi ga jahtum e, "Amen" ngu ai hpe n tsun ra sai kun?

    San ai Masha: Musa, Nam Hkam Sasana, Mung-Gwi Buga, Pying Hkam Lawk na;

Sara Luka La Sang Brang Tawng

    Mahtai: Akyu Hpyi Laika buk kaw rawng ai hte maren "Amen" ngu ai hpe tsun ra ai.

          "Amen" ngu ai ga a lachyum gaw "Dik Wa U Ga" "Teng nga ai" ngu ai lachyum re.

2.  Ga San: Rosari hti ai shaloi, daw hte daw a matu yaw shada lam ni hpe n tsun n mai ai kun?

     San ai Masha: Zaubung Jau Ginwang, San Luka Sara Ninghtawn, Ulang Pa;

Ya, Nam Hkam San Htawma Hpyen Yen dabang e nga ai;

Monika Lahtaw Hkawn Tsin

    Mahtai: Rosari hti let sumru akyu hpyi ai lam gaw tinang hte seng ai akyu hpyi ladat langai rai ng ai.  Rosary akyu hpyi ai shaloi, yaw shada lam ni hpe daw shagu hta n tsun ra ai; akyu hpyi hpaw hpang ai hte yaw shada lam ni hpe shawng ndau shana da ai gaw kaja dik rai nga ai.