Jum Hka Hpe Hkai Sun Hta Akyu Jashawn Jai Lang Ladat

Jum Hka ( Epsom Salt ) Jai Lang Ladat

 Tsawra ai shiga madat Nu Wa HPu Nau ni ndai bat na lamang hta gaw Jum hka ngu ai Magnesium Sulphate hpe hkai sun hta akyu shashawn jai lang ai lam hta akyu law law hkam la lu mai ai lam hte seng nna Intenet fb laika man ntsa hta na mu hti la lu ai hpe gam garan ya na n ngai.

 Ndai Jum hka hpe Magnesium sulphate hku nna masha ni grau chye nga ma ai..shi hta e Magnesium , sulphur hte Oxygen ni gayau da ai rai nga ai. Shi gaw Epsom myo kaw na lu ai re majaw myo mying hte kapyawn gayau nna Epsom Salt ngu nna masha ni grau chye wa ma ai.Anhte shani shagu sha nga ai yu yu jum hte bung nga tim nmai sha ai Namchyim hta jum ngu tim grai hka ai majaw jum hka ngu mying jaw da ma ai.

 Jum hka gaw shinggyim masha ni a hkam ja lam a matu grai ahkyak ai hpan langai rai nga ai zawn hpun ni a matu mung grai manu dan akyu rawng nga ai. Magnesium hte Sulphur (kan) gaw hpun ni a matu tsit la li tsawm na matu hte nampan ni law law pu tsawm lu na matu grai nan ahkyak nga ai majaw jum hka hpe hpun ni a matu atsawm sha jai lang ya mai nga ai.

 Magnesium gaw hpun ni nhtoi hte malu masha shadu ai hta madung lawm ai Cholorophy hpe garum ya lu nna hkai ai ga  sau namhpun ni hpri dat yawm wa ai lam hpe bai jahhpring jaw ya lu nna dat namhpun dawn jan jai lang da sai majaw ga sau hten za ai lam hpe mung shayawm ya lu ai majaw hpun a matu atsawm jai lang mai ai. Magnesium dat madung ra kadawn ai gaw numri pan hpun, ba hkri si hpun, majap hpun ni rai nna jum hka ntsin hpe grau na jai lang ra ai.

 Numri pan hpun ni lap ni htoi nsam byin wa , hkraw wa yang na matu jum hka hpe chyaw langai mi hta hka gallon mi hte gayau jai lang mai ai.

 Htoi nsam byin wa ai gaw Magnesium dat, kan dat ningra wa ai majaw jum hka ntsin hpe nhoi (15) ya hta kalang spray buu hta bang nna lap ni hpe gat hprim jaw ya mai ai.Jum hka gaw bacteria hte kaga latung ana ni hpe nlu makawp maga ai raitim lapawp ni nsa lu hkra lu galaw ya nga ai.

 Ga sau Magnesium ningra ai hpe sha alak mi gram ya ai re maajw asi alap apu ni tsawm hkra pu tsawm si wa na re nga ai.HPun shagu hta jum hka jai lang nra ai sha, magnesium dat ningra ai shara hta sha jum hka jai lang ai gaw kaja dik re nga ai. ( Magnesium dat yawm wa jang lap makau hkan hkraw wa ai, alap ni htoi nsam byin wa ai rai nga ai.) Kaga hpun ni a matu chyaw mi hta hka litre 4 gayau nhtawm shata mi hta kalang gat jaw yang kaja ai.

Jum hka jai lang ai ladat (6)

1.Jum hka chyaw mi hpe hka litre 4 hta bang nna ra hkra shalau jaw u..dai ntsin hpe spray buu hta bang nna jahpawt jau jau ten hta lap ni ntsa de gat hprim jaw ya u.(shata mi hta kalang -2 lang)

2.Majap hpun, ba hkri si hpun npawt ni hta shat mai chyaw mi hpe grup grup gat jaw u.

3.Myu nli tum kaw na hkai ai rai yang nli tum bang ai nhkun de jum hka chyaw mi (shn) chyaw 2 bang nna hkai mai ai.

4.Jum dwi chyaw 2,jum hka chyaw 2, hpe gayau nna numri ban hkai nhkun  kata de bang jaw ai lam, hpun kaba wa ten hpun pawt grup grup gat jaw ya ai hku nna galaw jaw mai nga ai.

5.Tsing sat ladat – shalaga ntsin kawk 2, jum hka kawk ¼ ,sapya sau hpa lap chyaw mi daram gayau nna kawk langai mi hta bang u.Chyaw hte atsawm gayau u..bawp pru wa na tsang ai majaw nmai garu ai. Dai hpang ntsin hpe spray buu de gau ngwi sha jaw bang u. jan ja ai shani tsing ban ni ntsa de dai ntsin hpe hkying hkum 6 (sh) 8 hta kalang gat jaw nna tsing ni hpe sat shamyit lu mai ai.

6.Di bu de ga bang jum hka chyaw mi hpe ga hta ra hkra gat nna ga bai jat bang ai hku na hpun ni hpe hkai jai lang mai nga ai..

By; Elizabeth Seng Lawt Lu

#rvakachinservice