Sumsing Mahkrai Hkrai Da Ya Ai Wa Jau Paul Lasang La

Wa Jau Paul Lasang La :  : Masha ni hpe hkye na matu Wudang Dawnghkawn hpe bum langai mi hta jun da mayu ai.

Karai Kasang a atsam hte ndai masha ni hpe hkye la u ga ngu nna yu ai shaloi Alam bum hpe tsawm dum ai, lawu de, lahta de, tsawmra dam lada ai hku na mu mada ai majaw Alam Wudang Bum galaw mat wa ai.

Nnan e gaw dai Wudang bum de kadai nlu sa ai, ahkang n lu ai, ya daini Wudang bum galaw ngut ai shaloi masha ni hkying, mun hku na hpring chyat sa sai rai nga ai.Dai hpe yu jang Karai Kasang a atsam gaw Wudang hta nga ai.

Nchye ni a matu, makam masham nlu ai ni a matu Wudang gaw angawk angak re ai, raitim mung makam masham rawng ai ni a matu Wudang gaw Karai Kasang a n gun atsam re.

Lu ai Wudang hpe nta kaw atsawm sha tawn da nna, wan shadaw shatu hkungga, dai kaw akyu hpyi ga, tinang a matu chyu sha n ga, kaga hpu nau ni, ruyak jam jau hkrum ai ni hpe mung Karai Kasang garum shingtau la u ga matu akyu hpyi ya na grai ahkyak ai. Wudang gara kaw nga tim mung baw gum hkungga nna shagrau ai, akyu hpyi ai lam hpe galaw ga nga nna Alam Wudang Bum hpe gawgap hpang da ya sai hte Jinghpaw Mung hta labau shang shara rai nga ai Mali Nmai Zup hta Simsa Lam A Nu Maria Lungpu hpe gaw da ya sai  Wa Jau Paul Lasang La tsun da nga ai.

Wa jau Paul Lasang La gaw Alam Wudang Bum hte Mali Zup Nu Maria hpe gawgap nna dai shara hta akyu sa hpyi hkam la sai anhte hpe Sumsing mahkrai hkrai da ya ai, Sumsing Mungdan de lung wa na lakang htan da ya sai wa jau rai nga ai.

Wa Jau Paul Lasang La a wenyi ngwi pyaw ai sumsing mungdan hta ban sa ning ngai nga lu na matu anhte yawng myitdum akyu hpyi ya nga ga.

By - Julia Ja Ing