Yi Hku Hpundu Hpe Akyu Jashawn Jai Lang Ladat

Yi hku kaw na lu la mai ai akyu ni

  Tsawra ai shiga madat Nu Wa Hpu Nau Ni, ndai lamang hta gaw Yi Hku hpun du hpe hkai sun hta manu dan ai hku akyu jashawn jai lang mai ai lawng lam ni hpe na la lu na re..

  Nu Wa Hpu Nau ni, Anhte W.p ni law malawng gaw Yi sun ,hkau na galaw sha ai ni law nga ga ai hte maren ya kade n na yang Mam mu,Man dan la na ten ni du wa sana re majaw Mam dan la ngut ai hpang ngam nga ai Yi Hku hpun du hpe hkai sun a matu akyu jashawn jai lang mai ai lam ni hpe gam garan ya na n ngai.

  Myanmar mungdan na hkau na pa ni gaw mam dan ngut ai hte (yi hku hpun du) hpun ni ngam taw ai..Duhkra mam hpun gaw dat namhpun jai lang ai yawm nna duhkra mam htan dat namhpun law law sha ra ai nhtoi mam (pru shadang kaja ai mam) a yi hku hta lu sha n gun dat grau law nga ai.

  Yi hku hpun du hpe na htai htai ai,ga lup ai,ga namhpun galaw ai hta hkau na pa hta hka shalen bang nna lim hkra bang ai htan ramdaw hka madi dat hta nbung pru shang kaja nhtawm kahtet shadang ramdaw lu nna mam dan ngut ai hpang yi hku hpun du hpe nahtai htai ga lup ra ai.Hka shalen hka shalaw ai lam hte galaw da ai rai yang tsam nyap ai lam na nhtawm Oxgyen dat nbung nlu mat ai.

  Buga shara nkau mi hkan hkai mu galaw sha ai ni gaw mam dan ngut ai hte nshung,ginhtawng ta ting na htai n htai,ga nlup ai sha kabai da ma ai. Lanam ta du hpang marang htu jang she na lawk hta hka shalen na htai shang ma ai. Dai zawn galaw ai htan mam dan ngut ai hpang yi hku hpundu ,yi hku ga kata de lup ai lam, yi hku kaw na namhpun byin nna akyu lu mai ai.

  Mam Acre mi hkai ai shara hta mam hpun ni sha ngut nna ngam ai ,yawm ai dat gaw ga hta ngam ai. Lu sha kau ai hta bang dat ai shingra namhpun hte dat namhpun ni hta na mung lu la ai.Ngam ai dat ni gaw Yi hku hta lawm nga ai.

  Yi hku hta lawm ai ga sau gram ai dat ni hta- Hka 71%,Nitrogen 0.2%, Phosphorus 0.1%, Potassium 0.4%

  Yi hku tan mi hta Nitrogen P45, Uria P10 hte bung nga ai. Phorsphorus 2.2 P , T super P5 hte bung ai.Potassium P9.1,Phyu rate Out Potash P 15 hte bung ai.

Mam hkai ai ga hta yi hku hpe ladat amyu hpan langai ngai hku na bai jai lang ai hku na ga sau hpe rawt jat kaja shangun ai. Ga a madi bam shadang hpe yi hku a atsam hte zing hkang da lu ai.

  Mam a lakung laking,alap, hpun mat ni hta …..sak hkrung ni byin pru chye nga ai. Yi hku hta Cellulose 30% grup yin lawm nna pyar dat 15%,grup yin, Likanit 9% grup yin lawm ai majaw shingra namhpun kaja langai rai nga ai.Acre mi hta yi hku tan 2 hpe dumsu shat tawk ai zawn tawk nhtawm hkau na de ra hkra jahkrat ,na htai htai shalau ya ai hte namhpun byin wa ai.Organic namhpun ni rai nga ai. Dai Organic ga namhpun ni hpe hkauna ga kata hta nga ai nsoi nsa rawng ai hkrung kanu ni kaw na mani …nna hpun sha na lu sha n gun dat ni law htam ai hte ga shan kaja hkra aten na na zing hkang da lu ai. Ga kata kaw nga ai hpun hpe hkra chye ai Metein dat ni shinggan nbung de du mat ai.Ga kata kaw nga ai nsoi nsa rawng ai sak hkrung ni law jat wa ai.

  Ya dai ni , shingra nhprang sut rai ni htum wa ai lam hpe koi gam ai hkai lu hkai sha lam, ten galu kaja ai makau grup yin zing hkang lam, aten na na ga sau kaja ai lam ni hpe Asia mungdan ni, mungdan shagu hta hkan sa nga nna yi hku hpe nra ai sha majoi wan n nat ga,Lam makau ,hkau na pa hta marang htu yang madi nyap, jan ja yang hkraw hkra ntawn da ga…

 Tsawra ai shiga madat Nu Wa Hpu Nau ni, Hkai lu hkai sha ai shaloi ya ten du hkra ga kaja yang she nsi nai si kaja ni pru na rai nga ai..dai majaw ga sau kaja hpe lu zing hkang lu hkra lahta de tsun lai wa sai lam ni hpe ta tut hkan sa galaw shakut ga ngu’gam garan ya dat lu ga ai