Covid Makawp Maga Tsi Prup Hkam Na Hte Seng Ai Lam

Tsawra hkungga ai shiga madat nu wa hpunau ni daini na lamang hta gaw covid ana makawp maga tsi prup hkam la na rai yang chye tawn da mai na lam ni hte seng nna Dr.Htet Htet Zaw Win hpaji jaw tang madun da ya ai hpe shiga madat ni hpang de matut gam garan tsun ginlen dan mayu ai.

Anhte a Myanmar mungdan hta numdaw masum lang ngu na Covid ana a majaw masha law law wa ana kap nna machyi hkrum ai hte asak si hkrum ai mung law sai rai nga ai.Ndai ana zinli chyam bra jat ai lam yawm mat na matu, ndai ana zinli kaw na lawt lu na matu ya  aten hta covid makawp maga tsi hpe prup hpang ya taw sai mung rai nga ai.Makawp maga tsi prup hkam la na ahkaw ahkang nga ai masha yawng mung prup hkam la mayu ai hkrai rai nga na ga ai re. Masha yawng makawp maga tsi hpe prup da lu ai gaw kaja dik mung rai nga ai.Asak kaba sai masha ni hte machyi ana nga ai masha ni mung makawp maga tsi hpe prup da lu yang kaja nga ai.

Covid makawp maga tsi prup hkam na rai yang mung amyu myu nga tsun ai shiga ni a majaw myit tsang ai lam ni nga ai zawn gara hku sadi sahka lam ni galaw ra na hpe mung chye mayu nga na ga ai re. Chye da ging ai lam mung rai nga ai, covid makawp maga tsi prup hkam sana nga jang tsi a lam sha n-ga,tsi hte seng nna n jaw n teng ai hku tsun shabra taw ai shiga ni hpe mung chye tawn da na ra nga ai. Dai majaw atsawm nchye na ai lam nga ai rai jang tsi garai n prup hkam ai shaloi sarawun hpe atsawm san la nna tsi prup hkam na masha wa nan asan sha chye na da na kaja nga ai.Shing nrai yang covid makawp maga tsi prup dat ai majaw dai hku byin wa ai, wow ra hku byin wa ai nga nna shiga ni amyu myu pru ai hpe sha myit tsang taw ai majaw n prup hkam gwi taw ai rai yang tinang a matu sum lam sha rai wa na re.Dai re majaw covid makawp maga tsi prup hkam la ngut ai hpang gara hku sadi ra na,hpa ni byin wa chye ai ngu ai lam ni hpe atsawm chye na hkra hka ja da na ra nga ai.

Ya aten mungkan mungdan shagu na hpaji ning hkring ni a shakut shaja lam a majaw covid makawp maga tsi ni law law pru taw sai rai nga ai.Dai makawp maga tsi ni gaw Pfizer-BioNTech, Moderna,Johnson & Johnson’s Janssen, AstraZeneca vaccine, Covidshield hte
Sinopharm ni rai nga ai.Ndai makawp maga tsi hpan ni hta na ya aten Myanmar mungdan hta prup ya taw ai gaw covidshield hte Sinopharm re ai lam chye lu ai.

Covid makawp maga tsi hpe kadai ni prup hkam mai ai kun – Covid makawp maga tsi hpe asak ( 18 ) ning hpring sai masha shagu prup hkam mai ai lam tsun da nga ai.Mungkan hkamja hpung WHO kaw nna gaw ma hkum rai taw ai kanu num ni hte ma chyu chyu taw ai ma kanu ni mung prup mayu jang prup hkam mai ai nga nna tsun da nga ai.Bai nna machyi chyi jung ana lu ai masha ni mung prup la mai ai raitim ndai masha ni gaw tsi garai n prup hkam shi yang sarawun hte atsawm shawng jahkrup yu nna she prup la yang kaja na lam hpaji jaw da nga ai.

Covid makawp maga tsi prup la na re ai shaloi myit tsang taw ai lam bai langai mi gaw ndai tsi prup dat yang she machyi wa ai rai kun nga nna myit tsang lam amyu myu byin chye nga ai. Kaja wa nga yang covid makawp  maga tsi gaw tuk kwi makawp maga tsi zawn sha,makawp maga tsi hta virus n rawng ai. Virus ana kanu a amyu ginsai hpan hpe bang nna galaw htuk shapraw ai lam nga ai zawn virus chyasi shing nrai bai n chyambra lu sai virus ni sha rawng ai rai nga ai.

Makawp maga tsi gaw virus hpe hkum hkrang a hkam jan n gun hte ninghkap gasat lu hkra shaman shakyang ya ai lam rai nna virus chyahkrung hpe bang da ai nrai nga ai.Makawp maga tsi ngu ai hpan ni gaw masha hta garai n jai lang shi ai ten sawk sagawn chyam maram lam lang hte lang rai galaw da ai hkrai rai nga ai.

Byin chye ai gaw kaga makawp maga tsi ni zawn sha tsi prup da ngut ai hpang tsi prup hkang machyi ai,hkum hkrang lagaw lata ni makret machyi ai,baw machyi ai,hkum kahtet machyi ai, grai sawng ai hku nrai tim anya shala nga puba ai machyi kumla ni lani mi kaw nna lahkawng dang hkam sha ra chye ai.

Dai gaw hkum chying n gun a makawp maga tsi hpe hti htang gasat ai rai nna virus hpe ninghkap gasat shapraw lu na matu shaman shakang taw ai masa rai nga ai. Asan sha tsun ga nga yang dai zawn byin ai gaw tsi prup da ai lam awng dang ai hpe madun ai kumla rai nga ai. Dai majaw kaga mi myit tsang shara n nga na re. Ning ngu tsun ai shaloi dai machyi kumla ni n byin ai rai yang tsi prup da ai gaw n awng ai re kun nga nna bai myit tsang na ga ai re.Dai hku mung nrai nga ai,masha langai hte langai a hkam jan lu ai hkum chying n gun n bung ai majaw re ngu ai hpe chye na da na ra nga ai.

Dai zawn byin ai shaloi yup hkru hkru yup na, n gun rawng ai baw lu sha law law sha ya rai nna hkum chying n gun hpe jahpring ya na ra ai hte hka dat hpring tsup na mung ra ahkyak nga ai.Sadi hkan sa ra na bai langai mi gaw hkum ding san seng lam rai nga ai.

Covid makawp maga tsi prup ai shaloi Covidshield hpan hpe prup na rai yang nhtoi 28 ya din nna lahkawng lang prup la ra ai.Sinopharm tsi hpan rai yang n htoi 21 – 28 din nna lahkawng lang prup hkam la ra ai.Makawp maga tsi prup ngut ai hpang mung lang lata e nan makawp maga ya lu na nre majaw ra kadawng ai hkum chying n gun lu na matu  nhtoi 14 ya la ra ai lam tsun da nga ai.

Covid makawp maga tsi gaw ana hpe makawp maga na matu sha htuk shapraw da ai rai nga ai.Dinghku nnan de hpang ai masha ni shing nrai kashu kasha matut la na msing nga ai dinghku num dinghku la ni myit tsang chye ai lam langai mi gaw covid makawp maga tsi n mai prup ai nga nna tsun ai lam ni nga ai majaw myit ung ang chye ma ai re. Ndai lam hte seng nna mung prup la mai ai lam asan sha tsun da nga ai.Ma hkum rai taw sai kanu num ni covid makawp maga tsi hpe prup hkam la yang akyu pru ai hte akyu yawm ai  hkra machyi lam kade daram madang nga ai hpe chyawm gaw  atsawm sha pu pu le le rai sawk sagawn da ai lam n nga ai majaw tup hkrak tsun na yak ai. Dai majaw ma hkum garai n byin ai ten hta prup hkam da ai gaw kaja dik re nga nna hpaji jaw da nga ai lam ni hpe shiga madat ni mung atsawm chye na hkrawn hkrang lu mu ga ngu garan kachyan ya dat lu ga ai.

Tsawra hkungga ai shiga madat nu wa hpunau ni daini na lamang hta gaw covid ana makawp maga tsi prup hkam la na rai yang chye tawn da mai na lam ni hte seng nna Dr.Htet Htet Zaw Win hpaji jaw tang madun da ya ai hpe shiga madat ni hpang de matut gam garan tsun ginlen dan mayu ai.

Anhte a Myanmar mungdan hta numdaw masum lang ngu na Covid ana a majaw masha law law wa ana kap nna machyi hkrum ai hte asak si hkrum ai mung law sai rai nga ai.Ndai ana zinli chyam bra jat ai lam yawm mat na matu, ndai ana zinli kaw na lawt lu na matu ya  aten hta covid makawp maga tsi hpe prup hpang ya taw sai mung rai nga ai.Makawp maga tsi prup hkam la na ahkaw ahkang nga ai masha yawng mung prup hkam la mayu ai hkrai rai nga na ga ai re. Masha yawng makawp maga tsi hpe prup da lu ai gaw kaja dik mung rai nga ai.Asak kaba sai masha ni hte machyi ana nga ai masha ni mung makawp maga tsi hpe prup da lu yang kaja nga ai.

Covid makawp maga tsi prup hkam na rai yang mung amyu myu nga tsun ai shiga ni a majaw myit tsang ai lam ni nga ai zawn gara hku sadi sahka lam ni galaw ra na hpe mung chye mayu nga na ga ai re. Chye da ging ai lam mung rai nga ai, covid makawp maga tsi prup hkam sana nga jang tsi a lam sha n-ga,tsi hte seng nna n jaw n teng ai hku tsun shabra taw ai shiga ni hpe mung chye tawn da na ra nga ai. Dai majaw atsawm nchye na ai lam nga ai rai jang tsi garai n prup hkam ai shaloi sarawun hpe atsawm san la nna tsi prup hkam na masha wa nan asan sha chye na da na kaja nga ai.Shing nrai yang covid makawp maga tsi prup dat ai majaw dai hku byin wa ai, wow ra hku byin wa ai nga nna shiga ni amyu myu pru ai hpe sha myit tsang taw ai majaw n prup hkam gwi taw ai rai yang tinang a matu sum lam sha rai wa na re.Dai re majaw covid makawp maga tsi prup hkam la ngut ai hpang gara hku sadi ra na,hpa ni byin wa chye ai ngu ai lam ni hpe atsawm chye na hkra hka ja da na ra nga ai.

Ya aten mungkan mungdan shagu na hpaji ning hkring ni a shakut shaja lam a majaw covid makawp maga tsi ni law law pru taw sai rai nga ai.Dai makawp maga tsi ni gaw Pfizer-BioNTech, Moderna,Johnson & Johnson’s Janssen, AstraZeneca vaccine, Covidshield hte
Sinopharm ni rai nga ai.Ndai makawp maga tsi hpan ni hta na ya aten Myanmar mungdan hta prup ya taw ai gaw covidshield hte Sinopharm re ai lam chye lu ai.

Covid makawp maga tsi hpe kadai ni prup hkam mai ai kun – Covid makawp maga tsi hpe asak ( 18 ) ning hpring sai masha shagu prup hkam mai ai lam tsun da nga ai.Mungkan hkamja hpung WHO kaw nna gaw ma hkum rai taw ai kanu num ni hte ma chyu chyu taw ai ma kanu ni mung prup mayu jang prup hkam mai ai nga nna tsun da nga ai.Bai nna machyi chyi jung ana lu ai masha ni mung prup la mai ai raitim ndai masha ni gaw tsi garai n prup hkam shi yang sarawun hte atsawm shawng jahkrup yu nna she prup la yang kaja na lam hpaji jaw da nga ai.

Covid makawp maga tsi prup la na re ai shaloi myit tsang taw ai lam bai langai mi gaw ndai tsi prup dat yang she machyi wa ai rai kun nga nna myit tsang lam amyu myu byin chye nga ai. Kaja wa nga yang covid makawp  maga tsi gaw tuk kwi makawp maga tsi zawn sha,makawp maga tsi hta virus n rawng ai. Virus ana kanu a amyu ginsai hpan hpe bang nna galaw htuk shapraw ai lam nga ai zawn virus chyasi shing nrai bai n chyambra lu sai virus ni sha rawng ai rai nga ai.

Makawp maga tsi gaw virus hpe hkum hkrang a hkam jan n gun hte ninghkap gasat lu hkra shaman shakyang ya ai lam rai nna virus chyahkrung hpe bang da ai nrai nga ai.Makawp maga tsi ngu ai hpan ni gaw masha hta garai n jai lang shi ai ten sawk sagawn chyam maram lam lang hte lang rai galaw da ai hkrai rai nga ai.

Byin chye ai gaw kaga makawp maga tsi ni zawn sha tsi prup da ngut ai hpang tsi prup hkang machyi ai,hkum hkrang lagaw lata ni makret machyi ai,baw machyi ai,hkum kahtet machyi ai, grai sawng ai hku nrai tim anya shala nga puba ai machyi kumla ni lani mi kaw nna lahkawng dang hkam sha ra chye ai.

Dai gaw hkum chying n gun a makawp maga tsi hpe hti htang gasat ai rai nna virus hpe ninghkap gasat shapraw lu na matu shaman shakang taw ai masa rai nga ai. Asan sha tsun ga nga yang dai zawn byin ai gaw tsi prup da ai lam awng dang ai hpe madun ai kumla rai nga ai. Dai majaw kaga mi myit tsang shara n nga na re. Ning ngu tsun ai shaloi dai machyi kumla ni n byin ai rai yang tsi prup da ai gaw n awng ai re kun nga nna bai myit tsang na ga ai re.Dai hku mung nrai nga ai,masha langai hte langai a hkam jan lu ai hkum chying n gun n bung ai majaw re ngu ai hpe chye na da na ra nga ai.

Dai zawn byin ai shaloi yup hkru hkru yup na, n gun rawng ai baw lu sha law law sha ya rai nna hkum chying n gun hpe jahpring ya na ra ai hte hka dat hpring tsup na mung ra ahkyak nga ai.Sadi hkan sa ra na bai langai mi gaw hkum ding san seng lam rai nga ai.

Covid makawp maga tsi prup ai shaloi Covidshield hpan hpe prup na rai yang nhtoi 28 ya din nna lahkawng lang prup la ra ai.Sinopharm tsi hpan rai yang n htoi 21 – 28 din nna lahkawng lang prup hkam la ra ai.Makawp maga tsi prup ngut ai hpang mung lang lata e nan makawp maga ya lu na nre majaw ra kadawng ai hkum chying n gun lu na matu  nhtoi 14 ya la ra ai lam tsun da nga ai.

Covid makawp maga tsi gaw ana hpe makawp maga na matu sha htuk shapraw da ai rai nga ai.Dinghku nnan de hpang ai masha ni shing nrai kashu kasha matut la na msing nga ai dinghku num dinghku la ni myit tsang chye ai lam langai mi gaw covid makawp maga tsi n mai prup ai nga nna tsun ai lam ni nga ai majaw myit ung ang chye ma ai re. Ndai lam hte seng nna mung prup la mai ai lam asan sha tsun da nga ai.Ma hkum rai taw sai kanu num ni covid makawp maga tsi hpe prup hkam la yang akyu pru ai hte akyu yawm ai  hkra machyi lam kade daram madang nga ai hpe chyawm gaw  atsawm sha pu pu le le rai sawk sagawn da ai lam n nga ai majaw tup hkrak tsun na yak ai. Dai majaw ma hkum garai n byin ai ten hta prup hkam da ai gaw kaja dik re nga nna hpaji jaw da nga ai lam ni hpe shiga madat ni mung atsawm chye na hkrawn hkrang lu mu ga ngu garan kachyan ya dat lu ga ai.