Mam pru shadang law na matu namhpun hpe tinang hkum nan gara hku htuk shapraw jai lang na lam..

 Mam pru shadang law na matu namhpun hpe tinang hkum nan gara hku htuk shapraw jai lang na lam..

  Dat namhpun ni galai n nga shi ai ten hta hkai mu galaw sha nga ai ni gaw nsi nai si htuk shapraw ai shaloi ga shatsam galaw ai,dusat ni kabai kau da ai rai ni hpe jai lang nna namlap namhpun hkai ai,nsi nai si langai lai lai hkai ai hku na namhpun kaja hkra galaw lai wa sai. latung ana du hkrat ai lam hta grau na ana zinli du hkrat ai lam hpe nsi nai si lai lai hkai ai ladat hte nsi nai si hpe awng dang hkra hkai shapraw lai wa ai.

  Ya gaw mam nsi nai si hkai htuk shapraw ai shaloi Uria hte T super namhpun ni hpe sha jai lang nna,Potash namhpun n lang ai  majaw Potash dat ningra ai kumla law malawng mu ai sha n ga na,Uria hte T super namhpun hpe mung law law jai lang ai lam n nga ai. Potash dat namhpun ningra ai majaw ana zinli ni grau na du hkrat lu mai ai. Dai zawn re masa hpe tawt lai na matu hpun katsing namhpun hkai ai magam bungli hpe grau na madung da galaw sa na matu ra nga ai.

  Ginhtawng mam hpe hka jaw poi n du shi ten (April) hta dan la nna,lanam mam hpe June shata hta hkai ma ai.ginhtawng mam dan la ngut ai hte lanam mam a matu bai htai hkang n galaw shi laman hpun katsing namhpun hpe hkai ai hku na,akyu law law lu la na ra ai. Shat gawk kaw na pru ai wan dap hta mung potash dat lu ai majaw shani shagu mahkawng da nna hkai sun ga gram ai ten hta bang mai ai zawn jak nhkaw wan dap ni hpe mung hkai sun ga lajang nga ai ten hta bang jaw u. Kaja greng ai hkai hpun ni lu na rai nga ai.jak num hkaw hta lawm ai silica dat gaw ga gyi ai ga ni hpe gram jaw lu mai ai.

Galaw sa ra ai ladat ni-

  Lanam Mam -Shapre…bye masum hpe ginhtawng mam awng hka shaw ngut ai hpang mam dan la mahka hta gat jaw u. manu mai ai shapre myu hpe jai lang u. Mam dan la ngut ai hpang shapre hpun ni tu wa na ra ai. Lanam mam a matu namhpun hpwi ai ten hta shapre hpun ni hpe mam hkin lang ni hte rau na htai htai shalau jaw u. Ndai zawn galaw ai a marang e madung ra nga ai lusha n gun dat ni sha n-ga na kaji kajaw ra ai lu sha n gun dat ni hpe tinang hkum nan bang ngut chyalu re sai. Htum gumhpraw hkyam sa nna,ga a lu sha n-gun dat hpe mung hkum hkra bang ngut ai re majaw ga mung kaja wa nna aten galu akyu chyeju ni hpe lu la na rai nga ai.

  Ginhtawng Mam - Layang ga buga ginra ni hta mam shahti, duhkra mam ni hkai ai shara ,kawng ai tsaw ai shara hta shaloi mam ni hkai ai shara ni hta rai nga ai.

  October shata hta dan la ai mam shahti hte shaloi mam ni gaw hkai ai ten jau ai majaw shapre gat nna hpun byin ai ten shata mi daram lu ai shara hta hkai chyam yu ra ai.

  Shapre hpun ni akyu jaw ai lam - Shapre hpun ni a ru hta myi hte nm ulu ai Ziwa sak hkrung bacteria ni gaw ru maku hpe byin shangun ai.  ndai ziwa sak hkrung kanu gaw nbung kaw na Nitrogen hpe rim la jaw ai. Shapre ru maku hta nga ai ziwa hkrung kanu gaw Acre mihta Nitrogen dat hpe htuk shapraw jaw ai. Shapre hpun ni hkai ai hku na,Mam hpun a matu ra ai Nitrogen dat hpe jaw lu na rai nga ai.

Yi hku kaw na lu la mai ai akyu chyeju ni

          Yi hku hte hkin lang ni hpe hkau na ga hta nahtai htai na bai bang jaw ai hku na yi hku ni mani rin kau ai hpang yi hku kaw lawm ai Carbon,Phosphate hte Potasssium dat hpe hpun kaw na lu na rai nga ai.

 Hpun katsing namhpun galaw jai lang ai marang e akyu hkam sha ai lam hta - Hpun katsing namhpun a matu nsi nai si amyu langai ngai hkai da ai re yang Ga sau sha ai lam hpe makawp maga lam byin shangun ai. Hpun katsing nam hpun kaw namhpun shatsam dat ni lu na rai nga ai. Hpun shatsam dat a mjaw ga sau hta grau kaja wa ai. Ga sau a kahtet shadang hte madi shadang hpe grau thing hkang da lu na rai nga ai. Ga hkri shum dat hpe rap ra shangun lu ai. Ga sau kata nbung pru shang lam kaja shangun ai. Hpun katsing ga shatsam dat a majaw nsi nai si pru shadang grau law shangun lu nga ai.