Labri Hpun Hkai Ladat

  Labri Hpun Hkai Sha Ladat

                    Labri hpun hpe lum nai ai buga shara kaw na kahtet ai buga shara duhkra tu lu ai.Panglai hka man lahta de (12000)’duhkra tu kaja ai.Miwa, Korean,Japan ndai sinpraw Asian dan hte sinpraw dingdung Asia mungdan hte Uropa ding dung mungdan duhkra hkai mai ai.Ndai labri hpun gaw shaning galu hpun myu re majaw kaga duhkra nsi nai si ni zawn myu galai hkai na matu yak ai majaw n nan hkai ai ten kaw na myu nli kaja lata hkai ai gaw madung dik rai nga ai.Myu nli jasan kaja ai ngu ai gaw labri lap pru shadang kaja ai lam,labri hpun marai ningja kaja ai lam,latung ana zinli dam dang hkam lu ai lam,lamu ga,hka,duhkra hte htap htuk ai lam,latung bau rem ai lai ladat hte hkrak ai n dai marai hte hpring zup ai lam hpe tsun ai re.

Ra sharawng ai ga amyu hpan hte duhkra ladaw

          Labri hpun hpe ga amyu hpan n lata ai sha hkai mai nga ai raitim,madi dat law n htawm hka n ing ai ga,hkum pup magyep ga,zaibru lawm ai ga nihta nmai hkai nga ai.Zai ni ga hpe ra dik rai nga ai.Kaja dik ai ga hkri shum dat masat (6,5-7) hta kaja ai kahtet shadang (15-40)’C laman hkai kaja nga nna (20-30)’C gaw htap htuk dik re nga ai.marang hka shadang (40-100)”lu ai buga ginra, madi hka salu (65-80)% hte lani mi hta n htoi shingkang (9-13) hkying hkukm lu ia buga ginra hta hkai yang kaja ai.

          Myu nli shalaw la ai lam- Labri hpun hkai na matu myu nli tum kaw na shalaw la mai ai zawn lakung shakap matut ai lam,hpundan shalaw la ai lam,laking ga-lup shalaw ai lam n dai ladat ni hpe mung jai lang mai ai.Hpun dan kaw na myu nli shalaw la ai shaloi shata (4-6) daram re sai labri hpun laking,yawm dik ခဲတံ daram nga ai laking hpe lata ra ai.Myu nli laking hta lamyi lapran na pu (3-5) lawm hkra ladat hte hkrak daw na matu ra ai zawn ru pru na matu hka hta tsing n na hkai yang hpun tu shadang law ai.

          Labri hpun ra ai ga amyu hpan ni-Labri hpun gaw kalang hkai yang yawm htum shaning (10) jan ning nga nna,hkai ai ga hta ga amyu hpan hta hkan nna bai gram jaw na matu ra ai.Magyep lai ai ga,zai bru law ai ga,hka galoi ma ing nga ai ga hta lai na kaga ga ni hta hkai mai ai raitim zai ni ga gaw kaja dik rai nga ai.Ga sau ni hta lusha n-gun dat ahara..dat lawm ai hta ningra yang ga gram lajang ten hta na htai sung sung ganaw’nna shingra ga shatsam hte dat namhpun bang jaw ra ai.Hpun hkai ten hta Acre mi hta nga hkyi (3-5) bang jaw ra ai.

          Hkai gawn lajang jaw ai lam-  Labri lap pru shadang kaja nga ten,hkun hkraw nga yang hka shalen bang jaw na matu ra nna,lanam ta hta hka lim yang aten dep hka shaw kau na matu rai nga ai.

          Pa layang dam lada ai shara hta hkai yang htap htuk ai n bung shing gang hpun ni hkai da ra ai.N bung shing gang hpun hkai ai shaloi mung shaning galu hpun ,arut arat dan hkam nna,ai hpun hpan,lap run ai ten n nga ai hpun hpan, lap run yawm ai hpun amyu hpe lata hkai ra ai.

          Amyu hpan langai sha hkai mai nga nna,lapran hta n si nai si hte mung kapyawn hkai mai ai.Lanam ta hta aten dep hkai lu na matu ga hpe htai hkang mani hkra lajang galaw nna,hkai n hkrun ni hpe htu da ra ai.Acre mi a matu nga hkyi,ga shatsam nga leng (3-5) hpra , t super 91-2) buk,Potash buk (1-2) bang let jai lang mai ai.Bai na nga hkyi,ga shatsam law law dang lu yang hkai hkawng ni galaw nna ga shatsam law law bang hkai mai ai.

          June , July hpun daw ten hta hkai mai ai.Tum bra yang Mar,Apri,si myin ai ten tum ni mahkawng nna hkai mai ai.Bra ban ni hpe hkai mai ai zawn lanam ta hta laking daw ai hpe kalang ta hkai mai ai.Bra ban hkai na nga yang hpun asak shata (6-12) ram hta hpun hkai yang hpun hkrang na matu kaja ai.Kalang ta myu laking ni hpe daw nna ma-um 2-3 hpe ga n tsa ngam nna n hkrun langai hpe laking 2 shadang hte hkai mai ai.

          Hpun byin wa ai ten aten man man tsing magang jaw ra ai.Hpun hpe tsing ga up kau yang hpun galu kaba lam hpe hkra nna,hpun hpe si shangun lu nga ai.Pulay namhpun hpe hpun ru tu nna hka lu ia ten hta garan bang mai ai.

          Labri hpun lap hpe gram jaw ra ai majaw lap hta duhkrat chye ia hpri n hkan sha ana ,shu’di kamu ana du hkrat n htawm,hka ing jang ru yat chye ai. Ana zinli a matu tau nau makawp maga ning hkap ai lam ni mung galaw mat ra ai. Hpun mat a nyaw-ai ana,lap gum din sha ai ana,ni du hkrat chye nna malut lap kaba hpe hka tsing nhtawm gat hprim mai ai.

 Tsi hte dat namhpun ni jai lang na nga yang labri lap latung ni hpe n di jaw sha shi yang yawm htum shata mi jan na hkra da ra na rai nga ai. Labri hpun gaw shaning galu hkai ai hpun rai nna,kalang hkai da ngut ai hpang gawn lajang sa wa nna shaning galu sut masa hku na jai lang ma ai hpun amyu langai mung rai nga ai.