Makrat Na Kamu Hkai Sha Ladat

  Hpung tang hpaji ladat hku na kamu hkai ai shaloi, sha kamu hte tsi byin ai kamu ni hpe hkai nga ma ai.Sha kamu ni hta Ngwe nin kamu,Ngwe nar knmu,makret na ,shitar ki mo,yi hku kamu n dai ni rai nga ai.

  Hpung tang hpaji ladat hku na kamu hkai sha ai shaloi kamu amyu langai hte langai shai ai lam nau n nga ai.kamu hkai sha ai ten hta galaw ra ai magam bungli madang tsang (4)nga ai.Dai ni hta-1.kamu myu san kaja ai hpe hkai ra ai lam 2.kamu nli tum-kamu law wa ai baw shat galaw ai lam3.Kamu hkai htuk shapraw ai lam 4.Kamu hkai ai lam ni rai nga ai.

 Kamu hpe n-nan hkai ai ni hku na madang 4 kaw na hpang n htawm kung kyang wa sai hte maren lahta na madang ni de tsang hte tsang rawt jat galaw sa wa ra ai.ndai lamang hta gaw madang 4 makret na kamu hkai sha ladat lam hpe madat hka ja yu ga./gam garan ya na n -ngai.

  Makret na kamu hkai na matu shawng n-nan kamu hkai na gawk lajang da ra sai.Tinang hkai na kamu htuk shadang hta hkan na gawk lajang jaw ra ai.raitim kamu hkai na matu gawk laksan n lu lajang ai ni a matu tinang a dum nta hta nga ai hkashin gawk,gawk man ai shara ni hpe mai jai lang ai.raitim nbung pru shang kaja nna dang tawk jan shingkang n-du hkrat ai shara rai ra na.

  Bai n-nan gaw gap na ni a matu gaw shangu’(sh) dawnggoi galup n na shakum kum da ai gaw kaja dik rai nga ai.gawk hpe hkum tsai nep jaw ra ai.(Hka jaw ai shaloi hkum pup n byin hkra hte madi dat hkang zing na matu rai nga ai.kamu htuk ni hkai na matu pinra (sh)tan/gran n bang shalawm ra ai/)

  Hkai gawk hpe kahtet shadang (25-32)degree hte madi lum nai shadang (80-95%)lu an matu lajang jaw ra ai.Termometer shakap da nna …Hkai gawk ndun hpe hkum tsai nep ai shaloi hka law law jaw da ra ai.

  Hkai na gawk lajang da ngut ai hpang makret na kamu bang shakung da ai makret na kamu hpe tsep tsi galaw da ai hkai htuk ni hpe mari mai sai.Mari da sai kamu hkai htuk ni gawk hte htap htuk na matu gawk kata da nna lahkawng ya daram tawn da ra ai.Dai hpang hkai htuk ndung maga hpe sumri hte ngang ngang gyit jaw ra ai.dai ngut jang htuk n pu maga ni hpe nhtu hte loi ga jaw ra ai.Dai zawn galaw ya ai shaloi hkai htuk kata kamu ni hpe nhtu hte nhkra hkra sadi jaw ra ai.dai hpang hkai htuk ni hpe sumri hte gyit nna hkai gawk kata pinra (sh)gran ni hta gum wawt noi da jaw ra ai.

  Lahta de na madang ni hpe galaw ngut sai hte lani mi hta hkai kalang,lahkawng lang,jaw jaw ra ai.Hka paik hte mai jaw ai rai tim hka nzam hku na jaw jaw yang grau kaja nga ai.hka n-nan jaw hpang ai ten kaw na bat mi laman kamu nnan pru lu nna bat 2-3 laman di la mai sai.

  Kamu hkai htuk langai kaw na 2-3 lang di la mai nna kamu hkai htuk mi na num nak a pung 3 kaw na pung mi kamu pru lu ai.Sadi ra ai lam hta makret kamu hkai na matu hte lanam hte n shung ta hta htap htuk nna ginhtawng ta hta kahtet shadang a majaw n hkrak ai.gin htawng ta hta hkai mayu ai re yang kahtet shadang hpe atsawm thing hkang jaw ra ai.