Pansoi Gaw Hkum Hkrang Hkamja Lam Akyu Law Law Hpe Jaw Ya Ai Lusha Kaja Rai Nga Ai

Ya ndai aten hta gaw hpagyi,shakau shaban,chying hkrang shat mai hkum sumhpa hpe hkai sha,lu sha mai ai aten rai nga ai gaw anhte chye ai hte maren rai nga ga ai.Dai hta e ndai pansoi mung shawoi aten na hta ndai ten grau nna sha ai masha ni law ai hpe mu lu nga ai.Dai majaw tinang sha ai lu sha gaw kaning re ai akyu yawm lam,akyu rawng lam ni nga ai hpe chye tawn da nna lu sha ga ai rai yang grau nna akyu pru ai hku manu shadan lu sha chye na ga ai hpe kam ai.

Ndai pansoi gaw tum hte lap ginlang yawng jai lang lu sha ga ai hta tum hpe gaw aten shagu shat mai shadu ai shaloi manam pyaw shakau shaban langai zawn jai lang lu sha law nga ai.Lap hpe mung tinang ra ai ladat amyu myu hte shat mai shadu sha ga ai re.Pansoi hta rawng ai lu sha dat n-gun ni gaw  protein,calorie,sau dat,carbonhydrate,mawm dat,shingra jumdwi dat,calcium dat,vitamin A,vitamin C dat ni rawng nga ai.

Pansoi a hkamja lam akyu ni hpe tsun ga nga yang nbung machyi ai hpe hkyamsa shangun lu ai.Grau nna ma kaji ni nbung htu aju nna kan machyi ai ten hta pan soi hta na lu ai sau hpe chya ya ai shaloi hkyamsa mai tsai mat lu nga ai.

Lu sha rin kaja ai –  lai wa sai shaning law law aten kaw nna lu sha rin kaja na matu pansoi hpe jai lang hkrat wa ai lam chye lu ai.Shat kan machyi ai,kan machyi ai,kan chyat kan shing dang ai hpe mung pan soi sha nna hkyamsa shangun lu nga ai.Hpa majaw nga yang pansoi hta rawng ai anethole drup pound gaw shat kan a magam bungli hpe kaja shangun nna lu sha rin ai hpe hkamja shangun ai hte shat kan machyi ai hpe hkyamsa shangun lu nga ai.

Lasa kang machyi ai hpe hkyamsa shangun lu ai – pansoi gaw lasa shan ni kang makret machyi ai hpe hkyamsa shangun lu ai zawn num kasha ni hkra lang ai ten kan machyi ai,baw machyi ai,salat katsi hpaw ai hte puba ai lam ni hpe mung hkyamsa shangun lu ai.

Hpyi hpe hkamja shangun ai – pansoi gaw jan shing kang hta na saba lai jan shing kang ni a majaw hpyi hten za hkra machyi ai,hpyi nyip kapum dumrit ai lam ni hpe makawp maga ya nna hpyi,shan hpe hkam kaja tsawm htap shangun lu nga ai zawn makau grupyin na maza mala ni a majaw hpyi hten za hkra machyi ai lam n byin hkra mung makawp maga ya lu ai akyu ni hpe pansoi sha nna lu la mai nga ga ai.Dai majaw lu sha kaja rai nga ai pan soi hpe sha nna hkum hkrang a hkamja lam akyu ni hpe hkam la nga ga law.

Lamang tang madun ai - Julia Ja Ing 

Lamang sawk tam la ai - Internet