Hkrum shaga lamang ( Interview ) 12 Oct, 2020

- Hkawp hkungga ai Nuwa Hpunau ni, anhte yawng ai chyeju madu Wa Saradaw Kaba Paul Zinghtung gaw, yaten hkum nngwi npyaw ai hte tsi tsi hkam la nga ai rai nga ai.

- Shi gade mi machyi npyaw ai raitim, myit hpe shaja let, hkam sharang ap nawng nga ai hpe mu lu nga ga ai.

- ya na zawn gade machyi kaba hkrum ai raitim, yungwi mahkawn hte karai kasang hpe shakawn let, shi a machyi ai ana hpe shi hkum nan myit shapyaw tsi la ai hpe la lu na ga ai.

- Bai nna, ndai zawn machyi hkrum ai hpe gadai hpe mung mara shagun ai lam n nga, karai kasang hpe sha myit dum let, hkam sharang ai rai nga ai.

- Machyi makaw hkrum nga ai raitim, shi a sagu hpung masha ni hpe n gun jaw ga ni law law tsun da nga ai.

- Bai, hpyen yen hkrum nga ai kashu kasha ni yawng hpe mung, alak mi n gun jaw da nga ai re.

- machyi makaw hkrum nga ai ni hpe mung myit nkaji na matu hte, karai kasang hpang de htunglu htunglai akyu hpyi na matu shadum n gun jaw da nga ai.

- shut hpyit mara ana zinli hpe makawp maga na matu grai yak nga ai, raitim, shani shagu na shut hpyit mara ni hpe dum sawn nna, raw dat hkyemsa lu na matu akyu hpyi ra ai lam mung shadum da nga ai.

- Wa sardaw gaw galoi mung shi tsun nga ai ga gaw, " Madu Yesu e, nang hpe ngai kam hpa nga n ngai " ngu ai ga si hte akyu hpyi ai lam rai nga ai.

- Shada akyu hpyi ya hkat ai gaw, kaja dik ai lam re, hpa majaw nga jang, anhte shinggyim masha da da, garum ya lu ai magam langai mi mung rai nga ai, nga nna, Wa Saradaw kaba Paul Zinghtung Grawng hkum nan hpaw tsun lai wa sai rai nga ai.

Tang madun ai - Sr. Rose Angeline Maran Nang Doi