Catherine Manaw Hnin Cherry Tsun Ai Ramma Ni A Lam

Jinghpaw Mungdaw kata hta simsa lam nlu ai gaw ramma ni a matu mayak mahkak lam kaba kaw nan lawm taw nga ai.

Jinghpaw Mungdaw hta simsa lam n nga ai majaw hpyen yen ni mung grai law wa ai,hpyen yen ra ai majaw ja gumhpraw yak hkak ai,laika hpaji atsawm nlu sharin la ai lam ni gaw ramma ni a matu yak hkak lam kaba rai nga ai.

Jinghpaw Mungdaw hta ramma ni a matu yak hkak taw ai lam bai langai mi gaw nang hpam malu masha mung lawm nga ai.Nang hpam lu sha ai masha tsa shadang 70% ngu na daram nga taw ai re majaw nta htinggaw shagu hta masha langai lawm ai zawn rai taw nga ai mang hkang mung ramma ni a galu kaba lam hpe pat shing dang da ya taw nga ai.