Wa Saradaw Raymond Sumlut Gam A N'gun Jaw Mungga

Ana ahkya ngu ai gaw makam masham hku nna gaw moi Madu Yesu mungkan ntsa sa hkawm ai ten ni hta mung tsi sara ni law law nga ai,tsi sara ni law law tsi ai,jahtum gaw tsi sara ni tsi nlu ai hpe Madu Yesu kaw tsi shamai lai wa sai.Daini mung anhte Karai Kasang anhte kam sham ai Madu Yesu gaw anhte hte rau nga ai re majaw ndai ana ahkya zinli zinpan hte seng nna mung anhte sadi ra ai,shakut ra ai,rai tim ahkyak dik htum gaw akyu hpyi ra ai,Karai Kasang hpe kam sham ra ai.

Karai Kasang makawp maga nga yang gaw anhte grai wa ntsang ra ai,ntsang ra ai ngu ai hta myit n gun lu la ai.Karai Kasang a lata hta ap da lu ai.Shi teng sha makawp maga ya lu ai ngu ai anhte a makam masham hte hkawm sa wa yang gaw anhte a myit hta hkyiba nga ai tsang ra ai myit ni hpe shazim kau nna anhte galaw ra ai magam bungli ni hpe angwi apyaw galaw sa wa lu na re.