May Shata A Matu Lak San Akyuhpyi Ga. (01 May, 2020)

Wa Sarabyin Francis kaw nna, Ndai May Shata hta,  Nu Maria kaw lak san akyu hpyi na matu jaw da ai akyu hpyi ga.

Chyoi Pra ai Nu Maria e, Nang Nu gaw, anhte a prat hkrum lam ntsa hta, hkye la hkrum ai lam hte myit mada ai lam a kumla, ninghtoi tai ya lit dai. Machyi makaw hkrum ai ni a matu shamai shatsai ai lam re ai nang Nu gaw, wudang nhpang e, ningsha Yesu a nni nkri hta langai rai hkam sha nna, na a makam masham ngangkang ai lam hpe madun dan nit dai.

Kamsham ai masha ni hpe makawp maga ya ai Nu Maria e, anhte hta ra kadawn ai lam ni hpe nang Nu chye ya lit dai, ndai myitru myit tsang  hkrum sha ai ladaw lai jang, Galile buga na kahtawng e, Kabu gara let poi matut galaw lu ma ai zawn, anhte hta ra ai chyeju ni nang Nu jaw ya na hpe kam ga ai.

Karai a tsawra myit hte hpring ai Nu e, Wa Karai ra sharawng ai lam hpe mung, Nungsha Yesu mastsun ai ga hpe mung, anhte hkan galaw shatup lu na lam garum ya rit. Ningsha gaw, wudang hkrun lam hku nna, bai hkrung raw tai lam a kabu hpa anhte hpe jaw ya na matu, anhte a nni nkri hpe gun la ya ai hte anhte a yawn hkyen shaoi-hpa ni hpe hkam la nu ai.

Karai a Kanu Chyoi Pra ai Nu Maria e, anhte nang Nu kaw sit shang shingbyi ga ai, anhte ra kadawn nga ai aten hta hpyi jahtau ai akyu hpyi nsen ni hpe lahpawt lama ndi kau ai sha, hkrit tsang hpa shagu kaw na anhte hpe hkye mawoi la ya rit law, Anhte a Madu Yesu Hkristu a mying ningsang hte hpyi nem nga ga ai law, Amen.