Kaja ai Kamoi Tai Na Matu Kaja Ai Kanam Byin Tai Lu hkra Shakut Ga

Tsawra hkungga ai Nu Wa Hpu Nau ni lai wa sai ten hta tang madun lai wa sai Kanam a ntsa tsawra shawang myit tawn da ai lam gaw kasha a dinghku hpe kaja dik ai hku makawp maga ya ai lam  rai nga ai ngu ai ngam nga ai daw rai nga ai. Tsawra ai nu wa ni e anhte Kamoi ni kasha hpe tsawra ai majaw  kanam ni hpe ndang sha ai, chye na hkap la ya ai hkan sa ya ai ngu ai lam hpe anhte kanam ni hku nna myit dum ra nga ga ai.Kanam a ntsa nchye na dang sha ai kamoi lu ai myitsu ai kanam ni a matu mung ningrum ningtau hpe tsawra ai majaw kanu Nga Rai nlu u ga myit pyaw uga ngu chye na nna kanawn mazum lam kaja hkra shakut shaja ai,tinang tsawra nna la da ai ningrum hpe tinang a majaw Nga rai ndu uga nga nna hkam sharang hkawm sa ai kanam ni mung nga nga ma ai re.

Lani mi hta gaw kanam mung Kamoi shara kaw bai du wa na re Kamoi shara kaw gara hku nna kasha kanam kashu ni hte kanawn mazum tsun shaga garum shingtau hkat ra ai hpe anhte kamoi ni tsawra shawang myit kaba tawn da let kasi kaja lai len kaja madun hkawm sa ga ngu tsun n gun jaw mayu nngai.Tinang a kasha hpe tsawra nna kasha a prat de shang wa ai num kasha,kasha hku nna tsawra let lata la ai num kasha anhte a kun dinghku hte prat rum nna du wa ai num kasha,tinang a kasha ngu hkam la let makawp maga tsawra shawang myit madun nga ga.Anhte kamoi ni hte bung ai lam nnga tim kaja hku nna galai shai wa hkra myit galu hte lam madun sharin shaga sa wa ga.Anhte Kanam ngu na ni mung myit dum ra ai gaw Kamoi hte nhtuk ai atsawm sha hkungga manu shadan ai lam nnga jang gaw Kaja ai kanam nlu ai zawn kaja ai kamoi mung byin tai lu na yak nga ai ngu hpe myit dum ra nga ga ai.Kamoi hpe manu shadan tsawra hkungga ai lam nnga jang gaw tinang ningrum ningtau mung tinang a ntsa yu kaji myit machyi ai lam ni nga wa na sha rai nga ai.Dai majaw kanam a ntsa tsawra shawang myit tawn da ai lam gaw kasha a dinghku hpe kaja dik ai hku makawp maga ya ai zawn kamoi a ntsa tsawra shawang myit tawn da ai lam mung kaja ai kamoi tai wa lu nna kashu kasha ban nnan hpe kaja ai hku nna sak hkrung lu ai prat hpe lam madun ya lu na rai nga ai.

Ref; May Thingyan Hein-myitmakha,Internet Web,

By; John Mung Hkrang