Nai Sam Hta Na Lu La Mai Ai Hkamja Lam Akyu

Nai sam hta shingra jumdwi dat rawng ai, sai kata na jumdwi dat hpe reng hkang shara ya lu ai hte jitdwi ana hpe makawp maga ya lu ai atsam rawng ai majaw jit dwi ana lu ai masha ni sha ya na htap htuk nga ai.

Free radicals ni a majaw aten galu machyi jung chyana ai lam nbyin hkra makawp maga ya lu ai.Cell ni hten za mat ai lam nbyin hkra makawp maga ya lu ai hte salum ana nbyin hkra mung makawp maga ya lu ai.

Bawnu magam bungli galaw ai hta kaja shangun ai majaw matsing nyan marai hpe sharawt ya lu ai.Asak kaba wa ai majaw byin ai matsing nyan marai ningra ai lam hpe shayawm kau ya lu ai.

Vitamin A rawng ai a majaw hkum hkrang hkamjan n-gun cell ni pru wa hkra jasu alun ya nna ana ahkya ni loi loi hte nkap shang wa hkra ning hkap shing dang ya lu ai.Vitamin A grai law rawng ai a majaw sha myi mu n-gun hpe sharawt ya lu ai.Shana myi nmu ai,asak aprat kaba wa ai majaw myi mu n-gun ningra wa ai lam ni hpe makawp maga ya lu ai.

Nai sam gaw lu sha n-gun dat hte mawm dat grai law rawng ai majaw kan hkru shangun nna,hkum namnak hpe shayawm ya lu nga ai majaw hpum shayawm mayu ai masha ni sha ya na htap htuk nga ai.-Nai sam hta beta carotene,magnesium,zinc dat hte vitamin B uhpung ni rawng ai majaw lami laman hkri hkraw machyi ai ana hpe hkyamsa shangun lu ai.Nai sam shadu ai ntsin hpe machyi ai shara hta chya ya ai rai yang lami laman hkri hkraw machyi ai hpe hkyamsa shangun lu ai.

Nai sam hta rawng ai mawm dat gaw lu sha rin shamyit ai hpe kaja shangun lu ai zawn pu ni hpe shamu shamawt kaja shangun lu nga ai.Dai sha n-ga vitamin B uhpung,vitamin C hte beta carotene,potassium hte calcium ni rawng ai majaw shat kan machyi ana hpe a ning daw mi rai hkyamsa shangun lu ai.Kan chyat shing dang ai lam n nga ai sha,shat kan kata na acid byin pru ai lam yawm ai majaw shat kan machyi ana byin wa lu na hpe mung shayawm kau ya lu ai.

Nai sam hta lawm ai mawm dat a majaw hkum hkrang gaw hka dat nsum mat hkra makawp maga ya lu ai,hkum hkrang kata na hka dat ni hpe gawn hkang shara ya nna cell ni atsawm sha bungli galaw lu hkra garum ya lu na hkamja lam akyu ni nai sam sha nna lu la mai nga ga ai.