Wa Madai Pan Hkai Ai Ladat

Wa madai pan hpe hkai ai shaloi tatut  kaning re lawng lam ni hpe hkan sa galaw ra ai lam

Tsawra ai shiga  madat Nu Wa Hpu Nau ni,ndai lamang hta gaw Wa madai Pan hkai ai shaloi ta tut hkan sa ra ai lawng lam ni hte seng nna gam gran ya na n-ngai.

  Wa madai pan hkai sana nga yang,shawng n-nan nhtoi shingkang,hka,hte nbung pru shang kaja lam ni hpe myit dum na matu ndai amyu 3 hta gara gaw grau ahkkyak ai ngu tsun na matu yak nga ai.Ndai amyu masum ting ahkyak nga ai.Hpa majaw nga yang -Nhtoi shingkang gaw Wa madai hpun ni a matu shanhte dang hkam ai jan shingkang hpe shaning tup lu mai ai daram law law lu na matu ra nga ai.Ga shadawn-palen la wa madai ngu ai a matu ding tawk jan shing kang a 30%(sh)50% hpe lu ra na rai nna,lamu de marawng ai wa madai law malawng a matu 70%(sh)90% hpe lu ra na rai nga ai.Ra ai nhtoi shingkang hpe lu la na matu shingnip lu ai paik,ma-un hkin lang ni hte ga-lup jaw ra na rai nga ai.Spider wa madai ngu ai jan shingkang hpe ding tawk ra sharawng ai wa madai pan ni hta lai nna ngam ai wa madai ni hpe ra ai jan shingkang ni lu n amatu shingnip galaw jaw ra na rai nga ai.

Hka – Wa madai ni gaw hka taw ai hpe dang hkam ai rai tim hka ding run jaw jaw na matu ra ai.Hka jaw ai shaloi hpun ting min 20- hkying hkukm mi daram du hkra madi nga hkra jaw jaw u.Rai tim hka ung,hka ngam chyam taw ai lam n-byin hkra sadi jaw na matu ra nga ai.Hka hpe lani mi lahkawng lang,jahpot kalang shana kalang ..jahpot daw hpe (9;30) aten du hkra ,jaw jaw mai nhtawm shana maga de (4;00)hpang daw de jaw mai ai.

  Nbung pru shang lam hta-Wa madai ni kaja greng na matu nbung pru shang ai  mung nhtoi shingkang .hka ni zawn sha ahkyak nga ai.Dai majaw wa madai ni hpe pinra hta hkai ai shaloi raitim,Di bu noi da nna hkai ai shaloi raitim nhtoi shingkang lu  mai ai shara,nbung pru shang kaja ai shara ni hpe lata na matu ra nga ai.

**Tsi byin ai Wa madai hpe gara hku dan makai,jahting tawn da ra ai Lam**

  Matut na Tsi byin ai wa madai hpe gara hku dan la,jahting tawn da ra ai lam hte seng nna madat hkaja yu ga.

  Tsi byin ai wa madai hkai ai hpang (3)ning daram hta lap lawm ai laking hkinlang ni pru wa na ra ai.dai hkinlang ni hpe hpun pawt kaw na 2” ngam nna daw la u.Lap nrun tim masum ning re sai hpun nu hta shan rawt ni nga yang dan la hkang zing mai ai.Dan la ai hpun nu hta shan rawt n-nan a matu lap hkin lang (3)yawm dik nga ra ai.Dai re yang she hpang shan rawt a matu kaba na matu madi shadaw ya na rai nga ai.Dan la ngut sai wa madai hkin lang ni hpe mahkawng nna hka hpum lum hte kapyawng nna sai la nhtawm sap sanap ni mat hkra lata hte arut jaw ra ai.Hka hte tsai hkra kashin ngut sai hkin lang ni gaw jahkraw na matu yawm dik hkin lang (10) daram hpe kawa pali hte gyit da jaw nna jahkraw na matu galaw da ra ai.

  Jahkraw na wan mang hta wa madai hkinlang shabawn ni hpe yawm htum htap 2-3,kahtap bang nna ntsa kaw na buri ahpa re hte ga-up da jaw ra ai.Wa madai shabawn ni hpe sharawt da nna jahkraw na matu mung mai ai.Wan mang npu kaw na wan n-ga ni bang jaw nna jahking jahka hkin lang shabawn ni hpe npu ntsa shalau galau jaw ra ai.

  Hkying hkum mali daram na ai ten duhkra wan ka kang ai hku na madi dat 10%nga ai wa  madai jahkraw ni hpe lu na rai nga ai.jahkraw wan ka kang ai shaloi npu wan grai n-ja na matu wa  madai hkin lang ni hpe ntsa npu galau jaw na matu ra ai.dai hku nrai yang wa madai hkin lang ni hkat hkru wa chye ai.

  Shabawn jahting tawn da ai lam- Jahkraw na wan mang kaw na jahkraw ngut sai wa madai jahkraw hkin lang ni hpe nbung jahpaw ai lapu sawp buk kata de bang da ai.buk ni hpe nbung pru shang kaja nna madi dat n nga ai jahting da ai shara hta shakum hte gang da nna tawn da ra ai.Jahting da ai gawk hta shata lahkawng hta jan nna jahting da ai lam nmai galaw ai.Marang hka hte hka nmadi na matu sadi ra ai..