Tsamawn Pan Pu Pru Shadang Kaja Hkra Gawn Lajang Ai Ladat

Gandama nampa pu pru shadang kaja na matu gara ladat the hkai gawn lajang ra na lam

  Nsam hkum ai hte tsawm htap ai Gandama nampan hpe myanmar mungdan shara shagu hta hkai nga ma ai.Asak ladaw hta hkan nna hkalung ai amyu,ram daw re myu,hte kaba ai jahti myu ngu nna garan da lu ai.

  Shaloi myu hpe gaw shata (2)jan,ram daw re myu hpe gaw shata (3),hte jahti kaba myu hpe shata (4)nga nna asak ladaw amyu myu nga ai.

  Ndai Gandama hpe hkai ai shaloi bawng bra galaw ai myu,daw la ai myu ni hpe jai lang nna hkai ma ai.Bra bawng ni hpe gaw shata mi daram tau nau bawng da ra nhtawm bawng na shara hta mung nbung pru shang kaja nhtawm jan shingkang ramdaw lu ai shara rai ra ai.Hkai na matu hkai bawng ni galaw ra ai.Bawng ntsa hta ga shatsam,nga hkyi,U hkyi ndai ni hpe ga hte ara sha gayau nna shalau jaw ra ai.Hka ing ai shara rai yang Hkai bawng ni hte hkai nan hkai ra ai.Bai hkai ai shaloi hpun langai hte langai 6”gang hkai jaw ra na rai nga ai.Shawng n-nan hkai hkawng galaw jaw ra ai.Hpun jahkrat haki na shaloi mung ga kata sung de 1”daram shang yang kaja ai.

  Hkai na bawng ban ni,daw da ai lakung ni hpe shingnip hta tawn da na ra ai.Jahpawt daw jan hta lam nna shana daw hta shingnip galaw da jaw ra ai.Bai hkai ngut ai hpang jahpawt kalang shana kalang hka jaw jaw ra ai. nhtoi 15 ya na ai ten hta aru ni pru wa na rai nhtawm dai ten hta lu sha hkru hkra jaw sha ra ai.Shata mi jan ram na wa ai shaloi hpun kaw na maku ni pru wa na matu ….jaw ra ai.dai ten hta tsing baw jaw na matu ahkyak ai.

  Dai nre yang jaw sha dat ai lu sha ni hpe tsing ni chyup sha nna nampan pu ni matu kaba na lam hpe dingbai ding na byin shangun ai majaw rai nga ai.Hpun npawt ga hpe kaput jaw ai hku na …ru ni pru wa na re majaw hpun n-gun grau kaja wa na rai nga ai.Shata lahkawng daram du ai shaloi laung ni mung ramdaw pru wa sai re majaw ra ai hta hkan na n-gun tsi,kamu tsi,shu lamut tsi,latung sat tsi ni gat jaw ra ai.Shata 3 jan daram hta gat lawk hta shang lu na matu pru wa ia ma-um ni hpe yawng ntawn da ai sha,nkau ma-um ni hpe sharun kau jaw ra ai.Hpun asak ladaw shata 4 jan mat yang gat lawk hta  manu lu ai tsawm ai nampan ni hpe di la lu mai sai…..