A tsam marai Hte Hpring Zup Let Aung Dang ai Prat Hpe Gaw Gap Sa Wa Ga

           Nang ngai anhte yawng a sak prat hta e Aung Dang ai lam hpe lu la mayu ai ni hte ra sharawng ai ni hkrai rai nga ga ai. manaw manang ni hte tsun shahta ai ten hta tinang a ra rawng gawng kya lam, hkrat sum ai lam ni hpe tsun shahta ai shaloi kadai mung nau wa nkam madata nga ai.Tinang hkum nan tatut shakut shaja n na lu la ai Aung Dang lam ni hpe sha grau n na ra sharawng ai hte sha kawn shagrau chye nga ga ai ,Aung Dang lam ngu ai hta ahkyin aten,shara grup yin mabyin  masa ni hte n seng nga ai ,anhte ni tsun chye ga ai ngai kaji ai ten kaw na laika grai ram ai ,ginsup ai hta grai ning tawng ai ,lam shagu hta  grai grai kung kyang ai ngai gaw laika nbyin ai ,masha ni zawn bawnu  nsam ai nga n na tsun chye ga ai .hpung tang hpaji ning hkring  kaba Edward Teller kaw na nyai marai hpring zup na hta grau n na ra sharawng galaw mayu ai lam nga ra ai nga n na madi madun da ya ai.Dai ni mung kan hta Hpung tang hpaji jak hpaji  Company kaba ni law law rawt jat galu kaba wa ai hte rau ,dai shara ni hta ap hkang  hparen chye ai ning bwa kaja ni law ra wa nga sai .masha law malawng  magam bung li galaw ten hta madu hkum madu kam ai myit n rawng ai,tinang hkum hpe yu kaji ai,galaw lu ai atsawm nga ai raitim masha ni a atsam marai ,hpaji machye machyang ni hpe shing daw yu n na shagrit kau ai ,myit kaji ai ,ndai myit masa lam ni gaw awng dang lam lu la na hpe shahten sharun kau ya lu nga ai ,Bawnu nyai marai n kam shaw ai  ngun tsep kawp nkam dat ai gaw masha langai a prat hpe shahten kau ya lu ai.

       GM Copany kaw bungli galaw ai James hpe Copany madu lauban wa gaw Manager lit magam shatsam ai sha loi ngai a sak naw kaji ai ,mahkrum madup n nga ai ngu n na bungli n hkap la ai ,James gaw shi kamgring ai shi a sara wa hpe ngai na lau ban wa ngai hpe Copanay Manager bungli jaw ai raitim ngai n hkap la ai ngu n na tsun dan ai sha loi shi a sara wa gaw  um dai bungli nang hte  hkrat rai sai ,na a lau ban wa nang hpe kam ai nang galaw lu ai atsam nga ai majaw bungli jaw ai nang lu la grin ai  a hkaw ahkang kaba rai sai  ngu n na hpaji jaw ai ,james mung Awng Dang ai hpe lu la mayu ai myit a majaw  myit aung ang lam n nga ai sha lu la gring ai ahkaw ahkang hpe tatut sung lang na hpe myit daw dan ai, Copany bungli hpe ning mu kaja dingman kang ka ai myit masa hte galaw shakut ai majaw kade n na ai ten hta Manager magam lit kaw na Copany hpe up ai shi hkum nan  madu ai Copany  hpe gaw gap la lu ai.Ngai asak naw kaji ai mahkrum madup n nga ai a sak kaba sai bungli nlu galaw ai  ja gumhprw  matsan ai ngai galaw dat yang hkrat sum ai shaloi  masha ni ngai hpe yu kaji na  jahpoi na hpe hkrit n na thing nut mat ai rai yang Aung Dang lam hpe galoi mung lu la na n rai nga ai .aung dang lam hpe lu la mayu ai raiyang madu hkum hpe san jep yu na hkum lagawn u,tinang a ra rawng gawng kya lam ni hpe tut e sawk tam n na chye sai hte rau galai shai ra na lam yan masa tam ra ai,dai masa lam yan hpe lu hkra galaw chye na mung a hkyat kaba rai nga ai hte  shani shagu lagaw lahkam htawt sit  shakut shaja ra nga ai.

    Aung Dang lam hpe lu la  mayu ai yang masha ni hpe aput apai nga n na mara shagun ai hpe koi gam u myit kalu kaba tsawra myit hte kanawn mazum nga sa let ,bungli ni hpe myit lawm sharawng shara ra ai hte a ten man man rai shani shagu hpaji hparat hte  kaja ai lam ni hpe myit lawm hku ai hte  galaw hkawm sa na ndai lam ni mung grai nan ahkyat ai .Aung Dang ai lam hpe lu la saini a myit masa lam yan hpe yu ga nga yang myit daw dan masin jahkrat ai hpe ta tut a kyu jashawn jai lang ai ,madu hkum madu kam ai , mayak mang hkang hkrum wa ai raitim kaja dik ai  hku galaw sa wa na hpe myit daw dan gwi ai ,nang ngai anhte mung a tsam marai hte hpring n na masha hpe akyu jaw ya lu ai ,shari shadang hte hpring  zup let  Aung Dang ai prat hta hkawm sa lu u ga ngu  2017 na laika ka Sara Banmaw Tin Hpye a JyiJyi  Twi Myin Myin chyan kaw na gam garan  dat ai.

By ;Sr Mary Ja An