Shingtawn Pan Hpun Kaw Na Latung Sat Tsi Htuk Shapraw Jai Lang Mai Ai Ladat Ni

 Shingtawn Pan Hpun Kaw Na Latung Sat Tsi Hpe Loi Loi Hte Htuk Shapraw Jai Lang  ai shaloi yi shaban lap kyap (6) hpe hka palin soi hta lana mi jahting tsing da ra nhtawm hpang shani hta lap ni hpe rin manai nhtawm hkrat wa ai ntsin hpe jen la ra na rai nga ai.Lu wa ai ntsin hpe sapya ntsin kahte’3-4 daram gayau nna, ra hkra shalau gayau ngut jang jaji lang mai sai.

 Ndai jen la ai ntsin gaw htaw bat hpun,sum wum hpuu hte kaga namsi hpun ni hta du hkrat ai lap kumdin latung ni a matu namchyim nga ai.Namchyim/ Atsam  gaw 90% duhkra akyu hkam la lu mai ai.

 Ndai shingtawn pan kaw na lu ai tsi ntsin gaw lap sha latung,hkai nu n-gawng hpun mat achyaw sha latung ni,dinggram hkyeng ni sha n-ga jahting nsi nai si ni hpe jahten ai latung ni rai nga ai tum sha latung ni ,hkai nu tum ni hpe achyaw sha ai latung ni hpe  mung shamyit dang lu ai atsam nga ai.

 Lap kumdin,lap sha ai latung ni a matu lap hkan mi jan hpe rin mani nna lu la ai jen ntsin hpe hka palin soi hte gayau nna gat hprim jaw ra ai.Namsi nam sawng hkan na chyi nu hpe shingtawn pan rawng mi ,hpe mani hkra htu adup nna hka chyaw 13 hte gayau shalau nna hka gawm langai ngai hta bang da u.Na na hkam na matu tan baya si chyen mi hpe ntsin shup bang mai ai.dai hpang gung amyu hpan langai ngai hte gayau nna nam si hpun hta noi da mai sai.

 Namsi hpun kaw sa ai chyinu ni gaw shingtawn pan ntsin hpe sa sha ai marang e si chye ai.ndai zawn asi n-nan si hpang ai ten kaw na asi di sha ai ten du hkra noi da jaw ra ai.Ndai zawn chyi nu hkam ai hpe bat mi hta kalang galai jaw ra ai.Gung sha sai chyi nu hpe kalang ta la kau jaw ra ai.bai na shing tawn pan hpe Yu la ni na na sha hkrup yang amyu htum mat chye ai atsam nga nna yu shamyit ai lam hta mung jai lang mai nga ai hpe gam garan ya dat let lamang hpe ndai kaw jahkring sai rai….

Lamang tang madun ai - Ellizabeth N bang Seng Lawt Lu