Shingra Latung Sat Tsi Hpaw Gayau Lang Ai Ladat

Shat gawk hta jai lang ai arung arai ni hte shingra latung sat si hpe aloi sha gara hku hpaw gayau jai lang ai lam

 Tsawra ai shiga madat Nu Wa Hpu Nau ni ndai lamang hta gaw Shat gawk hta jai lang ai arung arai ni hte shingra latung sat si hpe aloi sha gara hku hpaw gayau jai lang ai lam hte seng nna internet laika man hta mu hti lu ai hpe gam garan ya na n ngai.

 Nu wa hpu nau ni,tinang a dum nta hta hkai da ai namlaw namlap,hkai sun ni,nam hpan hpun ni a matu shat gawk hta jai lang ai arung arai ni hte shingra latung sat tsi hpaw gayau jai lang ladat hpe madat hkaja yu ga.

 Latsai Lap- Latsai lap gaw moi shawng de India mung dan hta hkai sun magam bungli ni hta latung ni hpe shamyit ai lam hta madung da nna jai lang ma ai.Ndai latsai lap gaw latung sat na matu atsam rawng dik shingra latung sat tsi rai nga ai. Jahten sharun ai latung amyu hpan (50)daram hpe shamyit kau ya lu ai.Latsai lap sau Aung tsa 0.5 hpe n-gun loi kya ai shingra kaw na htuk da ai sapya ntsin hpalap chyaw hka -ang hkup hte gayau nna hka liter 2 daram hte gayau nhtawm latung ni nga ai shara de hka jaw ai buu ni hta bang nna gau ngwi ngwi gat jaw mai nga ai.

Jum ntsin-Hkai sun,nampan sumwum hkan Insect latung ni du shang nga yang jum chyaw 2 hpe hka galan 1 hte gayau nna gat jaw u.

Sau - Marai ningja kaja san seng ai sha sau (10-3-)mm daram hpe Hka galan 1 hte gayau nna hka jaw ngoi hta bang nna latung ana ni hpe gat jaw u.jahten sharun latung di ni hpe duhkra si shangun lu nga ai.

 Shakau hpraw hte Shakau hkyeng- Shakau hpraw tawng mi hte shakau hkyeng ram daw re tawng langai hte rau gayau rin kau n htawm hka liter 1 the gayau nna hkying hkum mi ram tawn da u.Majap shamun chyaw mi,sapya ntsin chyaw mi bang ngut ai hpang hpun ni hpe gat jaw mai sai.Dai gayau da sai Hka gre sadek hta bang zing ya yang bat mi daram gat jaw mai ai.

 Sanun - Galaw ladat (1) Sanun shamun hkan 6 hpe dum su jit pelen 4-5 hte ra hkra gayau nna hka galan (3) jan bang jat na.Dai tsi n’tsin pelen mi hte sappya n’tsin zun mi hpe gayau nna gat mai sai

. Galaw ladat (2) Sanun hkan 3 hpe ahpa sha gadoi nna hka galan 2 hta hkying hkum 24 tsing da na.dai hpang hka galan 4 jan hte gayau nna gat jai lang mai sai.

 Galaw ladat (3) N gu hkan 6 hpe shadu nna sanun shamun hkan mi hte gayau na.Gayau da sai hpe htoi san ai shat gumdin galaw nna hkaipa hta tawn da na.Hkau na pa makau hta U hkring sa na matu hpun chyen jun da na.(Dung dang latung hte kaga latung ni mu ai ten kaw nna mam pu pu ai ten du hkra 2-3 ya hta kalang matut manoi tawn da ya na .Shat gumdin gaw latung sha ai u ni hpe hkam da ai lam rai nga ai.)

Akyu jaw ai lam- Latung ni hpe jahprawng kau ai ,sat kau ya ai.Hpun hta hpye ai ana ni mai ai.