Shat Naw Ntsin A Hkamja Lam Akyu

Anhte Myanmar mungdan masha ni a madung lu sha gaw shat rai nga ai majaw shani shagu shat shadu sha ai hkrai rai nga ga ai rai nna shat naw ntsin hpe yawng chye chyalu rai nga ga ai. Shat naw ntsin gaw hkum hkrang hkamja a matu hpa akyu ni jaw ya lu ai lam daini anhte hka ja la yu ga. Masha n kau mi shat naw ntsin hkyen la nna jumdwi bang gayau lu ai. N kau mi jum sha bang nna lu ai, nkau mi rai jang nga chyu bang nna gayau lu ai ni nga ga ai re. Kaja wa mung ndai shat naw ntsin gaw hkum hkrang hkamja lam a matu lusha n gun dat grai law rawng ai hte hpyi, shan tsawm htap hkra mung garum ya lu nga ai.

Shat naw ntsin gaw n gun hpring lusha langai rai nga ai. Shat naw ntsin hta e shat naw dat hte rau lu sha n gun dat grai law rawng ai majaw hkum hkrang a matu n gun grai jahpring ya lu ai.

Jahpawt jau jau hpa bungli garai n galaw shi ai ten hta shat naw ntsin a kahtet re ai hta jum loi bang nna dingrun lu ya ai rai yang hkum hkrang hta n gun hpring nna shani tup na magam bungli hpe atsawm sha galaw lu na rai nga ai.

Cancer ana hpe makawp maga ya lu ai – shat naw ntsin galoi mung lu ya taw ai rai yang cancer ana hpan n kau mi kaw na makawp maga ya lu ai.

Lamang tang madun ai - Julia Ja Ing