Saga Lap Gaw Sha Mai Ai Baw Re Kun

Saga hka si nga nna mung tsun lang ga ai saga si hpe gaw malu masha shat mai hku nna jai lang lu sha ai masha ni law ga ai raitim saga lap chye sha ai masha gaw grai wa n nga ai hpe mu lu ai.Chye sha ai masha ni a matu gaw saga lap mung lu sha kaja shat mai langai rai nga ai. Saga lap, saga si ni gaw hka ai nam chyim rawng ai majaw saga hka si, saga hka lap nga nna mung tsun lang nga ma ai. Saga lap gaw hkamja lam hpe mung akyu jaw ya lu ai lusha rai nga ai.

Saga lap hta hkum hkrang hpe akyu jaw ai lusha dat ni grai law rawng ai lam chye lu ai. Saga lap hta rawng ai dat ni gaw carbohydrate dat, protein dat, vitamin K, vitamin B6, vitamin B9, vitamin B2, vitamin C hte hpri dat, calcium dat, phosphate dat ni rai nga ai.

By Julia Ja Ing