Pawt Htoi Myu Nli Tum Hkai Htuk Shapraw Ai Ladat

Pawt Htoi myu nli tum a matu gara hku hkai htuk shapraw na lam

  Pawt Htoi myu nli tum htuk shapraw ai shaloi ladat (2) hte htuk shapraw mai ai.pawt htoi di /tum hpe hkai nna myu nli shapraw ai hte myu nli tum hkai nna myu nli tum htuk ai lam rai nga ai.

  Pawt htoi hpe Oct shara praw hkan hta myu nli tum jahkrat yang nli hpe hkan nna Jan shara daram hta pawt htoi pru lu ai.Acre mi kaw na pru ai ginbau di,ni gaw myu nli tum a matu bai hkai yang Acre(5,6)a matu lu ai.myu nli a matu galai n hkai shi yang ginbau di ga ai n-ga ai ,magi magaw,nsam hten ai ni hpe la kau nna nsam hta mang nna ginbau di ni hta mun hte makru ni n nga ai ginbau di ni hpe lata hkai ra ai.ginbau di a alap ni hpe 2-3”ngam nna daw kau jaw ra ai.

  Myu nli tum shapraw na matu hkai na ga lawk hta nga hkyi leng (50-80)daram jahkrat jaw na ra ai.Bai nna T-super P-250,bang nna na htai sung sung hte gam gram jaw ra ai Ndai pawt htoi ginbau di ni hpe ding ding bang nna hkai ra ai. Hpun langai hte langai hpe myu hta hkan nna (14-20)”laman da nna hkai yan langai hte langai (2’3’)gang da nna hkai ra ai.

  Ga kata makoi kyem rawng ai latung ni a matu latung sat tsi bang nna ga gram na ra ai.Uria P-20,Magnesium Phosphate P-80,hte gayau da ngut ai hpang namhpun hpe hkai ai nhtoi (20) na ai shlaoi kalang ,nhtoi (40) ya na ai shaloi kalang ,nampan pu ai shaloi kalang ,masum lang garan nna hpun makau hta bang jaw ra ai rai nga ai.

  Namhpun jaw ai shaloi tsing baw ai,ga pawm jaw ai lam ni hpe galaw jaw ra ai. Hpun laking ni loi loi hte daw loi ai,laking kaba wa yang ga ntsa kadang wa ai ni a majaw makau hta shadaw jun nna sumri hte hkang da jaw ra ai.

  Hkai sun hta myu nbung ai ni lawm yang baw kau jaw na ra ai.Nampan pu nna nhtoi (30-40) laman hpun laking ni hta htoi mang nsam gale wa yang dan la mai sai ra  nga ai.Di la nna nhtoi (5-7) ya na ai duhkra shingnip npu hta tawn da ra ai.dai hpang Hpri chyaran ntsa hta pu hpe shagum da nna arut jaw yang tum ni pru wa na re. Maza hkinglang shadaw n lawm hkra galaw jaw ra ai.bai nna nbung chying ai buu hta bang nna zing da ra ai. Acre mi kaw na myu nli tum P(600-800) lu mai ai.