Nhpu Maza Hte Duhkra Ladaw Galai Shai Lam

Daini na mungkan ga a duhkra ladaw galai shai wa ai hta ndai maza mala law jat wa ai mung lawm nga ai re.Grup-yin nhpu maza mala re ai masa lam nkau gaw shinggyim masha ni a shani shagu na mahkrum madup hte seng nga ai.Anhte marawp nga ai grup-yin nbung n san seng,maza nga ai majaw grau nna nlu nsu matsan ai masha ni hta hkam kaja lam hkra nna machyi makaw ana hpan amyu myu byin law nga ai hpe mu lu ga ai.De a majaw asak naw kaji ai masha ni wan sen madang hte hten run si mat ma ai hpe mu lu nga ga ai.Ndai zawn maza mala re ai nbung ni byin pru law wa ai, mungkan ga makau grup-yin hten za ai hte masha hkum shagu hkrum katut,hkam ra nga ai grup-yin maza mala ni gaw jak arung arai ni law ai,jak sau shamawng ai kaw na pru wa ai wan hkut,nbung maza ni a majaw rai nga ai zawn yi sun,hkauna kaw bang ai,dat nam hpun hte jai lang ai sat tsi amyu myu rai nga ai hkagri sat tsi,mahtawng sat tsi hte hpun nhpang sat tsi ni a majaw ga sau hte hka hpe hten shangun ai (acid dat)chyahkri dat ni a majaw rai nga ai.Ndai lam ni gaw hpaga lam hta akyu pru ai jak hpaji ladat hku jai lang nga ga ai.Rai tim kalang lang arai ni a matut mahkai nga ai dam lada ai hpe n mu mada lu ai majaw dai ladat ni gaw mang hakng langai hpe hparan lu tim,kaga mang hkang lam ni pru jat wa shangun nga ai.

Shingrai anhte shiga madat ni mung ndai lam ni hpe myit sawn sumru dinglik yu nna anhte a mungkan ga,makau grup-yin hta nhpu maza,nsan seng ai hka,nbung hte duhkra ladaw ni lani hte lani galai shai wa ai hpe makawp maga la na matu mawn sumli la na matu anhte yawng hta lit nga ga ai hte maren tinang byin mai ai jut shara mi kaw nna shang lawm nga ga ngu n-gun jaw tsun shadum ya dat lu ga ai.