Nga Kaba Sau Hte Hkamja Lam Akyu

Nga kaba sau hta lawm ai DHA ngu ai gaw asak kaba wa nna myi sap sanap sinlam hten za mat ai hpe makawp maga ya lu ai.

Ma kanu ni a matu machyu hpa lu sha re – hpa majaw nga yang nga kaba sau hpe ma hkum byin ai aten lu ya ai rai yang hkri tung na ma a bawnu marai hpe sharawt ya lu ai,shangai ai kaw na byin lawm wa chye ai ana ahkya nkau mi hte
kaga ana ni grai sawng ai lam n nga hkra shadawn shadang langai du hkra makawp maga ya lu nga ai.

Nra hkamja ai – Nga kaba sau gaw nra ni ja hkak hkamja na matu hkri hkraw ni hpe n-gun shabyin ya lu nga ai.Bai nna sin hta sau shajan rawng ai hpe mung makawp maga ya lu ai.

Salum hkamja shangun ai – Nga kaba sau gaw salum ana byin shangun ai hpe shayawm kau ya ai hta akyu pru nga ai.

Hpum lai ai ana nbyin na matu garum ya lu ai - masha langai grai hpum wa ai gaw ana ahkya byin wa na a ningpawt rai nna ana ahkya ni hpe shabyin ya ai gaw ladu lai hpum ai lam rai nga ai.Dai zawn re ai masha ni a matu nga kaba sau sha ya ai rai yang sai kata insulin hpe ninghkap ya ai n kaja ai dat ni hpe shayawm kau ya ai zawn bum machyi ai lam ni hpe mung grai hkyamsa shangun lu ai.

Shan, hpyi hkam kaja lu ai – nga kaba sau gaw hpyi kata sau htuk shapraw ai hpe galaw sharai shara ya lu nna ban si tu ai hpe hkyamsa shangun lu ai.Bai nna hpyi hpe pri madi tsawm htap shangun lu ai akyu nga kaba sau sha nna lu la
mai nga ai.