Nbyem Si Tum Hte Latung Ana Sat Tsi Galaw Ladat

Nbyem si tum, photo;Internet

Nbyem Si ( Custard Apple )

  Tsawra ai shiga madat Nu Wa Hpu Nau ni, ndai lamang hta gaw Nbyem si tum hpe jai lang nna latung ana sat tsi hpaw gayau jai lang mai ai ladat hpe gam garan ya na n ngai.

  Nbyem si hpun ni gaw kahtet lum nai ai duhkra shara ni hta atsawm tu kaba lu mai ai. Lu sha nsi nai si hpun hku nna sun kaba galaw nna hkai nga ma ai. Myu nli hpan (80) daram nga ai raitim myanmar mungdan hta yu yu nbyem si hte sanghpaw nbyem si amyu hpan 2 sha atsawm mu lu ga ai. Dai amyu 2 hta latung sat tsi atsam nga ai majaw latung sat tsi hku nna akyu rawng hkra hpaw gayau jai lang mai ai.

  Galaw ladat (1) – Nbyem si tum gaw nbyem alap hta na grau atsam nga ai. Nbyem si tum ni hpe jan shingnip hta atsawm hkraw hkra nbung hta jahkraw da ra ai. Nbyem si tum hkan (30), (500)g, hka gallon -4

   Nbyem si tum jahkraw ni hpe mani hkra htu ra ai. Nbyem si tum hkum yun hkan 30 hpe hka gallon 4 hta bang gayau shalau nna lahkawng ya daram hka tsing da u. Dai ngut ai hpang sumpan ahpa sha hte jen shup la nhtawm jai lang mai sai rai nga ai.

Galaw ladat (2)

  – Nbyem si tum hpe hka hpum lum loi bang madi nna sau hte rin la u. Lu wa ai nbyem tum sau htam mi hpe hka htam 10 gayau jaw ra ai. Dai hpang sapya ntsin kachyi mi bang jaw ai rai yang grau na kaja ai latung sat tsi hpe lu na rai nga ai.

  _ Tsi ntsin hta ye nan sau kachyi mi kahtap bang nna gayau jai lang ai re yang grau na latung sat ai hta atsam nga ai.

Galaw ladat (3)

  • Nbyem si tum hpe nsi nai si ni hte gayau  jahting da ai rai yang si gawa sha ai latung ana kaw na lawt lu ai. Bai na nbyem lap hpe nsi nai si jahting tawn da ai shara hta lam hte lam bang da jaw ai hku na nsi nai si anyaw krau sha ai latung dam kaw na makawp maga lu nga ai. Bai ndai nbyem lap hpe malut tsi lap kaba, sha tsawng ngu ai tsi bunghku ni hte htu mani nna twi machyi nga ai ana nma hkan, nma dingsa ni hta ga up jaw yang nma hkraw lawan nna shan rawt lawan lu mai nga ai. Nbyem si hpun a shan gaw u hkun nlung lu ai majaw nbyem si hpun ni hte sadek ni mung  mai galaw lang mai ai lam hpe gam garan ya dat ai.

 

 

Add new comment

4 + 14 =