Myanmar Mungdan ting ngwi pyaw simsa wa na matu, Hkristan Hpung ni akyu hpyi nga ga timung, hpyen yen grau law wa, gap hkat ai lam grau law wa ai; alawan sim sa wa na matu gara hku akyu hpyi ra na kun?

Myanmar Mungdan ting ngwi pyaw simsa wa na matu, Hkristan Hpung ni akyu hpyi nga ga timung, hpyen yen grau law wa, gap hkat ai lam grau law wa ai; alawan sim sa wa na matu gara hku akyu hpyi ra na kun?

Muse, Nam Hkam Sasana, Mung-Gwi Buga, Pying Hkam Lawk  Ya (Pa La Na) Kaw Nga Ai  Sara Luka La Sang Brang Tawng a Ga San Hpe Htai Ya Lu Ga Ai.    

Potugyi Mungdan, Fatima mare e, Chyoi Pra ai Maria htet da ai ga the mahtai jaw dat lu ai:

"Hpung masha yawng, tinang a akyang lailen galai shai nna, tinang a mara ni a matu Karai Kasang kaw myit malai let, hkan sa hpyi na matu;

Ya Hpang De Nye Kasha Yesu hpe bai n shayawn na matu;

Rosari kachyi tsun let akyu hpyi shakut na matu;

Nye a Chyoi Pra ai Salum hta shamyet shanat  let tinang hkum hpe ap tawn da na matu;

Shata shagu a shawng na Kru Ya shani shagu, shata manga(5) tup Chyoi Pra ai Hkum hpe hkam la nna, ngai hte nye Kasha Yesu hkam la sai yubak lam ni hpe myit sumru let,

Tinang a mara ni a matu ari dan hkam la na matu"; ngu nna rawng nga ai.  Anhte Hpung masha ni hta na marai kade wa ndai lam ni hpe hkan shatu sai kun?

Ga San:

1. Wudang hpe gara shara kaw shawng lang hpang wa ai kun? 

2. Kade prat kaw na lang hpang wa ai kun?

3. Ga Shaka Dingsa hta wudang hte seng ai lam lawm ai kun?

4. Ga Shaka Ningnan hta gaw gara hku mu lu ai kun?

5. Wudang manu dan ai lam hte akyu chyeju ni gaw hpa rai kun?,

Waimaw Jau Ginwang e shanu nga Nna, ya San Columban Jau Tai jawng kaji  hta hpaji hkaja nga ai;Shadang Zau Mai a ga san hpe htai dat ya lu ga ai

1. Wudang hpe gara shara kaw shawng lang hpang wa ai kun? 

Wudang masat hpe Madu a Shaning 300 daram kaw nna Nawku Hpung lang hpang wa ai.

2. Kade prat kaw na lang hpang wa ai kun?

Yesu a Wudang hpe Hkristan Makam Masham a kumla hku nna, Madu a Shaning 400 daram hta Roma Hkawhkam Constintine a pra kaw nna lang hpang wa sai.

3. Ga Shaka Dingsa hta wudang hte seng ai lam lawm ai kun?

Moshe zaibru jang hta sharawt tawn ai magri lapu sumla gaw Yesu a Wudang hpe shingran jaw ai kumla rai nga ai.

4. Ga Shaka Ningnan hta gaw gara hku mu lu ai kun?

Yesu Shi a Wudang hpe hpai let, Pumgum ngu ai shara de lung wa nna, dai wudang hta shinggyim masha yawng a shut hpyit mara a majaw si hkam sai hpe anhte chye la sai.

5. Wudang manu dan ai lam hte akyu chyeju ni gaw hpa rai kun?

   Yesu a Wudang anhte hpe lawt lu ai lam jaw ya ai (Rom 3:9-12);

   Anhte kraw lawang hta Ding hpring ai hpe ra sharawng ai myit bang ya ai (Rom 7:5-6)

    Anhte hpe Karai Kasang tsaw ra ai ngu ai hpe seksa hkam ya ai (Yawhan 3:16)