Makam Masham Hkaja Lamang -Shyinggyim Masha a Shanglawt

Shyinggyim Masha a Shanglawt

Shyinggyim masha gaw, shi a myit mang atsam ni hte ndang hti lu ai lam ni, ya ten hte htawm hpang ten matut mahkai ai lam hpe chye na myit hkawn ai, shi galaw ai lam ni a ntsa e, lit nga ai, yawng mayawng hpe up hkang ai Karai Kasang a atsam hte htani htana tara lam madun ai hta, hkawm sa ai, Dai gaw ya aten nga mu nga mai na matu sha n ga, du na aten hta shi a matu akyu pru na matu shi a daw dan lu ai atsam hpe akyu jashawn ai lam ni rai nga ai, Dai majaw shinggyim masha gaw ndai mungkan ga a asi ni hpe lu ra ai sha n ga, htawm hpang de lu na sha na matu, hkai sha na lamu ga hpe mung lu madu ra ai

Pope Leo XIII, Encyclical Rerum Novarum ( 1891 ),6, Yawng Maren Re Ai i?

Shingta tara hte maren, shinggyim masha ni gaw ahkyak ai lam ni hta, nbung ai lam ni law law nga ai, atsam marai, kung kyang lam, hkam ja lam, n gun marai, nbung ai masa hta hkan nna, n bung ai gam maka lu nga ai, Dai zawn re ai nbung ai lam ni gaw, masha shagu, shing nrai shawa hpe akyu njaw ai nre, Shawa a asak hpe sut hpaga a matu, n bung ai kung kyang lam law law hte adaw achyen law law a shamu shamawt lam htte hkang da lu ai, masha shagu madu hta nga ai atsam hte madu ra ai hpe lata la lu ai