Majap Hpe Ladat Jaw Jaw Hte HKai Sha Ai Ladat

My Photo

MAJAP HKAI SHA LADAT

  Shat gawk kata shadu lu shadu sha ai hta n lawm n mai rai nga ai majap hpe anhte ginra kaw ladat jaw jaw hte hkai sha lu na matu majap hkai sha ladat hpe garan gachyan dat nngai.

  Anhte buga ginra shara shagu gaw majap hkai sha na matu grai kaja ai lamu ga re, majap gaw ga sau rawng ai namhpun hte hka madi ai ga kaw hkai ra ai, grai kahtet ai hte grai katsi ai ginra ni hta gaw majap hkai sha na nau n mai ai.

  Majap hkai ai hta namhpun ni hpe jai lang nna hkai ra ai, shing-ra namhpun ngu ai hta namlaw namlap chyayet zawn re ai hte dumsu, wa ni a maza ni, dap ni hpe madung jai lang ra ai.

   Majap hpe Lanam shang wa ai aten hte mammu mamshu la ngut ai aten ni hta hkai yang grau htap htuk manu nga ai re. Mammu mamshu la ngut ai hpang hkauna na lawk ni hta lamu ga ni hpe atsawm htu masit la nna hkai yang mung grai htap htuk nga ai. Majap hpun a asak gaw shata (3,4) na ai re majaw aten kadun laman hta hkai sha yang mai nga ai.

   Majap hpe bawng bra la nna hkai ai hte atum hpe jahkrat nna hpan lahkawng hku mai hkai ai raitim majap tum jahkrat nna hkai ai gaw majap tu wa ai shaloi mayak manghkang ni grai law ai majaw majap hpe abawng bra nna majap hpun langai a asak 30 ya hte 45 ya re shaloi tsaw de letma 5" , 6" daram re hte baw hkai yang grau kaja nga ai.

  Hkai da sai majap hpun ni n hten n yat mat na matu ga ni hpe namhpun ni loi loi bang nna ding yang pawm ya nhtawm hka jaw ya ra ai. Majap hpun kaw shingtai latung hkrat wa ai hta hkan nna tsi ni hpe mung gat ya ra nga ai.

  Majap asi law law si na matu hkai da ai majap hpun pe mi daram tsaw wa ai hte makru daw ya ra nga ai. Makru daw ya ai rai yang she lakying law wa nna asi law law si ya lu nga ai.

  Anhte Wunpawng ni gaw majap n lawm yang shat nau n chye sha ai ni law law nga ai re. Anhte ginra hta majap hkai sha yang grai kaja ai lamu ga re majaw majap hpe gat lawk de na n mari sha ra hkra tinang dum nta sun, wang ni hta atsawm akawm hkai sha lu na matu hte shang gumhpraw mung lu na matu majap hkai sha ai ladat hpe Hkai Rem Magam Dap Lithkam Sara Kaba Kareng Brang Seng tsun hpaji jaw da ai hpe ginlen shalai ya dat nngai.

 

Credit; Laiza Shi Shanan; Ah Naw

 

Add new comment

10 + 2 =